Keflavík vinnur sinn fyrsta sigur frá því í annari umferð gegn liði Stjörnunar sem mun naga sig í handarbökin að hafa ekki nýtt færin sín í dag.

Viðtöl og skýrsla væntanleg í kvöld.

Caroline með tvær rosalegar tæklingar og setur boltann út af. Keflavík að verja stigin með öllu sem þær eiga.

Boltinn inn á teiginn en Samantha kýlir frá. Háklassa leikur hjá henni í dag.

Tina fær boltann í andlitið af stuttu færi frá Elínu markaskorara og steinliggur. Fljót á fætur samt eftir að hafa unnið nokkrar sekúndur.

Gyða Kristín að sleppa í gegnum vörn Keflavíkur en Samantha með frábærlega tímasett úthlaup og handsamar boltann af tánum á henni.

Skotið beint í vegginn frá Önu sem fær boltann aftur, keyrir inn á teiginn og leggur hann fyrir Amelíu sem rétt missir af boltanum í úrvalsfæri.

Keflavík fær aukaspyrnu á stórhættulegum stað, komið fram í uppbótartíma sem við skjótum á að sé klassískar þrjár mínútur.

Tina Marholt með fínasta skotfæri af 20 metrum en skotið helst til laust og Chante vel á verði.

Jasmin finnur Katrínu í teignum sem nær að snúa og skjóta en boltinn framhjá markinu.

Gestirnir verið að finna færin en ekki nýtt þau.

Aftur Gyða, nú með skot úr D-boganum en boltinn beint á Samönthu sem fyrr sem staðsetur sig vel.

Gyða Kristín í dauðafæri inn í markteig en setur boltann beint í hendurnar á Samönthu!

Svona færi verða að nýtast.

Aftur Samantha!

Að mér sýnist Málfríður með skallann eftir hornið en Samantha með alvöru viðbragð og ver með tilþrifum.

Úlfa Dís með skot af löngu færi sem Samantha gerir vel í að verja í horn. Stefndi í bláhornið.

Hár bolti frá Silvíu stefnir í fjærhornið á marki Stjörnunar, það hár samt að Chante stendur og bíður heillengi eftir því að geta gripið boltann næsta örugglega.

Darraðadans í teig Keflavíkur eftir fínan sprett Betsy en boltinn á endanum í fang Samönthu.

Dröfn með boltann fyrir mark Stjörnunar frá hægri en finnur ekki samherja.

Gestirnir að reyna auka sóknarþunga sinn, ekki að undra missa 2.sæti deildarinnar til ÍBV um stund í það minnsta fari leikurinn svona og missa annað hvort Breiðablik eða Þótt uppfyrir sig sömuleiðis eftir því hvernig sá leikur fer.

Katrín Ásbjörns í fínu færi en setur boltann framhjá markinu.

Betsy með skot sem ég fæ ekki betur séð en fari í hendi varnarmanns en Steinar gerir enga athugasemd. Líkamsstaða og allt það eðlileg líklega að hans mati.

Elfa Karen með stórhættulegan bolta inn á markteig en Amelía hársbreidd frá því að ná að sneiða boltann í netið.

Það er meira fjör hér í upphafi síðari hálfleiks.

Ana Paula að reyna fyrir sér hinu megin en skot hennar úr D-boganum framhjá.

Betsy með skot að marki Keflavíkur en boltinn í fang Samönthu.

Arna Dís lá í teignum eftir markið og þurfti aðhlynningu, er komin á fætur og virðist í lagi.

Dröfn sækir horn fyrir Keflavík.

Seinni hálfleikur hafinn

Gestirnir sparka þessum leik aftur af stað.

Markalaust í hálfleik hér í Keflavík. Gestirnir heilt yfir verið líklegri en Keflavík átt sínar sóknir.

Leikurinn þó eins og stundum vill verða svona næstum því leikur. Vantar þessu síðustu sendingu eða góða móttöku til þess að skapa afgerandi færi.

Katrín liggur eftir viðskipti við Kristrúnu, sá nú ekki að það væri neitt brot í þessu en Kristrún fór sannarlega í hana af hörku.

Katrín fljót á fætur þó.

Ana Paula með skot en varnarmenn henda sér fyrir og boltinn í fang Chante.

Kristrún Ýr bjargar á línu frá Jasmín, sú síðarnefnda reyndar vel rangstæð og flaggið þar með fljótt á loft en Kristrún tekur enga sénsa og neglir boltanum frá.

Dröfn með hættulegan bolta fyrir markið, Amelía skallar en boltinn í varnarmann og afturfyrir.

Keflavík með horn sem ekkert verður úr.

Sú hornspyrna beint í hliðarnetið.

Gestirnir mikið líklegri þennan fyrsta tæpa hálftíma.

Aftur Katrín eftir klaufagang í öftustu línu Keflavíkur en skotið í varnarmann og afturfyrir. Stjarnan með hornspyrnu.

