Rosalegum leik lokið! Eitt stig á lið í kvöld.

Birkir Heimis með skot með vinstri sem fer í varnarmann FH.

Þremur mínútum bætt við.

Kristinn Freyr með fyrirgjöfina og Oliver skallar en beint í hendurnar á Guy.

Baldur Logi með skot sem Birkir Már hendir sér fyrir.

Ástbjörn með fyrirgjöf sem fer beint í hendurnar á Guy.

Ástbjörn með fyrirgjöfina og boltinn hrekkur til Kristins sem reynir bakfallsspyrnu og boltinn rétt framhjá marki Vals.

FH á hornspyrnu. Lennon með hornspyrnuna, finnur Guðmund sem skallar en skallinn rataði ekki á markið.

Ástbjörn með skot eftir fína sókn FH. Boltinn fer af varnarmanni Vals og FH á hornspyrnu.

Aron klifrar upp á bakið á varnarmanni FH og er dæmdur brotlegur inn á vítateig FH.

Aron Jó fyrst með geggjaða skiptingu af hægri kantinum yfir á þann vinstri. Orri Hrafn tekur við boltanum þar og boltinn berst til Arons aftur. Aron lætur vaða en Björn Daníel kemst fyrir skotið. Valsmenn aðeins að bæta í og eiga hornspyrnu núna.

Kristinn Freyr með flotta vippu með vinstri inn á Lennon sem á skot en Guy sér við honum. Frábært spil en vantaði upp á slúttið.

Orri Hrafn að gera sig líklegan. Á skottilraun sem Gunnar ver og handsamar svo í annarri tilraun.

Mikið verið að kalla eftir aukaspyrnum síðustu mínútur en lítið flautað og menn yfirleitt ósáttir ef Vilhjálmur ákveður að stoppa leikinn.

Guðmundur Andri virðist ekki geta haldið leik áfram. Settist niður í grasið og þarf á aðhlynningu að halda. Helgi Sig kallar á Orra Hrafn sem er væntanlega að koma inn á.

Óli Guðmunds með flotta varnartilburði og FH-ingar í stúkunni eru ánægðir með þetta.

Lennon í daaaaauuuuuðaafæri!!! Mistök í öftustu línu Vals. Kiddi sér að Lennon er með mikið pláss og finnur hann í gegn. Guy kemur út að vítateigslínu og Lennon reynir að vippa en vippan er slök og Guy nær að handsama boltann sem var á leið aftur fyrir endamörk.

Færi! Björn Daníel með spyrnuna, finnur Matthías inn á teignum og Matthías með gott skot sem Guy ver upp í loftið og Birkir Már hreinsar svo í burtu. Þarna var hætta!

Hólmar dæmdur brotlegur og FH-ingar eiga aukaspyrnu á vallarhelmingi Vals.

Birkir Heimis með skot eftir sendingu frá Aroni Jó. Gott skot sem Gunnar þarf að skutla sér til að verja og ver boltann í horn. Ekkert kom upp úr horninu.

Smá bras á heimamönnum inn á eigin vítateig en þeir koma boltanum í burtu.

Tryggvi vinnur hornspyrnu fyrir Val. Spyrnan frá Juelsgård í fyrsta heimamann.

Guðmundur Andri og Tryggvi eru búnir að skipta um kant hjá Val. Tryggvi er núna úti hægra megin.

Seinni hálfleikur hafinn. Aron Jó með upphafssparkið fyrir Val. Það hefur aðeins gleymst að taka fram að það er hellirigning.

Fyrri hálfleik er lokið. Ég er ekki frá því að forystan sé svolítið verðskulduð. Valur mun spila með vindi í seinni hálfleik. Spurning hvort það hafi áhrif.

45+1 Birkir með aukaspyrnu inn á vítateig FH en spyrnan er of löng og beint í hendurnar á Gunnari.

Einni mínútu bætt við fyrri hálfleikinn.

Björn Daníel með spyrnuna á nærstöngina og þar er Guy klár í að kýla í burtu. Valsmenn hreinsa svo eftir aðra fyrirgjöf frá Birni.

Máni með fyrirgjöf eftir stutta sendingu frá Kristni inn á teignum. Boltinn í Juelsgård og FH á hornspyrnu. Kristinn og Máni að tengja vel saman.

