Leiknum er lokið með sigri heimamanna. Viðtöl og skýrsla á leiðinni.

Skagamenn með skyndisókn í restina og Bjarki með skot en Vignir ver vel. Langði í þrennuna strákinn .

Stefán Teitur með skot en Vignir ver vel.

90 komnar á klukkuna. Þrem mínútum bætt við.

FH-ingar halda boltanum þessa stundina án þess að skapa sér færi.

Jónatan með rosalegan sprett upp hægri kantinn og sendingu fyrir en Brandur með agalega slakt skot og Árni ver.

Brandur með skot úr aukaspyrnu en vel yfir markið.

Jákup kemst einn í gegn en dæmdur rangstæður.

Höddi Löpp með skot með hægri fyrir utan teig en vel yfir

Skagamenn með flotta sókn og Hörður með fyrirgjöf en bara enginn mættur til að pota honum yfir línuna.

FH-ingar vilja fá vítaspyrnu eftir að Halldór Orri fer niður í teignum en Pétur dæmir ekkert. Liggur nánast mark í loftinu frá gestunum.

Frábær sókn hjá FH-ingum sem endar með fyrirgjöf frá Atla en Halldór Orri setur boltann yfir markið.

FH-ingar að byrja seinni hálfleikinn mikið betur en Skagamenn. Halda boltanum vel.

Kiddi Steindórs með skot eftir horn en framhjá.

Skagamenn með hörku skyndisókn sem endar með skoti frá Bjarka Steini en Vignir bjargar vel.

Þá er seinni hálfleikur hafinn og það eru Skagamenn sem byrja með boltann og sækja í átt að höllinni.

Það er kominn hálfleikur á Akranesi. FH-ingar lágu á Skagamönnum hérna undir restina óheppnir að jafna ekki leikinn.

Það er einni mínútu bætt við fyrri hálfleikinn.

Björn Daníel með geggjaða takta fyrir framan vítateig Skagamenn og sendir á Pétur sem kemur með slaka fyrirgjöf sem Árni grípur.

Bjarki Steinn við það sleppa framhjá Vigni en Vignir gerði frábærlega og náði boltanum.

Álitleg sókn hjá FH-ingum sem endar með skalla frá Pétri en Árni Snær grípur vel.

Skagamenn með snögga sókn sem endar með skoti frá Tryggva en rétt framhjá markinu.

FH-ingar sækja meira þessa stundina án þess að skapa sér færi samt ennþá. Smá töf á leiknum vegna höfuðmeiðsla.

FH-ingar að sækja í sig veðrið eftir því sem líður á hálfleikinn og voru við það prjóna sig í gegn en Skagamenn bjarga á síðustu stundu.

Skagamenn brjálaðir og vilja víti. Boltinn virtis fara í hendi FH-ings en ekkert dæmt.

Enn skapast hætt í teignum hjá FH eftir hornspyrnu Skagamanna. Boltinn berst á ednanum á Hödda löpp sem tekur skotið með hægri en framhjá.

Fín sókn hjá FH sem endar með skoti frá BDS en það er vel yfir.

Aftur ná Skagamenn skalla eftir horn en framhjá. Einar Logi átti að setja þennan á rammann!

Skagamenn fengu hornpspyrnu og ná skallanum en framhjá markinu.

Líf og fjör! Árni með glórulaust úthlaup og Jóntan með skot en Lars bjargar. Árni stálheppinn!!

Leikurinn er hafinn og það eru FH sem byrja með boltann og sækja í átt a[ höllinni.

Byrjunarliðin eru klár og það er fátt sem kemur á óvart þar. Skagamenn stilla upp sama liði og vann val um seinustu helgi. Hjá FH er Vignir í markinu og Jákup og Brandur á bekknum.

Það eru tveir aðrir leikir á dagskrá í 4.umferð Pepsi-Max deildarinnar í kvöld og hefjast þeir einnig báðir kl 19:15. Víkingur R. fær Stjörnuna í heimsókn á meðan Breiðablik skellir sér norður yfir heiðar og mætir KA. Umferðin klárast svo á morgun þegar HK fær ÍBV í heimsókn, Fylkir mætir Val í Árbænum og Grindavík tekur á móti KR suður með sjó.

Dómari leiksin er Pétur Guðmundsson og honum til aðstoðar verða þeir Oddur Helgi Guðmundsson og Eysteinn Hrafnkelsson. Varadómari er svo Helgi Mikael Jónasson. Eftirlitsmaður KSÍ er Björn Guðbjörnsson.

Liðin hafa spila alls 80 leiki á vegum KSÍ og þar hafa FH-ingar vinninginn. Þeir hafa unnið 36 en ÍA hefur unnið 28. 16 sinnum hafa liðin skipst á jafnan hlut. Skagamenn unnu síðustu viðureign þessara liða í sem var í Fótbolta.net mótinu í vetur 4-2. Það þarf hins vegar að fara aftur til ársins 2005 til að finna síðasta sigur ÍA á FH í efstu deild.

Oliver Sigurjónsson leikmaður Bodo/Glimt í Noregi er spámaður 4.Umferðar Pepsi Max deildarinnar hjá okkur á fotbolti.net og hann hafði þetta að segja um þennan leik:

ÍA 1-3 FH

Tvö best spilandi liðin í upphafi móts. Þetta ræðst á því hversu vel FH nær að ráða við pressuna og föst leikatriði hjá ÍA. Óli Kri verður búinn að greina ÍA í döðlur og uppsker taktískan sigur.

FH-ingar fengu hins vegar KA menn í heimskókn í síðasta leik og höfður þar betur 3-2 í hörkuleik þar sem Halldór Orri Björnsson skoraði tvívegis og Björn Daníel skoraði eitt mark.

Skagamenn gerðu sér lítið fyrir og sóttu þrjú stig á Origo völlinn í síðustu umferð þegar þeir unnu Val 1-2 í hörkuleik þar sem Óttar Bjarni Guðmundsson og Arnar Már Guðjónsson skoruðu mörk ÍA.

Bæði lið hafa byrjað tímabilið virkilega vel og sitja hlið við hlið í 2-3 sæti í deildinni með sjö stig eftir 2 sigra og eitt jafntefli. Því má búast við hörkuleik hérna í kvöld.

Skagamenn hafa unnið KA og Val og gerðu jafntefli við Fylki á meðan FH-ingar hafa sigrað HK og KA og gert jafntefli við Víking R.

Heilir og sælir lesendur .net og verið velkomin í beina textalýsingu frá Norðurálsvellinum á Akranesi þar sem við ætlum að fylgjast með leik ÍA og FH.