SKÝRSLAN: Valsmenn úr leik í Meistaradeildinni
Hvað réði úrslitum?
Ég held ég sé ekkert að finna upp hjólið þegar ég segi að Dinamo Zagreb hafi meiri gæði innan sinna raða. Þeir gerðu það sem þeir þurftu til að innbyrða tveggja marka sigur í kvöld.
Bestu leikmenn
1. Lovro Majer
Besti leikmaður Dinamo Zagreb í dag. Var allt í öllu í liði Zagreb í fyrri hálfleik og lagði til að mynda upp fyrra markið.
2. Birkir Heimisson
Besti leikmaður Vals í leiknum í kvöld.
Atvikið
Mark Luka Ivanusec á 31. mínútu hafði mikil áhrif á leikinn og einvígið í heild. Rasmus Christiansen leit ekki vel út í markinu, auk Johannes Vall sem seldi sig úr stöðu. Luka Ivanusec nýtti sér það og kláraði færið vel.
Hvað þýða úrslitin?
Dinamo Zagreb er komið í 2. umferð undankeppni Meistaradeildarinnar á meðan Valur fer í 2.umferð Sambandsdeildarinnar. Valur mætir þar annað hvort Bodo/Glimt frá Noregi eða Legia Varsjá frá Póllandi. Þau lið mætast annað kvöld í seinni leiknum en Pólverjarnir unnu fyrri leikinn 3-2.
Vondur dagur
Örfáum króatískum stuðningsmönnum Dinamo Zagreb var vikið úr stúkunni eftir að liðið komst yfir í leiknum. Í kjölfarið brutust út læti í stúkunni þar sem öryggisgæslan hafði nóg um að snúast. Leiðinlegt atvik fyrir alla aðila. Í kjölfarið fóru þeir upp á klett við Öskjuhlíðina og horfðu á leikinn frá gömlu Keiluhöllinni. Þess ber þó að hafa í huga að öryggisgæslan fór alfarið eftir settum reglum frá UEFA sem eru strangar á tímum heimsfaraldurs.
Dómarinn - 8,3
Allt í topp málum.