SKÝRSLAN: Yfirburðir Fylkis í Árbænum er Skagamenn tapa enn
Hvað réði úrslitum?
Fylkir voru mikið betri aðilinn allan tímann og kláruðu leikinn alveg í síðari hálfleik. ÍA áttu ekki færi fyrstu 20 mínúturnar af seinni hálfleik og skoruðu úr sínu eina færi í fyrri.
Bestu leikmenn
1. Helgi Valur Daníelsson (Fylkir)
Sá gamli spilaði eins og hann væri aftur orðinn 25 ára. Ruglað hversu góður hann var í dag og reynslan hans sást vel í kringum unga leikmenn ÍA.
2. Óskar Borgþórsson (Fylkir)
Strákur fæddur 2003 sem var virkilega öflugur bæði í sókn og vörn fyrir Fylki. Fyrsti byrjunarliðsleikurinn hans og hann nældi sér í mark, vildi alltaf fá boltann og fullur sjálfstrausts. Jordan Brown var næstur í röðinni.
Atvikið
Þegar Fylkir jafnar leikinn fara þeir að sækja alveg á hundrað. ÍA gera vel að ná að halda í jafntefli í hálfleik en eru í engu kontról á neinum punkti í leiknum eftir jöfnunarmarkið.
Hvað þýða úrslitin?
Fylkir eru komnir í 7. sæti með 10 stig, einu sæti ofar en þeir voru. Fara með sigur inn í bikarleikinn gegn Úlfunum.
ÍA halda sér á botninum ennþá með 5 stig. Fjórði tapleikur þeirra í röð.
ÍA halda sér á botninum ennþá með 5 stig. Fjórði tapleikur þeirra í röð.
Vondur dagur
Allt ÍA liðið hreinlega var lélegt í dag, slappar sendingar, lítil samskipti og mistök í varnarlínunni sem og hjá Dino í markinu. Myndi líklegast þurfa að velja á milli svona 8 leikmanna um þennan titil en liðið yfir höfuð á þetta fyrir utan Hákon Inga sem var ágætur á meðan hann var inná.
Dómarinn - 8
Dæmdi leikinn vel, gef honum sterka áttu fyrir þetta.