SKÝRSLAN: Skagamenn tylltu sér á toppinn!
Hvað réði úrslitum?
Skagamenn nýttu færin sín vel og gáfu fá færi á sér. Hraðinn og pressan í bland við agaðann varnarleik.
Bestu leikmenn
1. Bjarki Steinn Bjarkason(ÍA9
Bjarki skoraði sín fyrstu mörk í efstu deild í dag og var sífellt ógnandi með hraða sínum.
2. Tryggvi Hrafn Haraldsson(ÍA)
Eins og Bjarki þá er hann sífellt ógnandi með hraða og leikni. Og með flottar fyrirgjafir .
Atvikið
Rauða spjaldið á Pétur Viðars. Skagamenn voru nýbúnir að skora og Pétur Viðars lætur reka sig útaf fyrir munnsöfnuð af því að hann fékk ekki horn sem hann vildi.
Hvað þýða úrslitin?
Skagamenn tylla sér á toppinn á markatölu.
Vondur dagur
Pétur Viðarsson fær þetta fyrir þetta heimskulega rauða spjald sem hann fékk. Að svona reyndur leikmaður skuli gera svona er alveg agalegt.
Dómarinn - 8
Pétur var virkilega flottur í dag. Leyfði leiknum að fljóta vel og leyfði mönnum aðeins að taka á hvort öðrum.