+3

Valskonur fara heim með stigin þrjú.

Takk fyrir samfylgdina, viðtöl og skýrsla koma inn í kvöld!

Erum að detta inn í uppbótartíma.

Mary Alie með sendingu inn fyrir á Ídu Marín en boltinn aðeins of langur og Ída, Anna María og Lipkens klessa full harkalega saman. Þær standa þó allar upp og halda áfram.

Elín Metta með skot utan af velli sem fer beint á Lipkens.

Úlfa Dís með skot utan af teig sem fer rétt framhjá markinu.

Valur fær hornspyrnu.

Myndast hætta í teignum en Stjarnan kemur þessu í frá. Valskonur orðnar beittari og hafa verið líklegri síðustu mínúturnar.

Dauðafæri!!

Ásdís Karen byrjar sóknina á að koma á vörnina og setja hann út á Elísu sem kemur boltanum fyrir markið, boltinn fer af Elínu Mettu á Ásdísi sem er komin á fjær og er alein á móti Lipkens en hún ver frábærlega af stuttu færi.

Loksins fengum við alvöru færi í þennan leik!

Elín Metta er með boltann fyrir utan teig og reynir skot af löngu færi sem fer hátt yfir markið.

Ásdís Karen reynir skot af löngu færi en beint á Lipkens.

Katrín Ásbjörns fær boltann fremst og er í baráttu við Mist sem togar mjög greinilega í treyjuna hennar en dómarinn flautar ekki. Stjörnufólk ekki sátt þarna.

Mist liggur eftir í teignum. Þarfnast aðhlynningar frá sjúkraþjálfara.

Hún virðist vera klár til að halda áfram og kemur sér inn á.

Valskonur halda áfram að fá hornspyrnur.

....og áfram gengur ekki að nýta þær.

Cyera fær sendingu út til vinstri og hún lætur vaða á markið, Lipkens þarf að hafa sig alla við að verja þennan í horn.

Hornspyrnan flýgur í gegnum teiginn án þess að einhver nái til boltans.

Enn ein hornspyrnan sem Valur fær.

Hár bolti frá Dóru sem Lára Kristín skallar að markinu og úr því varð hálfgert skallatennis áður ren Stjörnukonur komu þessu frá.

Valskonur fá hornspyrnu.

Mist stekkur hæst og nær föstum skalla en hann fer yfir markið.

Hildigunnur fær boltann úti hægra meginn og keyrir áfram og fer framhjá Málfríði, reynir að koma boltanum út í teiginn en Sandra kemur út og nær til boltans.

Stjarnan fær hornspyrnu.

Katrín Ásbjörns fær boltann með bakið í markið en reynir að ná boltanum á markið, Sandra er alveg í bakinu á henni og fær boltann í hendurnar.

Elín Metta með sendingu fyrir markið á Ásdísi Kareni sem er bein fyrir framan markið en hún fer niður í baráttu við Önnu Maríu. Valskonur vilja víti og Ásdís Karen lætur dómarnan heyra það.

Hefði alveg verið hægt að dæma víti þarna.

Arnar Þór flautar til hálfleiks eftir steindauðann fyrri hálfleik.

Við í blaðamannastúkunni erum farin að undirbúa "Hver er maðurinn" og fleiri leiki til að halda okkur vakandi ef við fáum ekki eitthvað fjör í seinni hálfleikinn!

Valur fær hornspyrnu.

Dóra María með nánast alveg eins spyrnu og í fyrsta horninu og aftur nær Lipkens að slá hann yfir markið. Annað horn!

Dóra kemur með fastann bolta og Málfríður Anna nær skallanum en hann fer framhjá með viðkomu varnarmanns, aaannað horn!

Góður bolti sem verður að smá darraðadans í teignum og Cyera fær hann á fjær en setur hann framhjá. Markspyrna!

Ída Marín með skot sem Lipkens er ekki í neinum vandræðum með.

Bestu færin til þessa hafa verið að koma úr langskotum.

Valskonur fá aukaspyrnu á miðjum vallarhelmingi Stjörnunnar.

Dóra María tekur spyrnuna, setur hann á nær en framhjá fer boltinn.

Það er mjög lítið að gerast hérna. Liðunum gengur ekkert að finna opnanir.

