Ívar Orri flautar til leiksloka.

Öll stigin fara í Garðabæinn en Stjarnan er komið með 10 stig eftir sigurinn.

Uppbótartíminn: 3 mínútur

Ívar Örn með hornspyrnuna. Mér sýnist það vera Guðmundur Þór sem á skalla að markinu sem endar í höndum Halla Bjöss.

HK fær hornspyrnu á 90. mínútu leiksins.

Ívar Örn með aukaspyrnuna inn í teig en Örvar er dæmdur rangstæður.

Örvar sækir aukaspyrnu. Hann er á undan Þórarni Inga í boltann sem brýtur á Örvari í kjölfarið, á miðjum vallarhelmingi Stjörnunnar.

Þetta mark HK gefur lífinu mikið líf enda var fátt sem benti til þess að HK væri að fara minnka muninn.

Vítaklúður Hilmars Árna er það fjórða í Pepsi Max-deildinni í dag. Þrjú víti fóru forgörðum í leik KA og Vals fyrr í dag.

VÍTI! Stjarnan fær víti!

Ég var að lýsa marki HK og skrifa inn skiptingu HK þegar Ívar Orri dæmir vítaspyrnu. Ásgeir Börkur brýtur á Þorsteini Má innan teigs.

Þorsteinn Már með þrumu skot innan teigs en framhjá markinu.

Þorsteinn Már með fyrirgjöf sem Guðmundur Þór hreinsar í horn. Stjörnumenn eru líklegri að bæta í eins og staðan er þessa stundina.

Sóknarleikur HK er ansi bitlaus. Það hlýtur að styttast í að Stefan Ljubicic komi til sögu hér í dag.

Eyjólfur Héðinsson með skot utan teigs sem fer í Atla Arnarson og aftur fyrir. Þetta virðist hafa farið í hendina á Atla en hann var með hendina meðfram líkamanum.

Stjörnumenn mótmæltu aðeins en þó ekki af miklum þunga. Þeir virðast vita að það þýði ekkert að deila við dómarann.

Hornspyrna Einars Karls á fjærstöngina sem Brynjar Gauti nær ekki almennilega til og boltinn aftur fyrir.

Þorsteinn Már reynir fyrirgjöf sem Ívar Örn fer fyrir og Stjarnan fær hornspyrnu.

Valgeir fær boltann innan teigs hjá Stjörnunni en rennur í skotinu sem verður því máttlaust og engin hætta skapast. Valgeir óheppinn þarna. Var í fínni stöðu til að gera töluvert meira en raun bar vitni.

Seinni hálfleikurinn er farinn af stað.

Ívar Orri hefur flautað til hálfleiks.

Verðskulduð tveggja marka forysta Stjörnunnar í hálfleik.

BIRKIR VALUR BJARGAR Á LÍNU!

Brynjar Gauti með skalla eftir hornspyrnu frá Hilmari Árna en Birkir Valur kemur HK-ingum til hjálpar á ögurstundu og bjargar á línu!

Aukaspyrna Hilmars Árna fer beint í höfuðið á Ásgeiri Berki sem liggur eftir.

SKALLI Í SLÁ!

Magnus Anbo með skalla í slá eftir fyrirgjöf frá Heiðari Ægissyni. Þarna skall hurð nærri... hælum.

Anbo með skalla í átt að markinu eftir fyrirgjöf frá Heiðari Ægissyni en boltinn í varnarmann HK og aftur fyrir. Stjarnan fær hornspyrnu.

Daninn, Magnus Anbo með skot utan teigs sem Arnar Freyr ver.

Arnþór Ari með athyglisverða marktilraun sem fer rétt framhjá fjærstönginni. Ég þori ekki að segja til um það hvort þetta hafi verið fyrirgjöf eða skot en það skapaðist smá hætta þarna, ég tek það ekki af Arnþóri.

Birnir Snær með skot utan teigs sem Haraldur ver auðveldlega. Þægileg skutla sem Haraldur þurfti að taka til að hafa fyrir þessu.

HK-ingar svara af krafti eftir að hafa lent undir. Jón Arnar fær boltann innan teigs, leggur boltann út á Birni Snæ sem á skot rétt framhjá fjær stönginni.

HK-ingar vildu fá hornspyrnu en Ívar Orri var ósammála því.

Birnir Snær með laflaust skot utan teigs sem Haraldur Björnsson á ekki í vandræðum með að verja.

Það er líf í HK-ingum þessa stundina.

Jón Arnar sleppur í gegn og er felldur af Haraldi Björnssyni en JAB er réttilega dæmdur rangstæður.

Þorsteinn Már með þægilega fyrirgjöf fyrir Arnar Frey í markinu að grípa, sem hann gerir.

Jón Arnar Barðdal með skot innan teigs yfir mark Stjörnunnar.

Eftir að Stjarnan hafi mest megnis verið með boltann fyrstu mínútur leiksins eru HK-ingar aðeins farnir að halda boltanum og komnir meira inn í leikinn.

Þórarinn Ingi með fyrirgjöf sem er skölluð frá af HK-ingum. Boltinn berst út fyrir teiginn þar sem Einar Karl gerist brotlegur.

