SKÝRSLAN: KA svæfðu Stjörnuna í upphafi seinni hálfleiks
Hvað réði úrslitum?
Byrjunin á seinni hálfleik. Stjarnan mættu ekki til leiks og KA bara kaffærði þá í byrjun seinni, skora tvö mörk og halda svo markinu hreinu.
Bestu leikmenn
1. Elfar Árni Aðalsteinsson
Elfar var óþolandi fyrir miðverði Stjörnunnar í dag, vann endalaust þarna frammi og skoraði gott mark. Frábær leikur hjá Elfari.
2. Ólafur Aron Pétursson
Fyrstu mínútur hans í sumar og hann var frábær, skoraði í byrjun seinni hálfleiks og var að vinna allar tæklingar varnarlega. Þvílík innkoma.
Atvikið
Markið sem dæmt var af Guðmundi. Aðstoðardómarann flaggaði að boltinn væri kominn aftur fyrir og Rúnar var ekki sammála því en erfitt var að sjá héðan hvort það var réttur dómur. Hefði komið Stjörnunni yfir og eflaust breytt leiknum.
Hvað þýða úrslitin?
Stjarnan er áfram með 8 stig á meðan KA koma sér upp í 6 stig með sigrinum hér, hrikalega mikilvæg stig fyrir KA.
Vondur dagur
Haraldur Björnsson.
Gaf fyrsta markið, kemur í vont úthlaup út í fyrirgjöfina og boltinn dettur fyrir Ólaf Aron sem getur ekki annað en skorað. Kemur KA á bragðið.
Gaf fyrsta markið, kemur í vont úthlaup út í fyrirgjöfina og boltinn dettur fyrir Ólaf Aron sem getur ekki annað en skorað. Kemur KA á bragðið.
Dómarinn - 7.5
Var með góð tök á leiknum, spjöldin rétt en hefði mögulega getað gefið fleiri auk þess sem ég er ekki viss um markið sem dæmt var af Guðmundi. Heilt yfir góð frammistaða.