FH-ingar í frábærri sókn! Kristinn Freyr með gott flikk á Mána sem var í góðu hlaupi. Máni reynir skot sem fer í Birki Heimisson og Valsmenn bægja svo hættunni frá. Vel gert hjá Birki!

Skársta hornspyrna Valsara til þessa held ég. Boltinn fer af Valsara og aftur fyrir.

Patrick Pedersen í daaauuuuðafæri eftir að Guðmundur Kristjánsson klikkaði í öftustu línu. Patrick er úti hægra megin í teignum og lætur vaða. Gunnar sér við honum og Valsarar eiga hornspyrnu.

Virkilega vel gert hjá Mána Austmanni inn á vítateig Vals. Hann kom sér í fínasta skotfæri og lét vaða með vinstri. Guy varði boltann til hliðar og í kjölfarið voru heimamenn dæmdir rangstæðir.

Skot á mark frá Ágústi sem Gunnar handsamar í annari tilraun. Fínasta spil hjá Valsmönnum en lykilfyrirgjöf frá Tryggva var fyrir aftan Guðmund Andra og við það versnaði færið sem Valur fékk.

Gunnar heppinn þarna, fékk á sig pressu frá Aroni sem náði að koma fæti í sendinguna sem ætluð var Guðmundi. Boltinn kemst á Guðmund og FH-ingar leysa pressuna.

Valur á hornspyrnu. Aftur skapast engin hætta og að lokum eru gestirnir dæmdir brotlegir eftir fyrirgjöf númer tvö.

Fyrirgjöf frá Kristni Frey sem Hólmar skallar til baka og Guy handsamar.

Aron Jó með flotta takta gegn Ástbirni en FH vinnur boltann fljótlega í kjölfarið. Björn Daníel keyrir inn á teig Vals og lætur vaða með hægri fæti. Fínasta skot frá Birni en Guy með þetta allt á hreinu.

Guðmundur Kristjáns kemst framfyrir Patrick og vinnur boltann inn á vallarhelmingi Vals. Hann tekur tvær snertingar og lætur vaða. Skotið fer yfir mark FH en tilraunin alls ekki svo galin.

Juelsgård með fyrirgjöf sem Ástbjörn kemst fyrir og Ástbjörn þrumar svo boltanum í innkast.

Valur fær hornspyrnu en það mislukkaðist eitthvað og ekkert kom upp úr þessari útfærslu.

Birkir brýtur á Mána en sleppur við spjald. FH-ingar lítið hrifnir.

Góð skipting út á Ástbjörn úti hægra megin en fyrirgjöfin frá bakverðinum beint í hendurnar á Guy.

Ágúst Eðvald með mjög lélega sendingu fram á við, fer yfir alla og í hendurnar á Gunnari. Skrítin pæling eða hitti boltann illa.

Skemmtilegir taktar hjá Kristni Frey en því miður kom ekkert alvöru upp úr þessu eftir að hann lék á leikmann Vals á miðsvæðinu. Skömmu síðar er Finnur Orri með góðan varnarleik þegar hann nær boltanum af Tryggva inn á vítateig FH.

Tryggvi Hrafn með boltann úti vinstra megin og rennir honum á Aron sem á skot sem varnarmenn FH komast fyrir.

Ekkert kom upp úr þessari hornspyrnu - Hedlund komst reyndar í boltann en allavega engin hætta.

Guðmundur Andri fær boltann úti hægra megin, rennir honum út og við vítateigslínuna er Tryggvi Hrafn sem lætur vaða. Skotið hjá Tryggva fer af varnarmanni og Valur á horn.

Smá vesen á FH-ingum inn á eigin vítateig, Gunnar nálægt því að fara í Patrick en Björn Daníel sópar upp og hreinsar.

Ástbjörn með fínan sprett úti hægra megin og kemst inn á vítateiginn. Smá misskilningur milli hans og Lennon og því kom ekkert skot á mark Vals.

Davíð Snær með mislukkaða sendingu við vítateig FH og Tryggvi kemst í boltann. Tryggvi reynir skot en það fer framhjá marki FH.

Jesper með boltann inn á vítateig FH en boltinn fer of innarlega og Gunnar grípur boltann.

