Svekkjandi tap. Ungverjaland með 6 stig en Ísland 3 stig. Ræðst í lokaumferðinni hvort strákarnir okkar komast áfram. Þeir leika á föstudaginn gegn Portúgal. Rússland og Ungverjaland, sem töpuðu í fyrstu umferðinni, mætast klukkan 14.

Fimm mínútum var bætt við.

Leikurinn hefur siglt inn í uppbótartíma.

Lítið eftir af leiknum. Bæði lið verða með 4 stig eftir tvo leiki ef þetta verður niðurstaðan. Rússland og Portúgal mætast í hinum leik riðilsins seinna í dag.

Ungverjaland fær hornspyrnu. Ekkert verður úr henni.

Aukaspyrna. Mikael Egill Ellertsson brýtur á Mihály Kata.

Meira líf í sóknarleik Íslands í seinni hálfleiknum. Ungverjar leiða þó í tölfræði yfir marktilraunir 12-7.

Spennandi lokakafli framundan. Ef Ísland nær sigurmarki er liðið öruggt áfram úr riðlinum.

Ungverjarnir verið talsvert öflugri í þessum fyrri hálfleik.

Enn er markalaust. Ungverjaland hefur átt þrjár marktilraunir, Ísland eina.

Ungverjaland átti fyrstu marktilraun leiksins en fyrsta marktilraun Íslands hitti ekki á rammann. Valgeir Valgeirsson átti skotið.

Í þessari lýsingu er stuðst við upplýsingar frá heimasíðu UEFA og samfélagsmiðlum KSÍ.

Íslenska U17 landsliðið mætir Ungverjalandi í öðrum leik sínum á EM 2019 og hefur Davíð Snorri Jónasson tilkynnt byrjunarlið leiksins. Hér verður fylgst með gangi mála í leiknum Strákarnir unnu góðan 3-2 sigur gegn Rússlandi í fyrsta leik sínum á mótinu á meðan Ungverjaland vann Portúgal 1-0. Þrjár breytingar eru gerðar á liði Íslands. Hákon Arnar Haraldsson, Danijel Dejan Djuric og Kristall Máni Ingason koma inn í byrjunarliðið. Út fara þeir Andri Lucas Guðjohnsen, Andri Fannar Baldursson og Ísak Bergmann Jóhannesson. Leikurinn fer fram í Dublin og hefst kl. 11:00 að íslenskum tíma. Tvö lið fara áfram úr hverjum riðli. Efstu fimm lið mótsins fara á HM í Brasilíu.