SKÝRSLAN: Skagamenn stóðust fyrsta prófið í Pepsi Max deildinni
Hvað réði úrslitum?
Skagamenn nýttu sér mistök KA-manna og refsuðu grimmilega. Fyrstu tvö mörkin komu eftir varnarmistök og aukaspyrnan sem þriðja mark ÍA kom úr kom einnig eftir klaufagang í vörn KA.
Bestu leikmenn
1. Tryggvi Hrafn Haraldsson(ÍA)
Tryggvi mætti með stæl aftur í efstu deild. Skoraði tvö mörk og var sífellt ógnandi. Hefði getað fullkomnað þrennuna en Aron varði vel frá honum.
2. Lars Marcus Johansson(ÍA)
Miðverðir Skagamanna var voru öflugir í dag og þar fór Lars fremstur í flokki. Gríðarlega öflugur í loftinu og skilaði boltanum vel frá sér. Virkar alvöru gæi.
Atvikið
Mistökin sem Brynjar Ingi gerði í fyrsta markinu. Gaf hörmulega sendingu til baka á Aron sem Tryggvi Hrafn komst inní og skoraði. Svona mistök eru bara ekki í boði í efstu deild.
Hvað þýða úrslitin?
Skagamenn byrja mótið eins og þeir ætluðu sér á sterkum heimasigri. Alltaf gott að vinna fyrsta leikinn og ná hrollinum úr sér. KA menn geta tekið margt jákvætt út úr þessum leik til að byggja á í næstu leikjum.
Vondur dagur
Miðvörðurinn ungi Brynjar Ingi Bjarnason átti alls ekki góðan dag á Skaganum. Gaf fyrsta markið með skelfilegri sendingu til baka og gerði líka stór mistök í öðru markinu.
Dómarinn - 8
Vilhjálmur Alvar var flottur í dag. Gerði auðvitað einhver smá mistök en ekkert sem hafði áhrif á gang leiksins. Leyfði leiknum yfirleitt að fljóta nokkuð vel.