Þorvaldur Árnason flautar til leiksloka.

Leiknismenn halda áfram að safna stigum á heimavelli en Skagamenn eru komnir með bakið upp við vegg.

Takk fyrir mig í kvöld. Viðtöl og skýrsla síðar í kvöld.

Fjórar mínútur í uppbót.

Skagamenn vinna hornspyrnu.

Gísli Laxdal tekur hornspyrnuna beint á kollinn á Morten en skalli hans yfir markið!

SKYNDISÓKN HJÁ LEIKNI!!!

Skagamenn taka hornspyrnu sem Sævar Atli skallar í burtu á Mango Escobar sem keyrir af stað og er með Mána og Ósvald með sér en reynir að gera þetta sjálfur og á skot sem Árni ver og hornspyrna sem Leiknir fær.

Lítið sem ekkert að gerast. Leiknismenn leyfa Skagamönnum að vera með boltann en Skagamenn ekki að ná að skapa sér neitt af viti.

Ósvarl Jarl fær boltann vinstramegin og keyrir af stað í átt að teig ÍA og brotið er á honum og Leiknismenn fá aukaspyrnu sem Sævar Atli ætlar að taka.

Spyrnan er inná teiginn og endar í hornspyrnu sem Leiknir fær.

Gísli Laxdal fær boltann fyrir utan teig og á skot en fer framhjá markinu.

Brynjar Sær gerir vel og finnur Eyþór Aron sem ætlaði að reyna finna Morten Beck í gegn en boltinn beint á Smit.

ÞAÐ ER KOMIN ALVÖRU HITI HÉRNA!!

Ósvarl Jarl fær boltann úti við endarlínu og Sindri kemur á ferðinni og straujar Ósvald niður og allt verður vitlaust.

Skagamenn aðeins að sækja þessa stundina.

Aron Kristófer fær boltann fyrir utan teig og lætur vaða en boltinn af varnarmanni Leiknis og í framhaldi vinna Skagamenn tvær hornspyrnur en ekkert verður úr þeim báðum.

Aron Kristófer togar Mána Austmann niður sem var á leiðinni upp vænginn og Leiknismenn fá aukaspyrnu úti á væng.

Emil Berger tekur spyrnuna inn á teiginn en Árni kýlir boltann í burtu.

Sævar Atli!!!

Loftur Páll finnur Mána Austmann út til hægri og Máni kemur með hann fyrir með fram grasinu í fætur Sævars sem reynir að setja hann í fyrsta framhjá Árna en boltinn ratar ekki á markið!

Aron Kristófer fær boltann út til vinstri og kemur með boltann í fyrsta fyrir beint á Morten Beck sem nær skoti en Smit ekki í vandræðum.

Steinar Þorsteinsson fær boltann skyndilega fyrir utan teig Leiknis og lætur vaða en boltinn beint á Smit.

Seinni hálfleikurinn fer rmjög rólega af stað.

Skagamenn hefja síðari hálfleikinn.

Þorvaldur flautar og það er kominn hálfleikur á Domusnova.

Leiknismenn fara með 1-0 forskot inn í hlé.

Uppbótartími fyrrihálfleik eru að lágmarki tvær mínútur.

Þessi fyrri hálfleikur verið í eign Leiknis.

Máni fær boltann fyrir utan teig og lætur vaða en boltinn beint á Árna.

Skagamenn verða að gera betur!

STÖNGIN HJÁ LEIKNISMÖNNUM!!!

Sævar Atli fær boltann fyrir framan teig Skagamanna og rennir honum í gegn á Mána Austmann sem rennir boltanum í stöngina.

Dauðafæri!!!

FRÁBÆR SKYNDISÓKN HJÁ SKAGAMÖNNUM.

Sindri Snær vinnur boltann frábærlega af Bjarka Aðalsteinssyni og kemur boltanum á Gísla Laxdal sem setur boltann framhjá. Þarna átti Gísli að gera betur!

Danni Finns og Máni Austmann með geggjað spil sín á milli og Máni rennir boltanum út í teiginn þar sem Berger mætir á ferðinni og lætur vaða á markið en boltinn rétt yfir.

SÆVAR ATLI!!!!

Máni Austmann fær boltann og kemur með frábæran bolta inn á Sævar Atla sem reynir að smyrja boltann í fjær en boltinn rétt framhjá.

Danni Finns fær boltann inn á miðjunni og finnur Mána Austmann sem keyrir í átt að marki Skagamanna og lætur vaða en boltinn framhjá.

VÁÁÁÁÁÁÁ LEIKNISMENN HEPPNIR ÞARNA!!!!!

Viktor Jónsson fær boltann á miðjum vallarhelming Leiknis og kemur boltanum út á Aron Kristófer sem lét bara vaða af löngu færi og Smit í veseni og þurfti að slá þennan í burtu og Steinar Þorsteinsson kemur og setur boltann í hliðarnetið.

