SKÝRSLAN: Sjö mörk er Víkingar hófu titilvörn sína
Hvað réði úrslitum?
Getumunurinn fyrst og fremst. Víkingar voru einfaldlega nokkrum númerum of stórir fyrir heimamenn í kvöld. Eru meira fótboltalega fit og með betri einstaklinga innanborðs í sínum röðum svo einfalt er það.
Bestu leikmenn
1. Kristall Máni Ingason
Skoraði tvö sjálfur og átti þátt í tveimur öðrum mörkum eftir að skot frá honum var varið. Er að finna sitt besta form og verður Víkingum verðmætur í sumar.
2. Birnir Snær Ingason
Vandamála reitur í dag. Margir Víkingar að spila mjög vel en framlínan á þetta skuldlaust enda lítið að gera hjá aftari mönnum í dag. Tvö mörk og stoðsending frá Binna Bolta og hann tekur þetta.
Atvikið
Sjöunda mark Víkinga. Langur bolti fram á Kristal sem fer framhjá tveimur stingur þá af í átt að marki.
Hvað þýða úrslitin?
Víkingur er í pottinum fyrir 16 liða úrslitin en Haukar ekki.
Vondur dagur
Varnarlína Hauka mátti sín lítils gegn kvikum Víkingum. Mörk Víkinga voru mörg hver helst til auðveld og varnarleikurinn ekki til útflutnings.
Dómarinn - 7
Solid sjö á hjá Aðalbirni. Hafði svo sem ekki mikið fyrir þessu þannig séð en það þarf að klára öll verkefni af sama metnaði.