Brotið á Aroni Jó sem liggur eftir í annað sinn í leiknum. Valur á aukaspyrnu á vallarhelmingi FH.

FH-ingar sækja með vindi í fyrri hálfleik.

Birkir Már með fyrirgjöf sem Patrick rétt missir af.

Byrjunarlið Vals: Guy Birkir M - Hedlund - Hólmar - Juelsgård Birkir H - Ágúst Guðmundur - Aron - Tryggvi Patrick Valsmenn eru í rauðum treyjum og hvítum stuttbuxum.

Byrjunarlið FH: Gunnar Ástbjörn - Finnur - Guðmundur - Ólafur Davíð - Björn Daníel Máni - Kristinn - Lennon Matthías FH er í hvítum búningum og svörtum stuttbuxum.

Kristinn Freyr byrjar leikinn fyrir FH.

Það er kalt í Hafnarfirðinum í dag. Smá vindur og svona fimm gráðu hiti.

Byrjunarliðin hafa verið opinberuð: Ólafur Jóhannesson, þjálfari FH, gerir þrjár breytingar á liði sínu frá síðasta leik. Davíð Snær Jóhannsson sem kom frá Lecce í gær kemur beint í byrjunarliðið og Kristinn Freyr Sigurðsson kemur inn eftir að hafa tekið út leikbann. Þá kemur Finnur Orri Margeirsson inn eftir að hafa misst af síðasta leik vegna meiðsla. Það vekur athygli að Vuk Oskar Dimitrijevic er ekki í leikmannahópi FH í dag. Logi Hrafn Róbertsson meiddist gegn Blikum og er því ekki með í dag. Þeir Oliver Heiðarsson og Baldur Logi Guðlaugsson taka sér sæti á bekknum. Heimir Guðjónsson, þjálfari Vals, gerir enga breytingu á sínu liði. Sigurður Egill Lárusson er áfram utan hóps. Siggi hefur m.a. verið orðaður við skipti í FH.

Nýtt FH lag eftir Frikka Dór!

Lasse Petry ekki kominn með leikheimild Miðjumaðurinn Lasse Petry var í dag tilkynntur sem nýr leikmaður FH en hann lék með Val tímabilin 2019-20. Hann er ekki kominn með leikheimild og verður því ekki með í dag.

Viðar spáir hjólhestaspyrnu og jafntefli Viðar Örn Kjartansson er spámaður umferðarinnar hér á Fótbolti.net. Hann spáir 2-2 jafntefli og að þeir Aron Jóhannsson og Matthías Vilhjálmsson skori. ,,Stál í stál. FH koma til baka eftir skell í Kóp. Matti Villa skorar úr hjólhestaspyrnu. Aron Jó jafnar og Hólmar fær gult fyrir munnsöfnuð," spáir Viðar.

Dómarateymið Vilhjálmur Alvar Þórarinsson heldur um flautuna í dag og honum til aðstoðar eru þeir Birkir Sigurðarson og Eðvar Eðvarðsson. Halldór Breiðfjörð Jóhannsson er eftirlitsmaður KSÍ og Jóhann Ingi Jónsson er skiltadómari.

Síðasta umferð: Kristinn Freyr snýr til baka FH tapaði 3-0 gegn Breiðabliki í síðustu umferð. Frá þeim leik endurheimtir liðið Kristin Frey Sigurðsson, fyrrum leikmann Vals, úr leikbanni og þá tilkynnti félagið um komu Davíðs Snæs Jóhannssonar frá ítalska félaginu Lecce í gær. Finnur Orri Margeirsson var meiddur gegn Breiðabliki og spurning hvort hann verði klár í slaginn. Valur vann 2-1 heimasigur gegn KR eftir að hafa lent 0-1 undir. Patrick Pedersen og Jesper Juelsgård sáu um markaskorunina. Það vakti athygli í þeim leik, líkt og gegn Keflavík í 2. umferð, að Sigurður Egill Lárusson var ekki í leikmannahópi Vals. Kristinn Freyr

Það er komið að fyrsta leik í fjórðu umferð Bestu deildar karla og hefst veislan í Kaplakrika þar sem FH tekur á móti Val. FH er með þrjú stig eftir þrjá leiki og Valur er með níu stig - fullt hús. Úr síðasta heimaleik FH