SKÝRSLAN: Ungu Garðbæingarnir afgreiddu Leiknismenn auðveldlega
Hvað réði úrslitum?
Gæði Stjörnunnar fram á við, þegar þeir ógnuðu þá sköpuðu þeir færri. Þegar Leiknir ógnaði þá fjaraði þetta oft út.
Bestu leikmenn
1. Adolf Daði Birgisson (Stjarnan)
Þessi 17 ára strákur var síógnandi upp hægri kantinn. Hann fiskaði víti og skoraði eitt mark.
2. Emil Atlason (Stjarnan)
Leiddi línuna vel og skapaði mikla hættu. Skoraði þrennu en því miður fyrir hann voru 2 mörk tekin af honum.
Atvikið
Rauða spjaldið hjá Emil Berger. Sumum fannst þetta full harður dómur en það er ljóst að eftir þetta voru Leiknismenn aldrei líklegir að koma til baka.
Hvað þýða úrslitin?
Leiknir sest í neðsta sæti deildarinnar eftir 2 leiki með 0 stig og -4 í markatölu.
Stjarnan fer þá tímabundið í 2. sæti með 4 stig og +3 í markatölu 2 stigum á eftir KA.
Vondur dagur
Það voru margir í Leiknisliðinu sem áttu slæm móment. Ætli þetta stílist ekki á varnarleik Leiknis í heild sinni. Þeir réðu ekkert við öflugar skyndisóknir Stjörnumanna og þeir litu hrikalega illa út í þriðja markinu.
Dómarinn - 8
Vítið var rétt og rauða spjaldið kanski frekar appelsínugult en skiljanlegur dómur.