Fjölnir fer með sigur af hólmi hér í Vogum. Tiltölulega jafn fyrri hálfleikur en aðeins eitt lið mætti út í þann seinni og hirðir stigin þrjú og það nokkuð sanngjarnt.

Þetta er að fjara út í rólegheitum hérna í Vogum. Þægilegur útisigur er held ég óhætt að tala um sem staðreynd.

Heimamenn fá hornspyrnu. Ekkert verður úr horninu.

Aftur endar boltinn í netinu eftir horn frá Reyni en Arnar flautar brot.

Arnar Númi fer vel með boltann og leikur á tvo Þróttara áður en hann finnur Dag í teignum sem á skot sem Rafal ver í horn.

Kedman með fyrirgjöf frá hægri en þar er enginn nema Sigurjón að fara að hirða boltann.

Virkar voðalega þægilegt fyrir Fjölnismenn þessa stundina. Halda boltanum vel og láta hann ganga kanta á milli. Þóttur lítið boðið upp á sóknarlega í síðari hálfleik.

Dagur aftur að vinna sig í færi en skot hans úr þröngu færi framhjá markinu. Stendur ekki steinn yfir steini hjá heimamönnum núna og Eiður og Brynjar reyna að öskra menn í gang.

Gestirnir fá horn. Dagur með boltann í teignum en skot hans af varnarmanni og afturfyrir.

Reynir með aukaspyrnuna upp í vindinn sem feykir henni í átt að marki þar sem Raffal á í smá basli en slær boltann frá í horn.

Fer rólega af stað hér á Vogaídýfuvellinum. Baráttan framar öllu öðru.

Seinni hálfleikur hafinn Heimamenn hefja leik og nú gegn vindinum sem þó hefur lægt talsvert.

Flautað til hálfleiks hér í Vogum og staðan markalaus. Vindurinn að hafa talsverð áhrif á leikinn en það er að lægja og sólin að brjótast fram.

Viktor Andri í frábæru færi í teignum en Rafal mætir vel út og lokar á hann. Hornspyrna.

Framkvæmdin léleg og skilar engu. Heimamenn hreinsa

Gestirnir fá aukaspyrnu á álitlegum stað.

Aðstæður að lita leikinn þessa stundina. Kominn líka smá hiti í menn. Og ekk vanþörf á enda ansi svalt.

Heimamenn að eflast. Kedman með skot af vítateigshorni sem Sigurjón ver í horn aftur.

Pablo í dauðafæri einn gegn Sigurjóni en sá síðarnefndi mætir út á móti og ver í horn.

Spyrnan frá Pablo alls ekki til útflutnings og hátt yfir markið.

Michael Kedman með laglegan sprett og brotið á honum við D-bogan. Hættulegur staður.

Rafal í klaufalegt úthlaup og lendir í árekstri við Dag Inga og missir boltann. Heimamenn stálheppnir að Fjölnismenn ná ekki að gera sér mat úr þessu.

Pablo Gállego Lardiés í ágætu færi í teig Fjölnis en nær ekki að leggja boltann almennilega fyrir sig og skotið eftir því. Laflaust og framhjá.

James Dale með vonda sendingu á eigin vallarhelmingi. Dagur Ingi með ágætis svæði úti hægra megin keyrir í átt að marki en helst til bráður á skotinu og setur boltann framhjá markinu.

Hákon fær boltann í teig Þróttar, nær snúningnum og skoti en boltinn beint í fang Rafal.

Gestirnir fá hornspyrnu.

Dagur Guðjónsson með áhugaverða tilraun fyrir heimamenn, freistar þess að taka boltann á lofti eftir aukaspyrnu en hittir boltann afar illa settur hann hátt upp í loft og hvergi nærri markinu.

Viktor Andri með fínustu tilraun úr D-boganum fyrir gestina. Fast skot með jörðinni en Rafal ver vel.

Vilhjálmur Yngvi fyrstur á boltann eftir aukaspyrnu frá hægri en skallar boltann yfir markið.

Gummi Kalli með fyrsta skot gestaliðsins. Af löngu færi og vel yfir markið.

Pablo í kapphlaupi um boltann eftir að Fjölnismenn tapa honum á hættulegum stað. Sendingin of föst og beint til Sigurjóns.

Heimamenn með fyrsta horn leiksins. Vindurinn tekur þennann og feykir beint afturfyrir aftur. Sigurjón spyrnir frá marki.

Þetta er farið af stað hér í Vogum. Það eru gestirnir sem hefja hér leik og sækja gegn vindinum hér í fyrri hálfleik.

Aðstæður Völlurinn er grænn og í fínu standi. Stemmingin sömuleiðis fín eins og segir í fyrri færslu. Það eina sem Vogamenn hafa ekki stjórn á er veðrið aldrei þessu vant. Ágætlega stífur vindur blæs úr suðvestri og gengur á með skúrum í 5-6 stiga hita. Stórfurðulegt í sjálfu sér því ég hef ekki heyrt annað en að veðrið hér sé alltaf með ágætum.

