Leik lokið í Árbænum, 3-1 sigur Fylkis staðreynd.

Ég þakka fyrir mig. Viðtöl og skýrsla fylgir innan skamms.

4 mínútum bætt við.

Vitlaust innkast hjá Skagamönnum.

Það bara gengur ekkert upp hjá þeim.

Orri sest niður. Hann er á leiðinni útaf.

Djair og Unnar gera sig tilbúna að koma inná.

ÍA vinnur hornspyrnu.

Ekkert verður úr þessu.

ÍA menn eru þreyttir og samskiptin lítil á milli þeirra. Á erfitt með að sjá þá koma til baka í þessum leik.

Stólarinn hann Jón Gísli á skot hátt yfir markið. Fyrsta færi ÍA í síðari hálfleik.

Viktor liggur eftir samstuð við Orra Svein. Spurning hvort hann haldi leik áfram.

Brynjar brýtur á Orra Hrafn rétt fyrir utan teig. Þetta gæti orðið dýrkeypt fyrir Skagamenn.

Óskar með annan fastan bolta inn á Jordan en hann er sentimetrum frá því að ná að pota þessum inn. Fylkir halda áfram eins og þeir kláruðu fyrri 45.

Fylkir byrja sterkt, vinna horn eftir 40 sekúndur.

Stutt horn og út á Daða sem á skot langt frá en erfitt fyrir Dino sem slær þó yfir.

Síðari hálfleikurinn er farinn af stað.

Dansatriði frá 5. flokki kvenna hjá Fylki hérna í hálfleik.

Virkilega flottar!

+2

Sterkur fyrri hálfleikur Fylkis, spennandi að sjá hvernig liðin koma inn í síðari hálfleik.

+1

Helgi með fast skot fyrir utan teig en beint á Dino sem grýpur boltann.

2 mínútur í uppbótartíma.

Hornspyrna fyrir ÍA.

Boltinn skallaður frá en endar svo í háum bolta á Viktor sem á skalla rétt framhjá.

Horspyrna fyrir Fylki á vinstri hlið.

Á hausinn á Ásgeiri sem skallar boltann í jörðina og svo skoppar í hendurnar á Dino.

Óskar Borgþórsson búinn að vera mjög öflugur fyrir Fylkismenn í dag. Greinilega mikið efni þessi strákur.

Óskar uppsker hornspyrnu fyrir Fylki.

Nokkur skot hjá Fylki sem ÍA nær alltaf að verjast. Endar hjá Helga sem skýtur framhjá.

Helgi Valur laumar boltanum inn fyrir vörn ÍA á Jordan en skotið hans rétt sleikir utanverða stöngina og aftur fyrir.

Fylkismenn mikið líklegri.

Orri Hrafn fær boltann fyrir utan teig og leikur á tvo, skýtur svo fast í hornið en Dino ver.

Annað dauðafæri!

Loftfimleikar í vítateig ÍA og endar boltinn hjá Helga Val sem á skot á lofti nálægt markinu en Dino fljótur að bregðast við og nær að verja í horn.

Ekkert verður úr horninu.

Djair farinn að hita upp fyrir árbæinga.

Fylkir eru í miklum erfiðleikum með að finna leið í gegnum þétta Skagamennina.

Jón Gísli brýtur á sér, aukaspyrna fyrir Fylki.

Boltinn dettur fyrir Óskar sem sendir boltann út á Orra Hrafn sem á skot en í varnarmann ÍA og þeir hreinsa á endanum.

Fylkismenn vilja víti.

Ragnar Bragi fær boltann utan teigs og fer með hann inní teig, Aron Kristófer eltir hann og Ragnar dettur. Spurning um snertingu en mjög erfitt að dæma þetta.

Dauðafæri!

Dagur kemur með sendingu inní og hann fer í gegnum alla og á Óskar sem á skot í markteig en beint á Dino.

Hornspyrna fyrir ÍA.

Fer yfir allan pakkann og í innkast.

Óskar fær boltann á hægri kantinum og leikur á Aron Kristófer. Reynir fasta sendingu inn í á Jordan en hann rangstæður.

Liðin ganga inn á völlinn og stúkan að fyllast.

Ragnar Bragi vinnur uppkastið og velur að vera með sólina í baki í meðvind til að byrja leikinn og ÍA byrjar því með boltann.

Rúmlega 20 mínútur í leik og fólk farið að koma sér fyrir í stúkunni. Býst við ágætri mætingu á völlinn.

