SKÝRSLAN: Hjörtur Logi Valgarðsson hetja FH í iðnaðarsigri á Víking Reykjavík
Hvað réði úrslitum?
FH skoraði eitt en Víkingar ekkert. Þrátt fyrir að Víkingar hafi legið á FH-ingum undir lok leiks þá náðu þeir ekki að koma boltanum inn og eru það mörkin sem telja í þessu sporti.
Bestu leikmenn
1. Gunnar Nielsen (FH)
Var maður leiksins í dag að mínu mati. Hélt hreinu og átti nokkrar góðar vörslur í leiknum í dag.
2. Hjörtur Logi Valgarðsson (FH)
Hetja FH-inga í dag. Kom óvænt inn í liðið í stað Péturs og þakkaði fyrir það með virkilega góðu marki og solid frammistöðu.
Atvikið
Sigurmark FH - Þegar Hörður Ingi kom með frábæra fyrirgjöf á fjær og Hjörtur Logi var þar mættur og klippti boltann skemmtilega viðstöðulaust í nærhornið.
Hvað þýða úrslitin?
FH-ingar eru komnir upp í annað sæti deildarinnar átta stigum á eftir Val en liðið á leik til góða á Valsmenn. Víkingar sitja áfram áttunda sæti deildarinnar með 17.stig
Vondur dagur
Það var enginn slakur í dag að mínu mati - En Óttar Magnús hefur átt betri daga frammi hjá Víkingum.
Dómarinn - 6.5
Það reyndi ekki rosalega mikið á Jóhann Inga og hans menn í dag. Flestar allar ákvarðanir þeirra í dag voru réttar.