ÍA er komið í undanúrslit!

Skottilraun framhjá frá ÍR.

Elias fer niður inn á teig ÍR, ekkert dæmt.

ÍA á innkast á eigin vallarhelmingi. ÍR-ingar reyna að hápressa.

Aron Kristófer dæmdur brotlegur.

Óttar Bjarni með þetta allt á hreinu og engin hætta í þessari sóknartilraun hjá ÍR.

ÍA á hornspyrnu.

ÍR-ingar vinna boltann og keyra upp!

ÍA á horn en ÍR-ingar hreinsa.

Alex Davey liggur eftir, þarf aðeins að teygja.

Reynir með fyrirgjöfina af vinstri kantinum en boltinn fer beint afturfyrir. Reynir er svekktur með sjálfan sig.

ÍA á hornspyrnu.

Brynjar með fyrirgjöfina og Alex Davey kemst í boltann en boltinn af honum og til hliðar og hættan rennur út í sandinn.

Ágúst Unnar með fyrirgjöf sem fer yfir Bergvin á fjærstönginni. ÍA á markspyrnu.

Þórður með sendingu inn á teiginn, finnur Viktor en Viktor er dæmdur rangstæður.

Greenwood með aukaspyrnu, sendir til hliðar á Axel Kára sem lætur vaða af löngu færi. Skotið er ekki galið en þó aldrei hættulegt.

Flott sending innfyrir á Steinar Þorsteins frá ÞÞÞ. Steinar gerir vel, skallar boltann áfram en hittir boltann mjög illa í skotinu og boltinn langt framhjá.

Brynjar með fyrirgjöfina og Hlynur Sævar skallar framhjá.

ÍA á hornspyrnu.

Óttar Bjarni mjög reiður eftir að Pétur braut á honum.

Óttar fór svo að pirrast á einhverjum öðrum í kjölfarið.

Skagamenn hreinsa hornspyrnuna í burtu.

Og aftur fær ÍR horn!

Skagamenn skalla boltann frá Greenwood afturfyrir. Önnur hornspyrna.

Núna koma Skagamenn boltanum í burtu.

ÍR-ingar mjög öflugir síðustu mínútu. Fá enn eina hornspyrnuna núna.

Petttersen með seinni hornspyrnuna og Pétur Hrafn kemst í boltann en skallar yfir mark ÍA.

Fastur bolti fyrir sem fer af Skagamanni og í horn hinu megin.

Greenwood finnur Reyni í framhjáhlaupinu og Reynir á þrumuskot sem Árni ver í horn.

ÍR á hornspyrnu, Greenwood tekur og mér sýnist það vera Bergvin sem á skallan á fjærstönginni. Skallinn er laus og Árni Marinó með þetta allt á hreinu.

Ísak Snær kemur sér í mjög gott færi en rennir boltanum með vinstir framhjá marki ÍR!

Ísak Snær!

Ísak með skalla í slána eftir hornspyrnu frá Brynjari Snæ og boltinn fer yfir línuna!

Ágúst Unnar liggur eftir hjá ÍR og brot er dæmt á Eyþór Aron.

ÍR-ingar að mínu mati stálheppnir þarna!

Greenwood með tilraun en svo sem ekki mikil hætta í þessu.

Aukaspyrna hjá ÍA af hægri kantinum. Boltinn fer á fjærstöngina, þar er Alex Davey og hann skallar framhjá.

ÍR fær fyrstu hornspyrnu seinni hálfleiks.

Hákon Ingi skallar í burtu og boltinn endar svo hjá Árna í marki ÍA.

Jafnt í hálfleik! Flautað til hálfleiks skömmu eftir markið.

Gísli Laxdal með skot sem Aron Óskar fær beint á sig.

ÍA hefur tekið öll völd og sótt eiginlega allt síðasta korterið.

Ísak Snær með þrumuskot sem fer í Halldór sem liggur eftir inn á teignum. Þetta hefur verið vont.

Eyþór Aron með skot fyrir utan teig sem fer beint á Aron Óskar.

Gísli með skot sem fer´í varnarmann, boltinn berst út til hægri inn á teignum og þar er Þórður sem á þrumuskot en það er aldrei á leiðinni á markið.

