Þá flautar Jóhann Ingi til leiksloka og Skagamenn vinna dramatískan sigur. Það virðist ekkert stöðva þá þessa stundina.

Viðtöl og skýrsla koma innan skamms.

Thomas Mikkelsen fellur hér í teignum eftir hornspyrnuna. Það var dýfufnykur af þessu.

Fjórum mínútum bætt við. Blikar eiga hornspyrnu.

Aron Bjarnason kemur inn með krafti. Á hér góða fyrirgjöf sem að fer í hendi Kwame Quee. Hefði getað orðið hættulegt þarna.

Hörður Ingi reynir hér skot lengst utan af velli en það er alveg vonalust og fer hátt yfir.

Vá Árni Snær kærulaus þarna. Er eitthvað að dóla með boltann og fær Mikkelsen í pressuna. Það endar með að hann neglir í Danann og nær svo að handsama boltann inná teig. Þarna hefði getað farið verr.

Þarna kom fínt færi. Tryggvi nær einhvernveginn að komast í gegn en Gulli er fljótur úr markinu og ver vel.

2152 manns á vellinum. Frábært. Gjörsamlega magnað. Verst bara hvað leikurinn er leiðinlegur.

Aukaspyrna Guðjóns Péturs er alveg vonlaus og fer beint í vegginn.

Kolbeinn Þórðar skorar hér en markið er dæmt af. Keyrt inní Árna þarna sem að var með vald á boltanum. Hárréttur dómur.

Tryggvi tekur aukaspyrnuna og endar hún ofan á slánni. Góð tilraun.

Skagamenn fá aukaspyrnu á stórhættulegum stað eftir brot Damirs.

Skemmtileg tilraun frá Hendrickx. Sér að Árni stendur framarlega og reynir að lyfta honum í hornið lengst utan af kanti. Árni er hins vegar fljótur að átta sig og slær boltann frá.

Arnar Már missir hér boltann klaufalega til Andra Rafns sem að kemur á fullri ferð í átt að teig Skagamanna en nær ekki að gera sér mat úr því.

Arnar Már með tilraun hér fyrir utan teig en Gulli er vel staðsettur og þarf að hafa sig lítið við.

Þá er leikurinn hafinn að nýju. Köllum eftir nokkrum mörkum í þessum síðari hálfleik.

Þá flautar Jóhann Ingi til hálfleiks í þessum toppslag. Staðan markalaus.

Arnar Sveinn með góða fyrirgjöf sem að Árni Snær nær að grípa. Hann fær síðan Thomas Mikkelsen á fleygiferð á sig og aukaspyrna dæmd. Árni lét svo einhver vel valin orð falla til Danans. Mögulega að skamma hann fyrir stigagjöfina í Eurovision í gær.

Gulli í tómu bulli. Fær boltann tilbaka og hann þvælir síðan Tryggva sem að kom í pressuna. Það endar með því að Tryggvi brýtur á honum og aukaspyrna dæmd.

Hér hinum meginn á Guðjón Pétur stórhættulega sendingu úr aukaspyrnu en Óttar Bjarni er vel staðsettur og kemur boltanum í horn. Ekkert verður úr þeirri spyrnu.

Tryggi Hrafn reynir hér skot úr aukaspyrnu en boltinn lekur framhjá markinu.

Enn sækja Skagamenn. Gonzalo að mér sýndist átti hér lága fyrirgjöf en allir Skagamenn missa af boltanum.

Spyrnan er fín en skalli Mikkelsen ratar beint í fangið á Árna Snæ.

Þá fá Blikar hornspyrnu sem að Guðjón Pétur ætlar að taka.

Bjarki Steinn hér með fína tilraun eftir góðan sprett en skot hans fer yfir markið. Gestirnir líklegri þessa stundina.

Skagamenn pressa Blikanna stíft og eiga þeir í bölvuðu basli með að spila sig útúr því. Stefán Teitur svo með enn eitt langa innkastið og hrekkur boltinn af Arnóri Snæ og aftur fyrir endamörk.

Lítið að gerast þessa stundina en góðu fréttirnar eru að ég er kominn með hamborgara. Þakka Blikunum kærlega fyrir það.

Thomas Mikkelsen við það að sleppa í gegn en Marcus Johansson tekur hann niður. Jóhann dómari sér hins vegar enga ástæðu til að dæma. Röng ákvörðun imo.

Höskuldur með skot lengst utan af velli en það fer hátt yfir markið.

Hér reynir Arnar Már hjólhestaspyrnu eftir horn en skotið er laust og Gunnleifur ver. Hinum megin á svo Höskuldur skot fyrir utan teig sem að Árni Snær ver í horn. Ekkert verður uppúr henni.

VÁ ÞARNA MÁTTI EKKI MIKLU MUNA!!!

Stefán Teitur tekur hér langt innkast sem að Marcus Johansson fleytir lengra í teiginn. Þar lúrir Gonzalo Zamorano en Gunnleifur með geggjaða vörslu. Minnti á David Seaman þarna.

Þetta fer hægt af stað. Arnar Már brýtur hér á Andra Rafni á miðjum vellinum. Blikar taka hana stutt og sóknin rennur svo út í sandinn.

Þá flautar Jóhann Ingi þennan stórleik á. Heimamenn byrja með boltann og sækja í átt að Fífunni.

Búið að opna í gömlu stúkunni enda allt orðið gjörsamlega troðið. Þetta fer að hefjast.

Hálftími í leik og fólk er mætt í stúkuna. Þetta er metnaður. Hér verður rífandi stemmning. Ég lofa.

Það verður nú bara að segjast að teppið er bara stórglæsilegt hér á Kópavogsvellinum. Ég peppa þetta.

Þá eru byrjunarliðin klár. Blikar gera tvær breytingar á liði sínu frá síðasta leik gegn KA. Þeir Viktor Karl Einarsson og Davíð Ingvarsson koma útúr liðinu og í þeirra stað koma þeir Jonathan Hendrickx og Andri Rafn Yeoman. Hjá gestunum kemur Hallur Flosason út en hann meiddist í síðasta leik. í hans stað kemur Arnór Snær Guðmundsson.

Ég hitti unga Blikastráka hérna fyrir utan völlinn og þeir báðu mig að Photoshoppa Blikamark ef að Skaginn myndi skora. Þannig að ég myndi taka öllu með fyrirvara hér í dag.

Heimamenn í Blikum gerðu sér góða ferð norður á Akureyri þar sem að þeir unnu KA 1-0 í síðustu umferð. Daninn Thomas Mikkelsen skoraði mark Breiðabliks úr vítaspyrnu.

Skagamenn fengu FH í heimsókn og endaði sá leikur með 2-0 sigri ÍA. Það var hinn ungi og efnilegi Bjarki Steinn Bjarkason sem að skoraði bæði mörk Skagamanna.

Um sannkallaðan toppslag er að ræða í dag. Bæði lið hafa byrjað mótið vel og eru með 10 stig í fyrsta og öðru sæti.

Leikurinn fer fram á Kópavogsvelli en þetta er fyrsti leikurinn á glænýju gervigrasinu. Óskum Blikunum til hamingju með það.

Jú komiði hjartanlega sæl og blessuð og veriði velkomin í þessa beinu textalýsingu á leik Breiðabliks og ÍA í Pepsi Max-deild karla.