Hátíðarstemming í Vogum Það er ekki ofsögum sagt að það ríki ákveðin hátíðarstemming hér í Vogum fyrir leik kvöldsins. Fólk á skrafi á pallinum hér við völlinn og bros á hverju andliti. Marteinn og hans menn bera í mann kræsingar hér í blaðamannaboxið og allt upp á 10 enda Vogamenn höfðingjar heim að sækja og gestrisnir með eindæmum.

Þróttur Þróttur er í fyrsta sinn í sögunni í næstefstu deild. Liðið vann 2. deild í fyrra en leikmannahópurinn er talsvert breyttur frá síðasta tímabili og spáðu allir Þrótti neðsta sæti í spánni. Liðið tók 22 stig á heimavelli í fyrra og tuttugu stig á útivelli. Liðið náði í 24 stig í fyrri hlutanm og átján stig í þeim seinni. Eiður Ben Eiríksson tók við liðinu af Hermanni Hreiðarssyni í vetur og er á leið í sitt fyrsta tímabil sem þjálfari meistaraflokks karla síðan 2014 þegar hann var þjálfara Vængja Júpíters. Eiður hefur verið annar af þjálfurum Vals síðustu ár. Valur varð Íslandsmeistari tímabilin 2019 og 2021 þegar þeir Pétur Pétursson og Eiður Ben voru saman þjálfarar. Eins og áður segir spáir Fótbolti.net Þrótturum 12.sæti og þar með falli aftur í 2.deild. Gefum sérfæðingunum orðið. ,,Það er mjög mikilvægt að skoða hvað það var sem kom liðinu alla leið í næst efstu deild og halda áfram að bæta liðið í því sem það þekkir. Það er alveg ljóst að ætli liðið sér einhverja hluti á tímabilinu þarf að hafa gaman, leikgleðin þarf að vera í fyrirrúmi og allir að leggjast á eitt um að gera hlutina vel og með skilvirkum hætti. Þetta tímabil á fyrst og fremst að snúast um að safna stigum með hvaða hætti sem er og vona að útkoman verði liðinu hagstæð. Þetta verður áhugavert tímabil að mörgu leyti og mikilvægt fyrir liðið að byrja vel á heimavelli og setja tóninn fyrir sumarið'' Komnir Arnór Gauti Úlfarsson frá FH (á láni) Davíð Júlían Jónsson frá Leikni R. (á láni) Freyþór Hrafn Harðarson frá Magna Haukur Darri Pálsson frá Augnabliki James Dale frá Víkingi Ólafsvík Michael Kedman frá Englandi Nikola Dejan Djuric frá KV Oliver Kelaart frá Keflavík Pablo Gallego frá Grikklandi Shkelzen Veseli frá Leikni R. (á láni) Farnir Bjarki Björn Gunnarsson í Víking R. (var á láni) Dagur Ingi Hammer Gunnarsson í Grindavík (var á láni) Enok Eiðsson Hubert Kotus í KFK Marc Wilson í ÍBV Örn Rúnar Magnússon í ÍH Sigurður Gísli Bond Snorrason í Aftureldingu

Fjölnir Talsverðar breytingar hafa orðið í Grafarvogi á milli tímabila og mögulega ekki sömu væntingar gerðar í Grafarvoginum um alvöru atlögu að því að fara upp. Ásmundur Arnarson hætti með liðið að loknu síðasta tímabili og í hans stað var leitað inn á við hjá félaginu og Úlfur Arnar Jökulsson sem verið hefur með 2.flokk félagsins undanfarin ár ráðinn. Fótbolti.net spáir Fjölni 5.sætinu þetta sumarið og höfðu sérfræðingar okkar Rafn Markús Vilbergsson og Úlfur Blandon þetta að segja um liðið. ,,Fjölnismenn hafa verið frekar slakir í vetur og einungis unnið einn mótsleik. Í bikarnum duttu þeir út gegn Njarðvík í leik þar sem lítið var um að vera hjá þeim. Mikil reynsla er hjá mörgum leikmönnum í hópnum, byrjunarliðið er nokkuð sterkt en hópurinn virkar þunnur. Spurning hvort 5. sætið sé vanmat eða ofmat á stöðu liðsins.'' Komnir Arnar Númi Gíslason frá Breiðabliki (á láni) Bjarni Þór Hafstein frá Víkingi Ólafsvík Guðmundur Þór Júlíusson frá HK Hákon Ingi Jónsson frá ÍA Killian Colombie frá Englandi Reynir Haraldsson frá ÍR Farnir Alexander Freyr Sindrason í Hauka (var á láni) Arnór Breki Ásþórsson í Fylki Baldur Sigurðsson í Völsung Eysteinn Þorri Björgvinsson í Hauka Helgi Snær Agnarsson í ÍR Hilmir Rafn Mikaelsson til Ítalíu (á láni) Jóhann Árni Gunnarsson í Stjörnuna Kristófer Jacobson Reyes í Kórdrengi Lúkas Logi Heimisson til Ítalíu (á láni) Michael Bakare til Skotlands Ragnar Leóssón

Lengjudeild í fyrsta sinn í Vogum Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Þróttar.V og Fjölnis í fyrstu umferð Lengjudeildar karla.