SKÝRSLAN: Markaveisla í Kórnum
Hvað réði úrslitum?
Keflavík kláraði einfaldlega færin sem HK bauð þeim uppá betur. Leikurinn hefði vel getað fari 7-7 miðað við færin sem liðin brenndu af. En þessi skortur á varnarleik er ákveðin hausverkur fyrir þjálfara beggja liða.
Bestu leikmenn
1. Joey Gibbs
Sóknarmenn lifa á því að skora mörk og vera á réttum stað á réttum tíma. Joey gerði það og refsaði heimamönnum grimmilega þó þrennan sem ég gaf honum í leiknum hafi ekki staðist sjónvarpsmyndir.
2. Dagur Ingi Valsson
Stoðsendingar og vinnsla hjá Austfirðingnum í kvöld. Strákur sem á helling inni og átti skínandi leik í kvöld,
Atvikið
Annað mark Keflavíkur setti tóninn. Glórulaus sending úr varnarlínu HK beint fyrir fætur Gibbs sem leit upp, sá að Arnar var langt út úr markinu og lyfti boltanum snyrtilega í netið.
Hvað þýða úrslitin?
Keflavík er í undanúrslitum en HK ekki svo einfalt er það.
Vondur dagur
Varnarmenn beggja liða hafa átt betri leiki en HK vörnin þarf að skoða sín mál fyrir næstu deildarleiki og rífa sig upp úr vonbrigðum kvöldsins og stoppa í götin
Dómarinn - 7
Egill var fínn í kvöld. Tempó leiksins hátt og smá hiti í mönnum en hann gerði sitt vel.