Bæði liðin eru komin út á völl að hita upp.

Veðrið er mjög fínt í Árbænum og allir vel peppaðir í þennan leik.

Byrjunarliðin eru komin inn

Fylkir spilaði síðast við Breiðablik laugardaginn 12. júní síðastliðinn. Breiðablik vann þann leik 2 - 0 og Atli Sveinn Þórarinsson og Ólafur Stígsson þjálfarar liðsins gera tvær breytingar á liðinu. Unnar Steinn Ingvarsson og Torfi Tímoteus Gunnarsson fara út en inn koma þeir Jordan Brown og Óskar Borgþórsson. Djair Parfitt-Williams er ekki alveg orðinn heill þannig hann byrjar á bekk Fylkismanna í dag.

ÍA tapaði líka síðasta leik sínum 0 - 2 en þeir mættu þá KA á heimavelli sínum á Akranesi. Óttar Bjarni Guðmundsson fékk að líta rauða spjaldið í þeim leik og tekur því út leikbann í dag. Jóhannes Karl Guðjónsson þjálfari liðsins gerir fjórar breytingar á liðinu. Inn koma þeir Aron Kristófer Lárusson, Jón Gísli Eyland Gíslason, Arnar Már Guðjónsson og Hákon Ingi Jónsson.

Í þeirra stað fara Þórður Þorsteinn Þórðarson, Brynar Snær Pálsson og Morten Beck á bekkinn auk þess sem Óttar Bjarni er sem fyrr segir í banni.

Djair Parfitt-Williams var meiddur í seinasta leik gegn Breiðablik og því ekki í hóp en ekki er vitað með hann í dag. Það munu held ég allir í Árbænum vona að hann verði með í dag.

Spáin

Albert Hafsteinsson leikmaður Fram er spámaður Fótbolta.net fyrir níundu umferð Pepsi-Max deildar karla og spáði hann svona fyrir leik Fylkis og ÍA.

Fylkir 2 - 2 ÍA
,,Risa leikur í Árbænum. ÍA skorar eftir tvö horn horn horn frá ÞÞÞ og komast í góða forystu. Orri Hrafn og Unnar Steinn bjarga svo mikilvægu stigi fyrir Fylkismenn."

Dómarinn

Dómari dagsins er hann Egill Arnar Sigurþórsson. Honum til aðstoðar eru þeir Gylfi Már Sigurðsson og Eysteinn Hrafnkelsson.

Eftirlitsmaður er Hjalti Þór Halldórsson og varadómari er Aðalbjörn Heiðar Þorsteinsson.

Leikurinn er í góðum höndum í dag sýnist mér.

ÍA

Skagamenn sitja neðstir í deildinni með 5 stig eftir að hafa tapað á heimavelli gegn KA um seinustu helgi. Eini sigurleikur ÍA kom í Kórnum gegn HK en síðan þá hafa þeir tapað 3 leikjum í röð. Markahæstu leikmenn Skagamanna eru þeir Þórður Þorsteinn Þórðarson eða ÞÞÞ og líka hann Viktor Jónsson báðir með 2 mörk.

Fylkir

Fylkismenn eru með 7 stig eftir 8 leiki í deildinni og sitja því í 8. sæti fyrir leikinn í dag. Seinasti leikur þeirra var 2-0 tap á Kópavogsvelli gegn Breiðablik. Fylkir hafa aðeins unnið einn leik í deildinni í sumar og var það gegn Keflavík hér á heimavelli en er fyrsti leikur þeirra í deildinni gegn FH eini tapleikur þeirra heima. Markahæsti leikmaður liðsins er Djair Parfitt-Williams sem hefur skorað 5 mörk í sumar sem er einnig helmingur allra marka Fylkismanna.

Fyrrum leikir liðanna

Fylkir og ÍA mættust seinat í ágúst seinasta árs í fyrri umferð Pepsi-Max deildarinnar, sá leikur var fjörugur og endaði sá leikur með 3-2 heimasigri ÍA manna eftir mark Tryggva Hrafns Haraldssonar úr víti á 92. mínutu. Ef við fengjum svipaða veislu hér í kvöld væri held ég enginn að kvarta.


Úr leik liðanna á seinasta tímabili

Góðan daginn gott fólk og verið velkomin í beina textalýsingu á leik Fylkis og ÍA

Leikurinn er spilaður á Würth vellinum í Árbænum og hefst hann á slaginu 17:00