Leik lokið hér í Vesturbænum. Virkilega sterkt stig fyrir KA menn en KR-ingar verða mjög svekktir að hafa ekki náð í 3 punkta eftir að vera manni fleiri í 54 mínútur.

Grímsi með líkast til síðasta séns KA að stela þessu en skotið hans beint á Beiti.

KR er að verða búinn með tímann hérna en núna var það Kennie sem var með skot rétt framhjá.

Atli tekur horn fyrir KR en Stubbur grípur þennan bolta.

+5 min

KR-ingar þjarma virkilega að marki gestanna núna. Hættuleg sókn þeirra endar í skoti fyrir utan teig en Stubbur grípur.

KA menn með hættulega skyndisókn en Grímsi tekur ranga ákvörðun og KR nær að hreinsa í horn.

Ekkert varð úr horninu.

KR með enn aðra hættulega fyrirgjöf frá Kennie en skallinn frá Kjartani fer framhjá.

Þarna bjargar Stubbur gestunum alveg svakalega! Kennie hleypur inn á teig frá hægri kantinum og tekur skotið en Stubbur ver glæsilega frá honum.

Aftur er Kristinn með góða fyrirgjöf í þetta skipti fyrir Atla sem skallar yfir en núna liggja 2 KA menn eftir. Þeir virðast þó ætla halda áfram

Kjartan með stórhættulegan skalla eftir fyrirgjöf frá Kristni en Stubbur gerir mjög vel í að verja þetta.

Fyrsta skot KA kom úr þessari aukaspyrnu. Skalli frá Dusan en þetta er ekki erfitt fyrir Beiti.

Svakalegur darraðadans inn á teig KA manna. Hallur fær fullt af plássi til að hlaupa inn á teig og setur hann fyrir. Þá er mj0g erfitt fyrir KA menn að koma boltanum frá en það tekst á endanum.

Fyrirgjöfirnar halda áfram í þetta skipti frá hægri kanti. Stefán skallar boltann aftur fyrir og Kjartan er nálægt því að komast í boltann en gerist brotlegur í leiðinni.

Þá kom góð fyrirgjöf loksins.

Kristinn setur boltann á fjær þar sem Atli nær skotinu en það er frekar slappt og Stubbur ver auðveldlega.

KR fær hornspyrnu sem Atli tekur.

Spyrnan fer á nærstöngina og Pálmi skallar hann áfram en boltinn endar útaf.

KR heldur áfram að setja inn fyrirgjafir en þessi bolti var fyrir aftan alla heimamenn í teignum

KR fær hornspyrnu sem Atli tekur en spyrnan hans beint í hliðarnetið.

KR að reyna ógna en ekki alveg að ná að skapa færi.

Stefán með sendinguna fyrir en Stubbur kemur úr markinu og grípur.

Leikurinn farinn aftur af stað og það eru KR-ingar sem byrja með boltann.

Líflegur hálfleikur búinn þó það hafa ekki komið nein mörk.

Það verður áhugavert að sjá í seinni hálfleik hvort KA nær einhverju úr leiknum manni færri.

+4 min

Pálmi skorar hérna mark sem er virkilega klaufalegt. Boltinn hrekkur af Atla Sigurónssyni og á Pálma. Hann rennur svo boltanum í markið og heimamenn fagna lengi vel.

Dómarinn heldur svo langan fund með aðstoðardómaranum og þeir komast að niðurstöðunni að dæma rangstæðu.

Það var þá Pálmi sem var rangstæður eftir snertingu Atla

Kennie gerir vel í að fara framhjá Bryan á hægri kantinum en Bryan gerir líka vel í að ná honum aftur og setur boltann í horn.

KA menn búnir að ræða þetta mjög lengi við dómara leiksins en þeir fá hann ekki að skipta um skoðun.

KA aðeisn að ógna í fyrsta skipti í töluverðan tíma.

Langur bolti yfir á Elfar sem tekur hann niður og tekur á sprett í átt að markinu en Aron Kristófer gerir vel og hreinsar í innkast.

Heimamenn eru að þjarma að marki KA manna.