Pétur Hrafn heppinn að fá ekki spjald fyrir þetta brot.

Brynjar Snær tekur aukaspyrnu örlítið hægra megin á vallarhelmingi ÍR og boltinn hittir engann inn á teignum og fer afturfyrir.

Ísak Snær með þrumuskot en það bæði langt yfir og framhjá.

Gísli Laxdal gerir sig líklegan en flottur varnarleikur hjá ÍR inn á eigin vítateig.

Þórður með fyrirgjöf sem Aron Óskar grípur.

Gísli Laxdal með fyrirgjöf úr aukaspyrnu en boltinn er aðeins of hár fyrir Eyþór Aron og boltinn fer afturfyrir. ÍR á markspyrnu.

Gísli Laxdal rangstæður í flottu upphlaupi hjá gestunum.

Gísli Laxdal kemur boltanum í netið en boltinn hafði farið út fyrir völlinn áður en Eyþór kom boltanum á Gísla.

Gísli með flottan sprett og finnur Hákon Inga inn á teignum. Hákon á laust skot sem Aron er í smá vandræðum með í markinu en þetta bjargast allt og Aron handsamar boltann á endanum.

Hákon Ingi fellur við alveg við vítateig ÍR en ekkert er dæmt. Skömmu síðar brýtur Ísak Snær af sér og ÍR á aukaspyrnu á eigin vallarhelmingi.

Pétur með skemmtilega takta og lætur vaða með vinstri úr teignum. Skotið fer yfir mark Skagamanna.

Þórður með fyrirgjöf inn á teig ÍR en Halldór skallar í burtu.

Reynir vill fá aukaspyrnu eftir návígi gegn Eyþóri en það var lítið í þessu. Ekkert í þessu.

Reynir kemur með fyrirgjöf en Skagamenn koma boltanum í burtu.

Lið ÍR:
Aron
Ágúst - Halldór - Alex - Reynir
Axel - Hilmir - Pettersen
Bergvin - Pétur - Greenwood

Ísak Snær vinnur aukaspyrnu fyrir ÍA á hægri kantinum. Spyrnan beint í eina manninn í veggnum.

Rees Geenwood með flottan bolta inn á teiginn en Pettersen nær ekki til boltans inn á markteig.

Lið ÍA:
Árni
Þórður - Óttar - Alex - Aron
Ólafur
Ísak - Brynjar
Eyþór - Hákon - Gísli

Halldór Arnarsson á skalla eftir hornspyrnuna en skallar yfir!

Bergvin Fannar fær boltann inn á teig ÍA, á skot en skotið fer í varnarmann. ÍR fær fyrsta horn leiksins!

Fulla ferð! ÍR byrjar með boltann.

Liðin eru komin inn á völlinn og allt klárt!

Það er sturlað veður og allt í toppmálum!. Smá gola og glampandi sól.

Viðtal við Reyni Haraldsson (13. ágúst):

Gaman að vera í fyrsta skipti í 8-liða úrslitum
Hvernig líst þér á að fá ÍA, á heimavelli, í næstu umferð?

,,Mér líst mjög vel á ÍA, fáir bæir alið af sér fleiri toppmenn en Akranes. Einn af mínum allra bestu Viktor Jónsson hringdi í mig í hádeginu og sagði hvað það yrði nú gaman að spila loksins móti hvorum öðrum, en hvað liðið varðar þá eru nokkrir mjög góðir leikmenn eins og Viktor Jóns, Hallur Flosa og Sindri Snær sem við þurfum að passa okkur á en ég sé ekki mikinn mun á ÍBV hópnum og Skagaliðinu," segir Reynir.

,,Þannig fyrir mér eru allir vegir færir. Annars er öll pressan á þeim, við munum bara hafa gaman af því að vera í fyrsta skipti í 8-liða úrslitum og að taka á móti þeim heima."

Fannst orð Jóa Kalla bara fyndin
Jói Kalli, þjálfari ÍA, óskaði eftir því að fá ÍR á heimavelli í þessari umferð. Munu þau orð hjálpa ÍR-ingum?

