Leik lokið! Viðtöl og skýrsla væntanleg síðar í kvöld.

Fatai Gbadamosi fékk frábæran séns þarna. Skot hans við vítateigs línuna. Aron snöggur niður og nær að grípa.

Sammie McLeod með hörku skot en Óskar ver vel í horn.

Arnleifur lagði boltann á Daða sem á skot hátt yfir.

Nikola Kristinn fær á sig aukaspyrnu fyrir hættuspark. Skotfæri fyrir Kórdrengi!

Fyrirgjöf hjá Kórdrengjum en þrír leikmenn missa af boltanum. Illa farið með færi hjá þeim þarna!

Kórdrengir fá hornspyrnu.

Aron Ingi þarf aðhlynningu eftir baráttu í teignum, Þórsarar í stúkunni vildu fá vítaspyrnu en ekkert dæmt.

Á meðan ég skrifaði síðustu færslu virtist Óskar fara í úthlaup og boltinn rataði á Bjarna Guðjón en hann hittir ekki boltann.

Bjarni Guðjón brunar upp í skyndisókn eftir hornspyrnu frá Kórdrengjum. Fer illa að ráði síu og setur boltann beint á Óskar.

mjög lokaður leikur, færin eru bara að koma úr föstum leikatriðum.

Willard með fínt skot fyrir utan teiginn en Óskar grípur boltann.

Síðari hálfleikur er hafinn.

+3 Kominn hálfleikur!

Kristófer Kristjánsson í dauðafæri en setur boltann framhjá.

Jewook Woo með skotið, hefði sennilega viljað snúa boltanum í fjær en hann fer beint á Óskar.

Daníel að komast í ákjósanlegt færi en Bjarki Þór gerir vel í að tækla boltann í horn. Ekkert kom útúr horninu.

Þórsarar fengu tvær tilraunir en boltanum sparkað frá í seinna skiptið.

Þór fær hornspyrnu.

Isou Villar í fínu færi, tekur viðstöðulaust skot framhjá markinu.

Arnleifur með aukaspyrnu, fyrirgjöf frá vinstri. Guðmann nær hörku skalla en beint á Aron Birki.

Harley Willard var skyndilega kominn hérna í hörku færi en skýtur beint á Óskar úr þröngu færi.

Fannar Daði liggur hérna sárþjáður eftir baráttu gegn Daníel Gylfasyni. Það er hnéið, hann festi sig í grasinu.

Eftir fína byrjun hefur aðeins róast yfir þessu. Menn eru að láta nappa sig í rangstöðunni og boltinn að fara mikið í loftið á Boganum.

Minni fótbolti, meiri barátta þessa stundina. Menn láta vel í sér heyra, innan sem utan vallar.

Boltinn berst aftur til Daða sem tók hornið. Hann á aðra fyrirgjöf sem ratar á kollinn á Guðmanni en boltinn framhjá.

Birgir Ómar með misheppnaðan skalla til baka á Aron Birkir og boltinn endar í horn.

Willard með aukaspyrnu. Sendir boltann fyrir þar sem Elvar Baldvinsson stekkur hæst en skallinn hans rétt framhjá!

Isou Villar í færi!! FÆr boltann í vítateignum eftir að varnarmaður Þórs skallaði boltann frá. Skotið hans hins vegar framhjá markinu.

Harley Willard með skotið við D-bogann en auðvelt fyrir Óskar í marki Kórdrengja.

Gestirnir byrja með boltann.

10 mínútur í leik og liðið er klárt!
Varamenn í dag eru þeir Auðunn Ingi, Elmar Þór, Hermann Helgi, Damachoua, Sammie McLeod, Jewook Woo og Siggi Marinó. pic.twitter.com/ZZcB0BCLP0

— Þór fótbolti (@Thor_fotbolti) May 6, 2022

🔴⚪️LEIKDAGUR⚪️🔴
🆚️ Kórdrengir
🏆Lengjudeildin
⏰18:00
🏟Boginn
📺https://t.co/0YrBAi0jTa
🍔Upphitun í Hamri frá 16:30 pic.twitter.com/wDoMbVhESx

— Þór fótbolti (@Thor_fotbolti) May 6, 2022

Byrjunarliðin Harley Willard er í byrjunarliðinu hjá Þór í sínum fyrsta deildarleik með félaginu. Í byrjunarliðinu eru Aron Ingi Magnússon, Kristófer Kristjánsson og Bjarni Guðjón Brynjólfsson en þeir eru allir fæddir árið 2004. Guðmann Þórisson leiðir Kórdrengi inná völlinn með fyrirliðabandið í sínum fyrsta leik í deildinni með félaginu eftir komuna frá FH í vetur. Bjarni Guðjón Brynjólfsson

Davíð Smári Lamude þjálfari Kórdrengja mun ekki vera á hliðarlínunni í dag. Hann var dæmdur í bann undir lok síðasta árs. Heiðar Helguson aðstoðarþjálfari liðsins stýrir liðinu í hans fjarveru. Heiðar Helguson

Dómarar Sveinn Arnarsson er með flautuna í dag. Honum til aðstoðar verða þeir páll Valþór Stefánsson og Aðalsteinn Tryggvason. Magnús Sigurður Sigurólason er eftirlitsmaður KSÍ.

Ferskur andblær í þorpinu Þórsurum er spáð sjötta sæti í deildinni í ár en liðið hafnaði í 9. sæti í fyrra. Það hafa orðið miklar breytingar á liðinu, Þorlákur Árnason er tekinn við sem þjálfari liðsins en hann var síðast í uppbyggingastarfi í Hong Kong. Hann mun vera með ungan og spennandi hóp til að vinna með. Þá fékk hann til sín Je Wook Woo frá Suður Kóreu en þjálfarar tala um að það sé besti leikmaður Lengjudeildarinnar í langan tíma.

Rétt missa af Bestu Samkvæmt spá Fótbolta.net fyrir tímabilið munu Kórdrengir rétt missa af sæti í Bestu deildinni og enda í 3. sæti. Liðið hefur náð ótrúlegum árangri á stuttum tíma en liðið spilaði fyrst í deildakeppni KSÍ árið 2017 og endaði í 4. sæti á sínu fyrsta tímabili í næst efstu deild í fyrra.

Góða kvöldið og verið velkomin í beina textalýsingu á leik Þórs og Kórdrengja í fyrstu umferð Lengjudeildarinnar. Leikurinn fer fram í Boganum á Akureyri og hefst kl 18.