SKÝRSLAN: Þrjú stig úr Boganum heim í Hamar
Hvað réði úrslitum?
Þetta var frekar lokaður leikur. Helstu tækifærin komu uppúr föstum leikatriðum. Kórdrengir voru sterkir í loftinu, þá sérstaklega Guðmann en honum tókst ekki að skora. Villar komst líka tvisvar í gott færi en nýtti þau illa. Þórsarar refsuðu á síðustu mínútunni.
Bestu leikmenn
1. Harley Willard
Willard og Jewook Woo, nýju mennirnir hjá Þór litu fínt út í dag. Glæsileg samvinna hjá þeim í sigurmarkinu.
2. Bjarki Þór Viðarsson
Stóð sig vel í þriggja manna miðvarðarkerfi. Bjargaði amk einu sinni glæsilega. Þegar hann tæklaði boltann í horn þegar Daníel Gylfason var að sleppa einn í gegn.
Atvikið
Tvö atvik þar sem Fannar Daði Malmquist Einarsson og Daði Bergsson þurftu að fara af velli vegna hnémeiðsla. Virtust báðir festa sig í grasinu, aðstæðurnar ekki boðlegar.
Hvað þýða úrslitin?
Þórsarar byrja tímabilið á sigri og eru komnir á blað en Kórdrengir ætluðu sér væntanlega að fara með þrjú stig heim í pokanum en fara tómhentir.
Vondur dagur
Vantaði algjörlega uppá sóknarbolta hér í dag. Þessi leikur var ekki mjög mikið fyrir augað.
Dómarinn - 7
Solid sjöa held ég. Það var eitt kall eftir vítaspyrnu þegar boltinn fór í hendurnar á Guðmanni en mér sýndist dómarinn gera rétt með því að dæma ekkert.