,,Nei, þau voru bara fyndin. Ég á auðvitað ekki að vera með internet tengingu þannig ég setti á twitter hvað það er fyndið að hafa ekki meiri trú á liðinu sínu en það að vilja mæta okkur á heimavelli, en það er bara í 100% gríni gert, og ég vil bara biðja Bjarka Viðarsson afsökunar á þessum ummælum. En ef ég ætti að vitna í Arnar Halls þá ætlum við að keppa til fulls sama hvort liðið heitir KV eða ÍA."

Mun sjá sóma sinn í að skipta yfir
ÍR-ingurinn Sindri Snær mætir í Breiðholtið, fær hann öðruvísi móttökur en aðrir Skagamenn?

,,Sindri Snær sagðist sjálfur ekki hafa spilað mótsleik í 10 ár á ÍR vellinum og löngu kominn tími til. Ég mun persónulega bjóða honum í heita pottinn í klefa 1 og þá mun hann fatta í miðjum þrumum og meldingum hvað það er ógeðslega gaman í ÍR og loksins sjá sóma sinn í að skipta yfir."

Góð ár framundan í Breiðholtinu
Hvað þurfið þið að gera til að nýta þennan bikar meðbyr í deildinni?

,,Við erum þetta árið að hefja nýja uppbyggingu með alvöru skipulagningu og þjálfara sem bakkar hana upp og partur af því er að búa til hefðir. Við þurfum að halda áfram að mynda þessar hefðir í öllum okkar æfingum og leikjum sem framundan eru þótt úrslitin í deildinni hafa ekki verið þau sem við vildum."

,,Þetta tekur sinn tíma en það eru góð ár framundan í Breiðholtinu. Persónulega ætla ég að bæta við þau 7 mörk sem ég er kominn með á tímabilinu og þetta gefur mér líka mikið boost fyrir næstu deildarleiki," sagði Reynir.

Getur ekki mætt sínu gamla liði

Sindri Snær hefur sennilega meiðst í leiknum gegn Leikni. Hann er uppalinn hjá ÍR og eflaust svekkjandi fyrir hann að missa af leiknum.

Byrjunarliðin eru klár!
Arnar Hallsson, þjálfari ÍR, gerir þrjár breytingar frá síðasta deildarleik (2-1 tap gegn KF). Reynir, Alex Bergmann og Halldór koma inn í liðið fyrir þá Arian Ara Morina, Patrik Hermannson og Hörð Mána Ásmundsson.

Jóhannes Karl Guðjónsson, þjálfari ÍA, gerir fimm breytingar frá síðasta deildarleik (3-1 sigur gegn Leikni). Þórður Þorsteinn, Ólafur Valur, Hákon Ingi, Eyþór Aron og Alex Davey koma inn fyrir þá Wout Droste, Sindra Snæ Magnússon, Guðmund Tyrfingsson og Viktor Jónsson. Sindri Snær er sá eini af þeim sem tekur sér ekki sæti á bekknum en hann er í liðsstjórn í dag.

Gunni giskar á útisigur:
Gunnar Birgisson, íþróttalýsandi RÚV og meðlimur Innkastsins, spáir í leikina í bikarnum. Hann spáir 2-4 útisigri.

Ef að Gústi félagi minn er í hóp þá gæti ég mögulega þurft að breyta þessari spá. Hann er ótrúlegur leikmaður og hefur gefið efasemdarmönnum langt nef alla leiktíðina. Arnar Halls drillar sína menn í 2-0 forystu en Skaginn hrekkur í gang í seinni. Ísak Snær með 2, eitt af 30 metrunum í vinkilinn.

ÍR er í 9. sæti 2. deildar en ÍA er í botnsæti Pepsi Max-deildarinnar.

ÍR vann gegn Elliða í fyrstu umferð, Álftanesi í 2. umferð, ÍBV í 32-liða úrslitum og svo Fjölni í 16-liða úrslitunum.

ÍA vann gegn Fram í 32-liða úrslitum og gegn FH í 16-liða úrslitum.

Góðan daginn lesendur góðir og veriði velkomnir í beina textalýsingu frá Hertz vellinum þar sem fram fer leikur ÍR og ÍA í 8-liða úrslitum Mjólkurbikars karla.

Leikurinn hefst klukkan 16:30.