SKÝRSLAN: Grænir glaðir frá Grindavík
Hvað réði úrslitum?
Einstaklingsgæði eins og svo oft í fótbolta. Leikurinn var í ágætu jafnvægi þegar Aron Bjarnason sprengir leikinn upp með góðum spretti og enn betra marki. Á sama tíma var sóknarleikur heimamanna steingeldur og voru þeir í raun aldrei líklegir til að skora heilt yfir.
Bestu leikmenn
1. Aron Bjarnason
Ógnaði með hraða og leikni, skoraði gott mark og átti hreint ágætan dag.
2. Höskuldur Gunnlaugsson
Reyndi mikið framan af leik og sást að hann var kominn til að sýna sig og sanna. Var eins og aðrir í basli vegna aðstæðna en skilaði sínu þann tíma sem hann spilaði.
Atvikið
Mark Arons Bjarnasonar hlýtur þennan heiður í dag. Góðir leikmenn geta breytt leikjum á augabragði og það gerði Aron svo sannarlega í dag.
Hvað þýða úrslitin?
Blikar ná sér í 3 stig og brjóta þar með ísinn í stigasöfnun í sumar. Grindavik gerir það hins vegar ekki og þarf að laga sinn leik,
Vondur dagur
Sóknarlína Grindavíkur átti afar dapran dag. Menn voru að velja og tímasetja hlaup illa og ef þeir á annað borð völdu rétt hlaup var sendingin aldrei nálægt því að koma. Verða að laga þetta fyrir næsta leik sem er gegn Aftureldingu í bikarnum.
Dómarinn - 7
Einar átti bara nokkuð solid dag, samkvæmur sjálfum sér í flestu en var kannski helst til smámunasamur með nokkur atriði.