Hár bolti dettur niður á fjærstöng en varnarmenn fyrstir að átta sig og koma boltanum í annað horn.

Dugnaður Katrínar skilar skotfæri fyrir Stjörnuna, berst með kjafti og klóm fyrir boltanum gegn Caroline og Elínu og hefur betur, en skot hennar yfir markið.

Ágæt sóknarlota Keflavíkur sem heldur boltanum hátt á vellinum, sóknin endar með skoti frá Önu í varnarmann og þaðan í fang Chante í marki Stjörnunar.

Skyndisókn Keflavíkur, Ana Paula finnur Silviu í svæði úti til vinstri, hún finnur Amelíu við teiginn sem lætur vaða í átt að marki en skotið vel framhjá markinu.

Enn Stjarnan, Katrín í úrvalsfæri í teignum eftir undirbúning Betsy en hittir ekki boltann. Keflavík hreinsar í kjölfarið.

Gestirnir fá að rúlla boltanum sín á milli við teig Keflavíkur, Jasmín að endingu með skot að marki en boltinn framhjá stönginni.

Katrín með skotið úr D-boganum en beint í fang Samönthu.

Enn sækir Stjarnan. Kristún neyðist til að gefa horn undir pressu frá Betsy.

Betsy í færi eftir flikk innfyrir frá Katrínu en Samantha sem fyrr vel á verði og ver.

Jasmín Erla ein í gegn en Samantha ver!

Frábært spil Stjörnunar sendir Jasmín í gegnum um miðja vörn Keflavíkur en henni tekst ekki að koma boltanum fram hjá Samönthu.

Gestirnir halda pressunni og setja boltann aftur inn á teiginn en laust skot Katrínar endar í fangi markvarðarins.

Þetta er farið af stað hér í Keflavík. Það eru heimakonur sem hefja hér leik.

Fyrri viðureignir i A-deild

Fjórtán sinnum hafa liðin leikið sín á milli í A-deild frá aldamótum.

Fjórum sinnum hefur Keflavík tekið öll stigin, þrisvar sinnum hafa liðin sæst á skiptan hlut og sjö sinnum hafa stigin þrjú farið í Garðabæinn.

Markatalan er svo 32-25 Stjörnunni í vil.

Í fyrra gerðu liðin 0-0 jafntefli í fyrri leik sínum en þann seinni vann Garðarbæjarliðið 2-1 þar sem Arna Dís Arnþórsdóttir gerði sigurmark Stjörnunar undir lok leiks.

Helena spáir

Helena Ólafsdóttir fyrrum landsliðsþjálfari og núverandi þáttastjórnandi Bestu markanna á Stöð 2 Sport var fengin til þess að spá í spilin fyrir þessa níundu umferð deildarinnar. Um leikinn í Keflavík sagði hún.

Stjarnan hefur verið á flugi og mun vera það áfram. Held að þær muni varla hvernig er að tapa leik enda hafa þær unnið síðustu fjóra leiki sína eftir að hafa átt erfiða leiki gegn Val og Breiðablik. Þær vita hvað er undir því liðið sem er á toppnum Valur á leik gegn Selfossi og gæti tapað stigum þar. Það gæti sett Stjörnuna í góða stöðu ef þær vinna í Keflavík og þær vilja ekki klikka á sínum leik. Keflavík sem byrjaði þetta mót að krafti mun að ég held ekki komast á sigurbraut í dag.

Tríóið

Steinar Berg Sævarsson er dómari leiksins og honum til halds og trausts eru þeir Guðmundur Valgeirsson og Hreinn Magnússon. Með þeirra störfum fylgist svo eftirlitsmaður KSÍ Ólafur Ingi Guðmundsson.

Keflavík

Eftir fína fyrstu leiki í mótinu hefur Keflavík fatast flugið, góðu fréttirnar eru þó þær að liðið er farið að skora mörk að nýju og finni það leið til að loka vörninni eru þær til alls líklegar.

Liðið hefur þó ekki unnið leik síðan í annari umferð og þarf að fara að setja fleiri stig á töfluna og freista þess að slíta sig lengra frá liðunum í fallsætum.

Stjarnan

Gestirnir úr Garðabæ geta vel við unað nú þegar mótið er að verða hálfnað. Annað sæti deildarinnar með sextán stig þremur á eftir toppliði Vals eftir 8 leiki er vel viðunandi árangur að svo stöddu.

Liðið hefur spilað vel að undanförnu og hefur unnið fjóra leiki í röð og á góðan möguleika á að bæta þeim fimmta í safnið í kvöld og halda pressunni á Val sem er á leið í erfiðan leik á Selfossi.

Gott kvöld kæru lesendur og verið velkomin í beina textalýsingu Fótbolta.net frá leik Keflavíkur og Stjörnunar í 9.umferð Bestu deildar kvenna.