SKÝRSLAN: ÍBV hafði betur í níu marka leik í Vestmannaeyjum
Hvað réði úrslitum?
ÍBV var klárlega sterkara liðið í dag en gestirnir nýttu sín færi mjög vel. ÍBV var mun meira með boltann meðan að Þór/KA lágu til baka og beittu skyndisóknum
Bestu leikmenn
1. Olga Sevcova
Mark, stoðsending og var allt í öllu í sóknarleik ÍBV í dag.
Varnarmenn gestana áttu ekki roð í hana.
2. Ameera Abdella Hussen
Var virkilega góð í dag og átti stóran þátt í síðasta markinu. Hún og Hanna voru mjög góðar saman á miðjunni í dag.
Atvikið
Ef Þór/KA vinna þennan leik er 4. mark þeirra risastórt atvik þar sem þær fá það nánast gefins. Tiffany með laflaust vinstri fótar skot yfir Guðný. En þar sem ÍBV unnu þá er rauða spjaldið sem Saga fær líklegast atvikið í leiknum. Eftir að gestirnir urðu manni færri þá var þetta orðið mjög erfitt.
Síðan skorar Hanna Kallmaier eitthvað flottasta mark sem hefur verið skorað á Hásteinsvelli.
Hvað þýða úrslitin?
ÍBV fer upp í 4. sæti um stundarsakir en Þór/KA gætu verið komnar niður í 9. sæti í lok dags.
Vondur dagur
Þetta svo skemmtilegur leikur að það er algjör óþarfi að fara að benda á einhvern.
Dómarinn - 8
Nokkuð vel dæmdur leikur hjá Guðmundi. Einn dómur sem ég man eftir sem var kolvitlaus en annars nokkuð flottur bara