SKÝRSLAN: Spennandi lokamínútur í Grindavík og jafntefli niðurstaðan
Hvað réði úrslitum?
Grindavík stóð sig betur í fyrri hálfleik og áttu nóg af færum til þess að vera 2-3 mörkum yfir í hálfleik. En í seinni hálfleik missti Grindavík svolítið tökin og Fjölnir fór að sækja meira. Heppnin var með Grindavík í lokin og hefði Fjölnir mögulega átt að fá vítaspyrnu.
Bestu leikmenn
1. Kairo Edwards-John (Grindavík)
Átti frábæran fyrri hálfleik þar sem hann var að leika sér með að fara fram hjá mönnum og á flotta stoðsendingu fyrir fyrsta markið. Tók ekki eins mikið eftir honum í seinni hálfleik.
2. Hákon Ingi Jónsson (Fjölnir)
Hættulegur í sókn Fjölnismanna. Skapaði mikið fyrir Fjölni og sást mikið í leiknum.
Atvikið
Jöfnunarmark Grindavíkur á 90. mínútu leiksins var atvik leiksins. Svo má nefna það á 94. mínútu hefði Fjölnir alveg getað fengið víti, en Egill Arnar dómari leiksins ákvað að dæma ekki.
Hvað þýða úrslitin?
Grindavík liggur enn í fimmta sæti. Fjölnir fer upp í þriðja sæti í bili með þessu stigi. Grótta á leik til góða á Fjölni og getur komist yfir þá með sigri eða jafntefli.
Vondur dagur
Vörn Fjölnis átti skelfilegan fyrri hálfleik þar sem Kairo var oft dansandi fram hjá þeim. En svo í seinni hálfleik missti Grindavík tökin á leiknum og Fjölnir tók yfir.
Dómarinn - 8
Bara vel dæmdur leikur hjá Agli og hans teymi. Fannst það alveg geta verið víti í lok leiksins, en annars flottur leikur hjá þeim.