Í þetta skipti var það Kennie Chopart með skot rétt fyrir utan teig sem Stubbur gerði vel í að verja.

KR-ingar í dauðafæri!

Boltinn berst yfir á Atla sem er einhverjum 2 metrum frá markinu en skotið hans er svo langt framhjá að það fór næstum því í innkast.

KR fær enn og aftur aukaspyrnu vinstra megin við teiginn.

Atli tekur en spyrnan beint í vegginn.

KA með stórhættulega sókn hérna. Sveinn rennir boltanum bakvið vörn KR þar sem Elfar nær til boltans en beinir honum frá markinu.

Elfar fellur svo við eftir að Beitir virðist hafa farið í hann en dómarinn dæmir ekkert. KA menn alveg æfir.

Atli Sigurjóns reynir hér að prjóna sig í gegnum vörn KA. Þegar hann tekur skotið fellur hann við og heimamenn byðja um víti en það hefði líkast til verið harður dómur.

Skotið varði Stubbur.

KR með fullt af plássi bak við vörn KA. Stefán geysist upp vinstri kantinn en sendingin hans fyrir fer beint í lúkurnar á Stubbi.

KR fá aukaspyrnu vinstra megin við tegin.

Atli tekur og boltinn berst út á Elmar fyrir utan teig en skotið hans bæði hátt og framhjá.

Lið KA
Stubbur
Þorri-Ívar-Bykov-Van Ded Bogaert
Sveinn-Rodri-Daníel
Brebels-Elfar-Nökkvi

Lið KR
Beitir
Kennie-Finnur-Aron-Kiddi
Hallur-Elmar-Pálmi
Atli-Kjartan-Stefán

KA með fyrsta skotið sitt í leiknum. Sveinn Margeir með laust skot í varnarmann en gestirnir fá horn.

Þeir taka þetta stutt og sendingin fyrir er skölluð frá.

KR fær aukaspyrnu í fínni fyrirgjafastöðu.

Það skapast alveg svakalegur darraðadans eftir spyrnuna. Boltinn fer inn í teig 4-5 sinnum en í hvert skipti tekst KA að koma boltanum frá.

Leikurinn fer vel af stað, ákefð og hraði í báðum liðum.

Fyrsta hornspyrna fær KR og Atli tekur og boltinn er stórhættulegur!

Skallinn er hinsvegar laus frá KR og Stubbur grípur

Pálmi vinnur peningakastið og velur sér hlið. KA byrjar með boltann og þetta er farið af stað

Leikmennirnir labba hér inn á völlinn og leikurinn fer að hefjast.

Mætingin hefur verið betri hér á Meistaravöllum en þessir sem eru mættir virðast vel spenntir og munu búa til góða stemningu.

Byrjunarliðin eru komin og svo virðist sem að þeir sem voru tæpir hjá KR hafa náð sér og spila leikinn. Kennie Chopart og Atli Sigurjónsson voru báðir eitthvað meiddir og Pálmi eitthvað lasinn en þeir byrja allir í dag.

KA gerir bara eina breytingu á sínu liði en Sebastian Brebels kemur inn fyrir Ásgeir Sigurgeirsson

Viðar Örn spáir fyrir leikinn

KR 2 - 1 KA
,,Elmar verður maður leiksins og Stubburinn verður á eldi. Kjartan Henry setur eitt og fær síðan rautt og það sýður uppúr í kjölfarið"

Pétur Guðmundsson er dómari þessa leiks en honum til aðstoðar verða Bryngeir Valdimarsson og Eysteinn Hrafnkelsson. Bragi Bergmann er eftirlitsmaður og Birgir Þór Þrastarson varadómari.

KA með fullt hús stiga

Akureyringarnir koma inn í leikinn með 9 stig úr þremur leikjum þeir unnu góðan heimasigur gegn Keflavík í síðustu umferð.

KR er aðeins með 3 stig en þeir töpuðu fyrir Val í síðustu umferð og Breiðablik þar á undan

Góðan daginn og verið velkomin í beina textalýsingu frá leik KR gegn KA. Leikurinn er í 4. umferð Bestu deildarinnar og hefst klukkan 16:15