SKÝRSLAN: Stjarnan með yfirburði gegn ÍBV
Hvað réði úrslitum?
Stjörnukonur nýttu færin sín vel og voru bara betri en ÍBV í dag.
Bestu leikmenn
1. Hildigunnur Ýr Benediktsdóttir
Hildigunnur var mjög öflug í dag og skorar 2 mörk. Hún nýtti færin sín vel og skapaði oft usla í vörn ÍBV með hraða sínum.
2. Birta Guðlaugsdóttir
Birta nýtti heldur betur tækifærið! Hún var mjög örugg í markinu í dag og kórónaði svo góða frammistöðu með því að verja víti á mikilvægum tímapunkti í stöðunni 1-0.
Atvikið
Vítaspyrnan á 54. mínútu. Eyjakonur höfðu legið á Stjörnukonum og fá vítaspyrnu. Birta ver spyrnuna frá Delaney Baie.
Hvað þýða úrslitin?
Stjarnan hoppar upp í 4. sæti deildarinnar og nær í fyrsta sinn í sumar að tengja saman tvo sigra. Þær eiga hinsvegar erfitt verkefni fyrir höndum í næstu umferð þegar þær kíkja í heimsókn á Kópavogsvöll.
ÍBV situr aftur á móti í 7. sætinu eftir leiki dagsins. En deildin er mjög jöfn og einungis þrjú stig eru á milli liðanna í 4. og 9. sæti.
ÍBV situr aftur á móti í 7. sætinu eftir leiki dagsins. En deildin er mjög jöfn og einungis þrjú stig eru á milli liðanna í 4. og 9. sæti.
Vondur dagur
Delaney Baie Pridham fær þetta í dag, það sást lítið til hennar í leiknum og svo klúðrar hún vítaspyrnu á mikilvægum tímapunkti þar sem hún hefði getað jafnað leikinn.
Dómarinn - 7
Fínn leikur hjá Ásmundi.