SKÝRSLAN: Grótta á eldi!
Hvað réði úrslitum?
Grótta var einfaldlega miklu betri á öllum sviðum í kvöld! Gestirnir byrjuðu leikinn ágætlega en eftir það var enginn vilji til að gera leik úr þessu. Stórt hrós á sóknarleik Gróttu, voru klókir og fljótir að refsa Aftureldingu trekk í trekk.
Bestu leikmenn
1. Pétur Theódór
Fjögur mörk og hefði vel geta skorað fleiri! Gjörsamlega frábær frammistaða og það verður gaman að sjá hann með Breiðablik á næsta ári.
2. Gabríel Hrannar
Mark og stoðsendingar. Flottur leikur og var virkilega skapandi í allt kvöld.
Atvikið
Mörk breyta leikjum. Arnór Gauti var skónúmeri frá því að skora snemma í leiknum í stöðunni 0-0. Ef og hefði.
Hvað þýða úrslitin?
Úrslitin breyta litlu varðandi stöðuna í deildinni. Bæði lið ekki að keppa upp á neitt. Úrslitin þýða samt að Afturelding skuldar betri frammistöðu í síðustu umferð deildarinnar gegn Fram.
Vondur dagur
Afturelding.
Dómarinn - 6
Gunnar Freyr var ágætur en hann sleppti augljósu víti sem gestirnir áttu að fá. Línan í brotum var oft líka frekar óskýr.