SKÝRSLAN: Erfið fæðing í Krikanum
Hvað réði úrslitum?
FH-ingar talsvert gæðameira lið leiksins í þær 94 mínútur sem spilaðar voru, skoruðu loksins í seinni hálfleik og við það virtist mikil pressa fara af herðum FH-inga sem reyndu og reyndu án árangurs fram að fyrsta markinu.
Bestu leikmenn
1. Steven Lennon (FH)
Tvö mörk og stoðsending, þarf varla að segja meira!
2. Baldur Logi Guðlaugsson (FH)
Mér fannst Baldur gríðarlega góður í dag, endalaust að valda usla og skapa færi, leggur upp bæði mörk Lennon og óheppinn að skora ekki sjálfur.
Atvikið
Fyrsta markið - það var mikill léttir fyrir FH-inga að ná því inn enda orðnir frekar óþreyjufullir eftir hverja tilraunina á fætur annarri sem gekk ekki upp.
Hvað þýða úrslitin?
FH-ingar verða í pottinum þegar dregið verður í 16-liða úrslitin á mánudaginn, bikarævintýri Káramanna er lokið í ár.
Vondur dagur
Kiddi Freyr var ekki lélegur í dag en það er afskaplega vont að koma inná í svona leik og fara svo aftur útaf meiddur, það er það versta í þessum leik og vonandi ekki alvarlegt.
Dómarinn - 9
Gunnar Freyr og hans menn dæmdu þetta gríðarlega vel, hrós á þá!