SKÝRSLAN: Markaregn í sólinni á Akureyri
Hvað réði úrslitum?
Leikmenn Þór/KA mættu ekki inn leikinn í fyrri hálfleik. Að sama skapi góður leikur hjá KR sem pressaði Þór/KA vel í fyrri hálfleiknum. Það kviknaði hins vegar á norðankonum í síðari hálfleik en fengu á sig klaufalega vítaspyrnu sem bjargaði stigi fyrir KR.
Bestu leikmenn
1. Marcella Marie Barberic
Var lífleg og átti stóran þátt í tveimur mörkum liðsins.
2. Andrea Mist Pálsdóttir
Andrea steig virkilega vel upp í síðari hálfleik og lagði meðal annars upp tvö mörk.
Atvikið
Fyrsta mark KR var afar skemmtileg útfærsla á hornspyrnu. Þær reyndu þetta aftur síðar í leiknum og bara óheppni að ná ekki að nýta það betur, leikmenn Þór/KA virtust ekki hafa verið tilbúnar í þetta aftur.
Hvað þýða úrslitin?
KR komið upp úr fallsæti með þessu stigi en vörn Þór/KA heldur áfram að leka, komnar með 19 mörk á sig í síðustu fimm deildarleikjum og það verður erfitt fyrir þær að vinna sig upp töfluna.
Vondur dagur
Þessi fyrri hálfleikur var ekki til útflutnings hjá Þór/KA. Virtist bara vera lítill áhugi á því að pressa og þær fremstu komust engan vegin í takt við leikinn í þeim fyrri.
Dómarinn - 7
Rólegur dagur á skrifstofunni í kvöld. Að mínu mati klárt víti.