Líklega sanngjörn niðurstaða í uppgjöri toppliðanna. Skemmtilegur leikur sem gat endað hvoru megin sem er. Miðað við upplegg beggja þjálfara held ég að bæði lið gangi nokkuð sátt af velli.

Selfyssingar ná fyrirgjöf inn á markteig Fylkis, þar er Tokic búinn að gjörsigra Ólaf, en fyrsta snertingin svíkur hann og boltinn svífur yfir markið.

Gestirnir eru aðgangsharðari þessa stundina. Eiga hornspyrnu, endar með vippu í slánna. Þversláin hefur verið að þvælast fyrir mönnum í kvöld.

Varamaðurinn Unnar Steinn er með efnilegt skot fyrir utan teig, Stefán virðist hafa á tæru allan tímann að boltinn er að fara útaf.

aftur fá Fylkismenn aukaspyrnu, en nú úti á miðjum vallarhelmingi Selfyssinga, þeir senda boltann inn á teig þar sem brotið er á Jóni Vigni.

Fylkir með aukaspyrnu hægra megin fyrir utan teig, virtist vera búinn að sigra Stefán í markinu, en boltinn skoppar ofan á þaknetinu.

Daði Ólafs fer upp vinstri kantinn og kemur boltanum fyrir, Arnór Gauti ekki langt frá því að komast í þessa.

VÍTI!!! Selfyssingar fá víti eftir að einn þeirra fer niður í teignum. Fylkismenn ósáttir.

Jón Vignir með neglu nokkurnvegin beint á Ólaf, þetta var ansi fast.

Þetta er farið af stað aftur.

Við tökum okkur smá pásu. Búið að vera líflegur leikur. Box to box þó að það hafi lengst af verið lítið að gerast eftir að komið var að boxinu. Það á fullt eftir að gerast enn í þessum leik!

Benedikt snöggur upp vinstra megin og kemur boltanum í átt að marki Selfyssinga. Adam Örn tæklar boltann í horn.

Fylkir með hornspyrnu sem nær að ferðast fyrir markið og til baka, eitt af fjölmörgum næstum færum.

Það er engu líkara en að hér séu tvö lið sem líður ekkert of illa með að andstæðingurinn fái að halda boltanum.

STÖNGIN!!! Selfyssingar búnir að eiga hættulegri færin og þetta var það hættulegasta. Sýndist það vera Gonzalo sem átti skot vinstra megin í teignum, endaði í innanverðri hægri stönginni og rúllað til baka sömu leið. Þarna munaði millimetrum.

Garry Martin kominn með boltann upp að endamörkum og nær fyrirgjöfinni, Ólafur gerir virkilega vel í að ráðast á boltann.

ÚFF! Hornspyrnan rúllar út úr vítateignum þar sem Chris hamrar boltan skuggalega nærri markstönginni.

Fylkir með langt innkast inná teig, en Stefán fer hæst manna og grípur boltann. Selfyssingar komast í hraða sókn og vinna horn.

Fylkismenn fyrstir til að koma boltanum í netið, en rangstaða segir aðstoðardóari 1.

Selfyssingar með góðan sprett sem endar með skoti Gonzalo hárfínt framhjá.

Liðin eru aðeins að kanna vatnið, bæði lið að ná smá rispum en vantar upp á smiðshönggið.

Aukaspyrnan var tekin frá hægri kantinum og skoppaði í gegnum vítateig heimamanna óáreyttur, markspyrna.

Guðgeir er búinn að flauta þetta í gang, fullt af fólki í brekkunni og Fylkir strax búnir að fá aukaspyrnu á áliltlegum stað.

Á Selfossi er blíðskapaveður, fimmtán gráðu hiti, sól og örlítil gola. Grasið grænt og leikmenn beggja liða að verða heitir.

Dean Martin breytir ekki sigurliði, teflir fram sama Selfossliði og lék fyrir noraðn. Af breytingum Fylkis frá síðasta leik er það að frétta að Rúnar Páll skiptir Ragnari Braga út fyrir Arnór Gauta, væntanlega meiðsli að hrjá fyrirliðann.

Hraðferð í Bestu Fyir mót voru nær allir sammála um að Fylkir væri með lang öflugasta liðið, en það væri opið fyrir baráttu um annað sætið. Þeir hafa alls ekki valdið vonbrigðum og hafa unnið þrjá leiki, tapað einum og gert eitt jafntefli. Eftir tap í Grindavík pökkuðu þeir Vestra saman 5-0 í Árbænum í síðustu umferð. Ásgeirs Barkar slagurinn gæti þessi leikur verið kallaður, en hann lék með Selfyssingum 2007 og 2008.

Ósigraðir Selfyssingar Gengi Selfyssinga í upphafi móts hefur komið mjög á óvart. Fjórir sigrar og eitt jafntefli. Þeir sitja því sáttir á toppi deildarinnar, þrátt fyrir að vera spáð á lygnum sjó í neðri hlutanum. Í síðustu umferð sóttu þeir sterkan sigur á heimavöll Þórsara. Gonzalo Zamorano er meðal markahæstu manna deildarinnar, með fimm mörk í jafn mörgum leikjum í deild og þrjú mörk í þrem leikjum í bikar.

Heil og sæl og verið velkomin með okkur á JÁ-VERK völlinn á Selfossi. Kl 19.15 hefst stórleikur umferðarinnar í Lengjudeild karla. En á Selfossi tekur toppliðið á móti liðiniu sem svo til allir spáðu yfirburða sigri á mótinu í sumar.