SKÝRSLAN: Vítin enn KA mönnum að falli
Hvað réði úrslitum?
Fyrri hálfleikur var galopinn. KA menn byrjuðu leikinn mun betur en náðu ekki að nýta sér það, Hendrickx klúðrar síðan vítaspyrnu undir lok fyrri hálfleiks. Bæði lið klúðruðu síðan einu víti hvor í síðari hálfleik. Valur er hinsvegar með eitt stykki Patrick Pedersen sem má ekki skilja einan eftir fyrir framan opið markið.
Bestu leikmenn
1. Hannes Þór Halldórsson
Ver víti og KA menn komust í góð færi sem Hannes varði vel.
2. Patrick Pedersen
Þrátt fyrir að klúðra víti þá skorar hann markið sem tryggði Val stigin þrjú.
Atvikið
Það gengur ekkert hjá KA mönnum á vítapunktinum, það er ekki bara eitt atvik heldur tvö, TVÖ víti sem fóru forgörðum í dag hjá KA mönnum.
Hvað þýða úrslitin?
Valur styrkir stöðu sína á toppi deildarinnar en þeir eru nú komnir með 23 stig úr 10 leikjum. KA er áfram í 3. sæti með 16 stig í bili að minnsta kosti.
Vondur dagur
Verður maður ekki bara að segja vítanýting KA manna! Varð þeim af falli í dag. Það hjálpar andstæðingum þeirra bara orðið að KA fái víti.
Dómarinn - 8
Hafði bara góð tök á leiknum. Einhverjir halda kannski að þrjú víti sé full mikið en ég held að þau hafi bara verið öll verðskulduð.