SKÝRSLAN: Besti leikur KR í sumar skilaði þeim áfram í bikarnum
Hvað réði úrslitum?
Betra liðið vann í kvöld. KR átti loksins góða frammistöðu yfir 90 mínútur á meðan Stjörnumenn einfaldlega hittu ekki á góðan dag.
Bestu leikmenn
1. Hallur Hansson
Hefur verið gagnrýndur í upphafi sumars en mér fannst hann virkilega flottur í dag. Meira af þessu takk!
2. Theodór Elmar Bjarnason
Margir sem komu til greina hér en ég set þetta á hann. Bara solid frammistaða hjá reynslumiklum manni með mikil gæði.
Atvikið
Markið hjá Halli strax á 5 .mínútu leiksins setti svolítið tóninn fyrir framhaldið. Einstefna að marki heimamanna í fyrri hálfleik.
Hvað þýða úrslitin?
KR fer áfram í bikarnum en Stjarnan hefur lokið þátttöku í bikarkeppninni þetta árið
Vondur dagur
Framlína Stjörnuliðsins fékk nóg af færum til að skora í seinni hálfleik. Emil Atlason , sem hefur verið í svakalegu formi fyrir framan markið í sumar, var í krummafót í dag. Alveg fyrirmunað að skora.
Dómarinn - 8
Bara fínt hjá Jóhanni í dag. Maður er aldrei sammála öllu hjá mönnunum með flautuna en þetta var bara fínt dagsverk hjá honum.