KA menn komnir áfram. Settu í annan gír í síðari hálfleik.

Reynir fær hornspyrnu.

Ásgeir snéri á punktinum inn í teig og á skotið sem fer af varnarmanni og framhjá.

Jajalo aðeins að leika sér að eldinum. Endar á því að þurfa taka boltann upp. Reynismenn telja að það hafi verið sending til baka í aðdragandanum en ekkert dæmt.

Glæsileg sending innfyrir frá Hallgrím Mar á Ásgeir en hann er fyrir innan og rangstaða dæmd.

Ásgeir með hörku skot en boltinn fer framhjá markinu.

Brebels fær sendinguna út í teiginn frá Ásgeiri en skotið misheppnað og vel yfir.

KA fær hornspyrnu.

Þorri með fyrirgjöf en hún er of innarlega og Ivan gerir vel að handsama knöttinn.

Síðari hálfleikur er hafinn.

Jakob með skallann en beint á Ivan.

Sýndist það vera Elfar Árni sem átti skallann eftir hornspyrnu en boltinn fór í slánna!!

Andri Fannar með fina tilraun en varið í horn.

KA menn bunir að eiga einhverjar fjórar hornspyrnur hérna í röð en ná ekki að nýta það.

KA fær horn. Ansi klaufalegt hjá Ivan markmanni sem var nálægt því að skýla boltanum útaf en á mishepnaða snertingu.

Bjarni staðinn upp en þarf að fara af velli.

KA fær hornspyrnu

Reynir fær aukaspyrnu. Góð fyrirgjafastaða.

Úfff.. Reynismenn nálægt því að komast í færi. Það var horn hinu megin sem þeir koma frá. Þorri Mar virtist vera með tök á boltanum en rennur til og Elton kemst í boltann. Þorri kemst hinsvegar fyrir skot og bjargar í horn. Ekkert varð úr horninu.

Jakob Snær nær skoti á markið úr markteignum en beint á Ivan í marki Reynismanna.

KA fær hornspyrnu.

Bjarni Aðalsteins stingur boltanum innfyrir á Elfar sem er kominn einn á móti markmanni en hann er dæmdur rangstæður.

Bykov og Dusan verð með boltann meira og minna hérna í upphafi og hafa verið að reyna úrslitasendingu án árangurs.

Gestirnir byrja með boltann!

Liðin eru að ganga út á völl. Það styttist í fyrsta heimaleik KA á nýjum velli.

HEIMALEIKUR Á KA-SVÆÐINU!

KA tekur á móti Reyni Sandgerði í 32-liða úrslitum Mjólkurbikarsins á morgun, fimmtudag, kl. 16:00 á KA-vellinum!#LifiFyrirKA pic.twitter.com/FKT4gVAiG8

— KA (@KAakureyri) May 25, 2022

Byrjunarliðin eru komin inn. Þau má sjá hér til hliðar.

Það eru tíu breytingar á liði KA frá tapinu gegn Stjörnunni. Það vekur athygli að Hallgrímur Jónasson er í byrjunarliðinu en hann er einnig aðstoðarþjálfari liðsins. Aðeins Dusan Brkovic byrjar leikinn sem byrjaði gegn Stjörnunni.

Það er ein breyting á liði gestanna frá tapi gegn Ægi í síðustu umferð. Birkir Freyr Sigurðsson kemur inn í liðið í stað Elfars Mána Bragasonar.

Dómararnir

Sveinn Arnarsson verður með flautuna hér í dag og Sveinn Þórður Þórðarson og Eðvarð Eðvarðsson eru honum til aðstoðar.

Liðin koma með mjög mismunandi árangur í upphafi móts í leikinn. Fyrir utan það að KA leikur í Bestu deildinni en Reynir Sandgerði í 2. deild.

KA hefur farið gríðarlega vel af stað en liðið hefur aðeins gert eitt jafntefli og tapað einum leik í fyrstu sjö umferðunum. Tapleikurinn kom reyndar í síðustu umferð þegar Stjarnan lagði liðið 0-2 á Dalvík.

Reynismenn eru enn án stiga eftir fyrstu þrjá leikina í 2. deild. Töp gegn Haukum, Völsungi og nýliðum Ægi.

Góðan daginn og verið velkomin í beina textalýsingu frá leik KA og Reyni Sandgerði í 32 liða úrslitum Mjólkurbikarsins.

Leikurinn fer fram á nýjum gervigrasvelli KA en þetta er fyrsti leikurinn sem spilaður er þar.