SKÝRSLAN: Færi og fjör í Grafarvoginum
Hvað réði úrslitum?
Færanýting FJölnisliðsins var hreinlega til skammar hér í dag, að fá 6 dauðafæri og svo fleiri fína sénsa ofan á það en skora bara 1 mark er alveg hrikalega lélegt!
Bestu leikmenn
1. Tori Ornela (ÍA)
Tori var hrikalega góð í markinu, varði þrjú dauðafæri og var virkilega örugg í marki Skagastúlkna.
2. Sara Montoro (Fjölnir)
Skrýtið að setja leikmann í tapliði hér, en Sara bjó til færi eftir færi fyrir liðsfélaga sína og var allt í öllu í sóknarleik Fjölnis.
Atvikið
Dauðafæri Ástrósar í byrjun seinni hálfleiks í stöðunni 0-0 hefði getað verið vendipunktur í leiknum en hún hitti ekki á markið.
Má líka nefna það þegar Ástrós nánast hélt í stöngina og skaut í stöngina og framhjá með markið galopið fyrir framan sig í fyrri hálfleik.
Má líka nefna það þegar Ástrós nánast hélt í stöngina og skaut í stöngina og framhjá með markið galopið fyrir framan sig í fyrri hálfleik.
Hvað þýða úrslitin?
Fjölnir er með 1 stig eftir tvær umferðir en Skagastúlkur eru með 4 stig.
Vondur dagur
Ástrós Eiðsdóttir verður að taka þennan stimpil á sig, það er jákvætt að hún sé að koma sér í fjögur dauðafæri en það er alveg skelfilega lélegt að skora ekki úr neinu þeirra, því miður!
Dómarinn - 7
Dómararnir voru solid í dag, ekkert erfiður leikur að dæma.