Ívar Örn sem aukaspyrnuna sem Heiðar Ægisson skallar frá. Boltinn endar aftur hjá Ívari sem á skot meðfram jörðinni beint á Harald í markinu. Máttlaust og engin hætta þar á ferð.

Þórarinn Ingi brýtur á Valgeiri við hliðarlínuna við móts við vítateiginn hægra megin. HK-ingar fá aukaspyrnu.

Björn Berg Bryde með skalla tilraun að marki HK sem virðist fara í varnarmenn HK-inga og yfir markið. Stjarnan fær aðra hornspyrnu. Sem ekkert verður úr.

Þorsteinn Már með fyrirgjöf innan teigs sem Birkir Valur skallar aftur fyrir í horn af fjærstönginni. Stjörnumenn mjakast ofar og ofar á völlinn.

Einar Karl Ingvarsson hefur átt tvær daprar sendingar í upphafi leiks. Í báðum tilvikum var hann að reyna koma boltanum út á vængmenn Stjörnunnar en báðar hafa þær farið víðsfjarri samherja og endað útaf vellinum.

Þetta byrjar allt frekar rólega hér en Stjarnan hefur verið meira með boltann fyrstu mínúturnar og reynt að byggja upp sóknir án árangurs. HK-ingar eru þéttir fyrir.

Leikurinn er farinn af stað. Stjarnan sækir í átt að Hafnarfirði í fyrri hálfleik.

Jæja það fer að styttast í leikinn. Sjö mínútur. Bæði lið eru farin inn í klefa og áhorfendum fjölgar hér í stúkunni með hverri mínútunni. Það er hinsvegar ansi fámennt enn sem komið er.

Líkt og áður hefur verið greint frá er Þórarinn Ingi Valdimarsson í byrjunarliði Stjörnunnar í dag. Það eru mikil gleði tíðindi þar sem þetta er hans fyrsti byrjunarliðs leikur frá því hann sleit krossband í lok júní mánaðar sumarið 2019. Þórarinn hefur komið við sögu í síðustu leikjum Stjörnunnar sem varamaður en kemur nú inn í byrjunarliðið.

Viktor Bjarki aðstoðarþjálfari HK tekur út seinni leik sinn í leikbanninu sem hann fékk fyrr í mánuðinum. Hann er mættur á leikinn og sat í róleg heitunum fyrir aftan stúkuna þar sem sólin skín. Hann situr líklega þar eins lengi og hann getur fram að leik enda engin sól í stúkunni.

Hann fékk rautt spjald fyrir hegðun sína á hliðarlínunni í sigri HK gegn Leikni í Pepsi Max-deildinni.

Þorvaldur Örlygsson þjálfari Stjörnunnar gerir tvær breytingar á sínu liði frá jafnteflinu gegn FH í vikunni. Þórarinn Ingi Valdimarsson og Emil Atlason koma inn í byrjunarliðið og þeir Tristan Freyr og Elís Rafn taka sér sæti á varamannabekknum í staðin.

Martin Rauschenberg er á láni frá Stjörnunni og því ekki með HK í dag og þá fær Stefan Alexander Ljubicic það hlutverk að byrja á bekknum. Inn í HK-liðið koma þeir Atli Arnarson og Leifur Andri Leifsson.

Byrjunarliðin eru klár. Bæði lið gera tvær breytingar á sínum liðum frá síðasta leik.

Eftir góðan 2-1 sigur á Leikni í 7. umferðinni fóru HK-ingar stigalausir heim úr Keflavíkinni í síðustu umferð. Stjarnan kemur hinsvegar inní þennan leik í dag með ágætis magn af sjálfstrausti myndi ég halda eftir 2-1 sigur á Val í næst síðustu umferð þar sem Hilmar Árni Halldórsson og Heiðar Ægisson skoruðu mörk Stjörnumanna. Í síðustu umferð gerðu þeir síðan 1-1 jafntefli gegn FH.

Albert Hafsteinsson leikmaður Fram sem hefur farið á kostum í Lengjudeildinni var fenginn til að spá fyrir um leikina í 9. umferð Pepsi Max-deildarinnar. Hann spáði Stjörnunni sigri í leiknum í dag.

Stjarnan 2 - 1 HK (17:00 í dag)
Stjörnumenn eru aðeins að vakna til lífsins og ég held að þeir hirði öll stigin og hætta þar með formlega í þessari botnbaráttu. Emil Atla mætir með hnífasettið gegn sínum gömlu félögum og skorar tvö. Viktor Bjarki fær rautt frá Ívari dómara eftir munnsöfnuð. Sárabótamark í restina frá Gumma Júl.

Ég trúi ekki öðru en að bæði lið myndu þiggja þrjú stig hér í dag. Stjarnan situr í 9. sæti deildarinnar með sjö stig á meðan HK er í sætinu fyrir neðan stigi á eftir.

HK á hinsvegar leik inni á Stjörnuna en það er stutt í fallsætin þar sem ÍA og Keflavík eru með fimm og sex stig.

Góðan daginn kæri lesandi og velkominn í beina textalýsingu frá Samsungvellinum í Garðabæ. Stjarnan - HK í Pepsi Max-deild karla er framundan.