Ísak Snær fær boltann við miðjuna og fær flugbraut og keyrir af stað og reynnir boltanum til vinstri á Viktor Jóns sem reynir að finna samherja inn á teignum en boltinn í gegnum allt.

Aron Kristófer fær langan bolta út til vinstri og reynir að koma boltanum fyrir en boltinn beint á hendurnar á Smit.

Sævar Atli fær boltann úti við vítateiginn hægramegin og kemur honum fyrir inn á vítapunkt á Danna Finns sem tíar boltann á Mána Austmann sem reynir skot en boltinn af varnarmanni og Leiknismenn halda boltanum og boltinn endar úti hjá Sævari Atla sem nær skoti en boltinn beint á Árna.

Enn og aftur vinna Leiknismenn hornspyrnu.

Daníel Finns tekur spyrnuna og Skagamenn skalla burt en ekki langt beint á Daða sem reynir að klippa hann viðstöðulaust en hittir hann alls ekki og boltinn í innkast.

Skagamenn koma með fyrirgjöf frá hægri inn í teiginn og Steinar Þorsteinsson gerði sig gildandi þarna en skalli hans laus og framhjá markinu.

Leiknismenn vinna aukaspyrnu strax á miðjum vallarhelming SKagamanna og Danni Finns tekur spyrnuna og tekur hana inn á teiginn og Skagamenn hreinsa boltann afturfyrir.

Danni Finns kemur með boltann fyrir og Óttar Bjarni nálægt því að skalla hann í eigið net en sláin bjargar honum og fer afturfyrir.

Leiknismenn að vinna þrjár hornspyrnur á einu bretti hérna í byrjun leiks en sú síðasta kemur fyrir á Sævar Atla en skalli hans framhjá.

Þorvaldur blæs í flautu sína og þetta er farið af stað. Leiknismenn byrja með boltann.

Góða skemmtun!

Þorvaldur Árnason leiðir liðin inná völlinn.

Korter í leik!

Völlurinn er blautur hér í Breiðholti og er það algjör veisla og mun vonandi gefa okkur hraðan og skemmtilegan fótboltaleik hér í kvöld.

Liðin eru að ljúka upphitun og halda til búningsherbegja og gera sig klár í upphafsflautið.

Sigurður Höskuldsson gerir tvær breytingar frá tapinu gegn Breiðabliki. Fyrirliðinn Sævar Atli Magnússon kemur aftur inn í liðið og Brynjar Hlöðversson einnig. Út fara Gyrðir Hrafn Guðbrandsson og Árni Elvar Árnason sem er í liðstjórn Leiknis í kvöld.

Jóhannes Karl Guðjónsson gerir tvær breytingar á liðinu sínu frá tapinu gegn Víkingi Reykjavík. Breski varnarmaðurinn Alex Davey er ekki með ÍA í kvöld vegna uppsafnaðra áminninga, hann tekur út leikbann. Aron Kristófer Lárusson kemur í hans stað. Þá kemur Hlynur Sævar Jónsson inn fyrir Elias Alexander Tamburini.

Fylgist með...


Óttar Bjarni Guðmundsson, lykilmaður Skagamanna, er uppalinn Leiknismaður og mætir hér á sinn fyrrum heimavöll.

Gulir en ekki nægilega glaðir


Skagamenn eru í neðsta sæti Pepsi Max-deildarinnar með aðeins sex stig. ÍA hefur unnið einn leik og gert þrjú jafntefli.

Akranesliðið er sært eftir að hafa tapað gegn Víkingi í síðustu umferð þar sem vítaspyrna í blálokin skildi liðin að.

Breski varnarmaðurinn Alex Davey verður ekki með ÍA í kvöld vegna uppsafnaðra áminninga, hann tekur út leikbann.

Heimakærir Breiðhyltingar


Nýliðar Leiknis eru með ellefu stig, tveimur stigum fyrir ofan fallsæti. Breiðhyltingar hafa fengið tíu af þessum ellefu stigum á heimavelli.

Hér að neðan má sjá viðtal við Sigurð Heiðar Höskuldsson, þjálfara leiknis, fyrir þennan leik. Þar kemur hann meðal annars inn á það að markvörðurinn Guy Smit og miðjumaðurinn Daníel Finns Matthíasson séu báðir klárir í slaginn en þeir fóru meiddir af velli í síðasta leik, 4-0 tapi gegn Breiðabliki.

Afskaplega mikilvægur leikur!

Gott og gleðilegt kvöld. Velkomin með okkur á Domusnova-völlinn þar sem mikilvægur botnbaráttuslagur er framundan í 12. umferð Pepsi Max-deildarinnar.

Þorvaldur Árnason dæmir leikinn en hann var í eldlínunni á þessu svæði um helgina þegar hann dæmdi sigurleik Kórdrengja gegn Vestra. Jóhann Gunnar Guðmundsson kjötiðnaðarmaður og Andri Vigfússon eru aðstoðardómarar. Fjórði dómari er Elías Ingi Árnason.