SKÝRSLAN: Stjarnan enn taplausir eftir jafntefli gegn nýliðunum
Hvað réði úrslitum?
Leikur tveggja hálfleikja hjá báðum liðum. Fram voru sterkari aðilinn í fyrri hálfleik en Stjarnan í þeim síðari. Bæði lið hefðu getað skorað sigurmark í uppbótartíma en björgun á línu á báðum enda vallarins kom í veg fyrir það.
Bestu leikmenn
1. Ólafur Íshólm Ólafsson
Var frábær í marki Fram í dag og gat lítið gert í marki Stjörnunnar. Þurfti oft á tíðum að vera vel á verði í markinu.
2. Magnús Þórðarson
Kom vel inní lið Fram og þá sérstaklega í fyrri hálfleik. Dró aðeins af honum og sóknarleik Fram í seinni hálfleik. Fleiri leikmenn Fram komu til greina til að mynda Hlynur Atli og Alex Freyr.
Atvikið
Í uppbótartíma voru bæði lið hársbreidd frá því að skora. Fyrst voru það Framarar eftir hornspyrnu. Það virtist vera sem svo að Daninn, Jannik Holmgaard hafi bjargað Stjörnunni með því að vera fyrir marktilraun Fram á marklínunni. Stjarnan keyrði upp í skyndisókn sem endaði með því að Framarar björguðu á línu. Þvílík dramatík.
Hvað þýða úrslitin?
Stjarnan eru ennþá taplausir í deildinni og eru komnir með átta stig. Fram er enn í leit af sínum fyrsta sigri en fara upp fyrir Leikni í töflunni.
Vondur dagur
Óli Valur Ómarsson þurfti að fara af velli í upphafi seinni hálfleiks og þurfti að fara af velli á börum. Hann var studdur af liðsfélögum sínum inní klefa eftir leik. Leit ekki vel út.
Dómarinn - 8
Með góð tök á leiknum.