Stórt er spurt. Toppliðin að mætast innbyrðis og toppsætið í boði býður upp á taugaspennu. Bæði lið hafa átt betri leiki í sumar og geta betur en aðstæður voru svo sem ekki þess eðlis að frábær fótbolti hafi verið raunhæfur. Liðin gerðu þó það besta í stöðunni og tókust á af krafti. Þjálfurum beggja liða tókst líka vel til að núlla út helstu ógnir andstæðinganna.

Það er ekkert eitt atvik sem stendur uppúr eftir leik dagins svo ég ætla að nýta þennan reit til þess að hrósa áhorfendum beggja liða sem studdu vel við sín lið í dag. Og það er vert að minnast sérstaklega á síðustu 20 mínútur leiksins þar sem aðdáendur Keflavíkur settu í alvöru gír og studdu lið sitt af innlifun og ástríðu. Gaf leiknum rosalega mikin lit og var virkilega skemmtilegt eftir hálf dauft sumar í stúkunni.

Þau þýða það að staða toppliðanna er óbreytt. Fram trónir á toppnum en Keflavík sæti á eftir en á leik inni sem gæti skilað þeim toppsætinu.

Það er alltaf leiðinlegt að sjá menn meiðast. Sindri Kristinn Ólafsson og Andri Fannar Freysson þurftu báðir að yfirgefa völlinn vegna meiðsla og var Andri borinn af velli eftir að hafa meiðst á hné. Vonum að meiðsli þeirra beggja séu ekki alvarleg og þeir snúi fljótt aftur á völlinn.

Sömuleiðis mun Hlynur Atli Magnússon ekki eiga auðvelt með að sofna í kvöld eftir að hafa sett boltann í eigið net undir lok leiks og fært Keflavík stigið.

Klikkar ekki í stóra atriðinu sem var vítaspyrnan en mér fannst línan of smámunasöm. Leikurinn var rosalega oft stopp framan af leik og komust liðin aldrei í almennilegt flæði. Eflaust ætlað sér að taka völdin snemma í mikilvægum leik en valið ranga línu til þess.