SKÝRSLAN: Valsmenn verða í hattinum þegar dregið verður í 8-liða úrslitin
Hvað réði úrslitum?
Það tók Valsmenn korter að brjóta ísinn og eftir það var þetta aldrei spurning. Valsmenn stjórnuðu umferðinni í 90 mínútur í kvöld þrátt fyrir að Völsungar hafi sýnt mikla baráttu og komið sér í ágætis sénsa fyrir framan teig Vals.
Bestu leikmenn
1. Tryggvi Hrafn Haraldsson (Valur)
Geggjaður í kvöld og virðist vera finna sig eftir erfið meiðsli. Skoraði geggjað mark og lagði upp tvö í kvöld.
2. Sverrir Páll Hjaltested (Valur)
Sverrir var góður í dag. Skoraði tvö mörk í kvöld og var duglegur að koma sér í færi en klaufi að klára ekki sum færi.
Atvikið
Markið hjá Tryggva Hrafni - Fær boltann á miðjunni og keyrir af stað og neglir boltanum upp í samskeytin. Sturlað mark!
Hvað þýða úrslitin?
Valsmenn verða í hattinum þegar dregið verður í átta liða úrslitin. Bikarævintýri Völsunga er úti í ár.
Vondur dagur
Erfitt að taka einhvern úr þessum leik en Kristófer Leví Sigtryggsson fékk á sig sex mörk í dag og fer hann í þennan dálk.
Dómarinn - 8
Jóhann Ingi þurfti ekki að hafa mikið fyrir hlutunum í kvöld.