Úlfa Dís reynir skoti á markið af frekar löngu færi en boltinn fer rétt yfir.

Dóra María með langskot rétt framhjá markinu!

Ásdís Karen með boltann upp við endalínu hægra meginn og kemur með góða sendingu fyrir framan markið en enginn leikmaður Vals á svæðinu.

Katrín Ásbjörns með fyrirgjöf sem Hildigunnur reynir að taka í fyrsta en hún nær ekki að stýra boltanum á markið.

VÁÁÁ!!

Gyða Kristín með nóg pláss beint fyrir framan teiginn hjá Val og lætur vaða og boltinn fer í slánna, bakið á Söndru og einhvernveginn ekki inn??

Einhverjir Stjörnumenn sáu boltann inni. Þetta var allavega mjöööög tæpt!

Stjarnan fær hornspyrnu.

Þetta fer frekar rólega af stað, Valskonur meira með boltann.

Stjarnan fær sína fyrstu hornspyrnu.

Elísa með fyrirgjöf sem er aðeins of há fyrir Ídu Marín sem nær ekki til boltans.

Mary Alice með mjög mislukkaða sendingu rétt fyrir utan teig sem Katrín kemst inn í. Stjörnukonur ná þó ekki að gera sér mat úr þessu og Mary Alice má vera mjög fegin.

Valur fær sína fyrstu hornspyrnu. Mary Alice reynir fyrirgjöf sem Hildigunnur kemur í veg fyrir.

Lipkens þarf að hafa sig alla við að slá þennan bolta yfir markið og Valur fær annað horn.

Þetta er farið af stað!

Það eru gestirnir sem hefja leik.

Allt að smella á Samsungvellinum!

Smá vindur en annars fínasta veður og frekar hlýtt.

Anna Úrsúla Guðmundsdóttir heldur áfram að vera varamarkmaður Vals, en hún kom inn fyrir Selfoss leikinn sem vakti töluverða athygli!

Anna spilaði síðast í Landsbankadeild kvenna með KR árið 2003. Síðan þá hefur hún slegið í gegn á handboltavellinum, unnið titla og verið mikilvæg í íslenska landsliðinu.

Byrjunarliðin

Byrjunarliðin eru klár.

Stjarnan
Þrjár breytingar frá síðasta leik. Naya Regina Lipkens kemur inn í markið í stað Chante Sandiford. Lipkens spilar sinn fyrsta leik fyrir Störnuna í kvöld en hún er að koma frá Víking R. Úlfa Dís og Málfríður Erna koma einnig inn en Sædís Rún fer á bekkinn og Betsy er á Ólympíuleikunum.

Valur
Tvær breytingar. Lára Kristín og Cyera Makenzie Hintzen koma inn fyrir Sólveigu Larsen og Lillý Rut. Lára og Cyera í fyrsta skiptið í byrjunarliði Vals, en þær komu báðar inn á í sínum fyrsta leik í síðustu umferð gegn Selfoss.

Dómgæslan

Arnar Þór Stefánsson mun flauta þennan leik og honum til aðstoðar verða þeir Ásgeir Viktorsson og Ragnar Arelíus Sveinsson.

Fyrri viðureign liðanna

Liðin áttust við á Origo vellinum í fyrstu umferð en þar fóru Valskonur með 2-1 sigur.

Ída Marín kom Val yfir á 18. mínútu og Anna Rakel bætti við öðru marki á 56. mínútu. Hildigunnur klóraði í bakkann á 77. mínútu en lengra komust Stjörnukonur ekki.

VALUR

Valskonur eru á toppi deildarinnar með 20 stig, tveimur stigum fleiri en Blikarnir.

Þær fóru austur fyrir fjall í síðustu umferð og lögðu Selfyssinga 2-1 með mörkum frá Mist og Elínu Mettu.

STJARNAN

Stjarnan situr í 5. sæti deildarinnar með 13 stig.

Í síðustu umferð fengu þær Tindastól í heimsókn og töpuðu 1-0, eftir að hafa unnið þrjá leiki í röð.

Góða kvöldið og verið velkomin í beina textalýsingu frá Samsungvellinum í Garðabæ.

Klukkan 20:00 hefst leikur Stjörnunnar og Vals í 10. umferð Pepsi Max deildar kvenna.