Þessum ótrúlega leik er lokið! Með sigri Vals! Skýrsla og viðtöl koma inn seinna í kvöld!

KA fær aukaspyrnu, sending fyrir sem endar hjá Steinþóri en hann skýtur boltanum framhjá markinu.

Fjórum mínútum bætt við

Hannes grípur fyrirgjöfina

KA fær hornspyrnu

Mikill barningur inn í teig Vals. KA menn vilja fá víti, öskra hendi en á endanum er dæmd rangstaða.

VÍTI! Rodri spólar sig í gegnum vörnina en lendir á Rasmus sem brýtur á honum!

VÍTI! Stubbur brýtur á Sigurði sem var sloppinn í gegn

Það hefur verið nóg að gerast í þessum leik hingað til en heldur betur róast yfir þessu síðustu mínútur.

Hallgrímur komst í gott skotfæri en slæsar boltann framhjá.

Aukaspyrna tekin snöggt hjá Val. Boltinn endar hjá Patrick sem á slakkt skot yfir markið

Seinni hálfleikur farinn af stað.

45+3
Það er kominn hálfleikur. Svakalegur leikur. Færi á báða bóga. Mörkin hljóta að láta sjá sig í síðari hálfleik.

VÍTI! KA FÆR VÍTI! HEDLUND BRÝTUR Á ELFARI

Hallgrímur með lúmskt skot sem fer rétt framhjá.

Þorri Mar með stórkostlegan sprett, endar einn á móti Hannesi en Hannes sér við honum.

Kristinn Freyr með hörkuskot sem fer beint í Brynjar Inga sem liggur eftir. Það er í lagi með hann og hann heldur leik áfram.

Birkir Heimis með aukaspyrnuna beint á kollinn á Hauki sem skallar boltann í slánna. Valsarar ná til boltanns en á einhvern ótrúlegan hátt endar boltinn í lúkunum á Stubb.

Skallað frá en Valur fær aukaspyrnu á góðum stað.

Valur fær hornspyrnu

Grímsi með tvær sendingar með stuttu millibili, lágar milli varnar og markmanns. Sóknarmennirnir í teignum ekki nógu ákveðnir.

Haukur með slappt skot utan af velli vel framhjá marki KA.

Sendingin úr hornspyrnunni fer yfir allan pakkann og afturfyrir.

Birkir Heimisson með aukaspyrnu frá hægri, sendir boltann inní teig. Haukur Páll skallar boltann í jörðina og Stubbur ver í horn.

Ásgeir Sigurgeirsson komst í gott færi en Hannes sá við honum og varði í horn, ekkert varð úr horninu.

Tekin stutt, endar hjá Hendrickx sem á sendingu fyrir. Þar stekkur Elfar manna hæst og skallar boltann í stöngina.

KA fær hornspyrnu

Hallgrímur Mar tekur aukaspyrnu frá hægri. Sendir boltan fyrir en Rodri skallar boltann upp í loftið, auðvelt fyrir Hannes að grípa.

Valsmenn komast í góða stöðu en Haukur Páll með slaka sendingu sem endar framhjá marki KA.

Kemur sending fyrir frá hægri, Elfar Freyr reynir við skallan en hittir ekki boltann. Hedlund kassar síðan boltan á Hannes.

Leikurinn er hafinn. KA menn byrja með boltann.

Þetta er að bresta á. Liðin ganga hér inn á völlinn. Vel mætt í stúkuna. Þetta verður eitthvað! Góða skemmtun.

⚽️ LEIKDAGUR! Strákarnir ætla sér 3 stig gegn Íslandsmeisturunum!

🏆 @pepsimaxdeildin
🆚 Valur
📍 Dalvíkurvöllur
⏰ 16:00
🎥 Beint á @St2Sport
🎫 Miðasala í @stubburapp
📣 Áfram KA! #LifiFyrirKA pic.twitter.com/ekZ8OOzQ4Z

— KA (@KAakureyri) June 20, 2021

#valurfotbolti #Macron #Lenovo #komavalur #fotboltinet pic.twitter.com/GpDrF3Ghiu

— ValurFotbolti (@Valurfotbolti) June 20, 2021

Byrjunarliðin eru klár sitthvorum megin við textann.

Á miðvikudaginn vann KA 0 - 2 sigur á ÍA á Akranesi. Hrannar Björn Steingrímsson var í þjálfarateyminu og fékk að líta rauða spjaldið og tekur því út leikbann í dag. Arnar Grétarsson þjálfari KA gerir tvær breytingar á liðinu frá leiknum. Daníel Hafsteinsson og Elfar Árni Aðalsteinsson koma inn fyrir Nökkva Þey Þórisson og Bjarna Aðalsteinsson.

Valur vann 3 - 1 sigur á Breiðabliki í síðasta leik sínum á miðvikudaginn. Heimir Guðjónsson þjálfari þeirra gerir eina breytingu á sínu liði frá þeim leik. Orri Sigurður Ómarsson kemur inn fyrir Johannes Vall.

Albert Hafstensson, leikmaður Fram sem er á toppi Lengjudeildarinnar, tók að sér það verkefni að spá í níundu umferð deildarinnar. Hann spáir Val naumum sigri.

KA 0 - 1 Valur (16:00 í dag)
Bæði lið mæta varfærnislega til leiks enda mikið undir. Heimir kann að vinna þessa leiki. Birkir Heimis skorar og hefði helst viljað gera það á Greifavellinum.

Liðin mættust aðeins einu sinni á síðustu leiktíð útaf soltlu. Valsarar sigruðu leikinn á heimavelli sínum með einu marki gegn engu. Kristinn Freyr Sigurðsson skoraði markið.

Um toppslag er að ræða. Valur er á toppi deildarinnar með 20 stig eftir 9 leiki. Valur vann stórleik síðustu umferðar 3-1 gegn Breiðabliki eftir óvænt tap gegn Stjörnunni í þar síðustu umferð.

KA hefur hinsvegar bara leikið 7 leiki til þessa og er með 16 stig í 3.sætinu. KA vann ÍA á Skipaskaga með tveimur mörkum gegn engu í síðustu umferð.

Góðan daginn og verið velkomin í beina textalýsingu á viðureign KA og Vals í Pepsi Max deild karla.

Leikurinn hefst kl 16:00 á Dalvíkurvelli.