Þá flautar Aðalbjörn til leiksloka. Þórsarar komu sterkir inn í síðari hálfleikinn og tryggðu sér sigurinn.

Sammie McLeod kominn í hörku færi en varnarmaður KV kemst fyrir í tæka tíð. Boltinn skoppar út úr teignum og Ion nær góðu skoti sem Ómar ver glæsilega í horn.

Séns fyrir KV að klóra í bakkann hér. Hornspyrna dæmd.

Þórsarar ætla að bæta í! Prjóna sig hér í gegnum vörn KV sem endar með skoti sem er varið af vörninni á línu.

Þór fær aukaspyrnu. Sigfús Fannar skallar boltann yfir markið.

Fín tilraun hjá KV en skallinn frá Aski yfir markið.

Vilhjálmur Kaldal Sigurðsson fellur hérna á vítateigslínunni og vill fá eitthvað fyrir sinn snúð, ég held að það hefði alveg verið hægt að dæma.

KV fær hornspyrnu! Ekkert kom út úr henni, Þórsarar vinna aukaspyrnu við sinn eigin vítateig.

Bjarni Guðjón fékk góðan tíma á boltanum í D-boganum en hittir boltann illa og skýtur vel yfir markið.

Gerðist ekkert brjálæðislega mikið í þessum fyrri hálfleik. Vonandi bjóða liðin upp á meira fjör í þeim síðari!

KV fær hornspyrnu. Innsving og boltinn snýst útaf.

Alexander Már með skotið framhjá.

KV fær hornspyrnu.

Bjarni Guðjón fékk boltann a´miðjunni og átti góðan sprett upp kanntinn. KV fljótir til baka og ná að hreinsa í horn, þeir vildu hinsvegar meina að boltinn hafi farið af Bjarna.

Þórsarar missa sig í stúkunni og á bekknum. Harley Willard fellur í teignum en ekkert dæmt.

KV fékk hér aukaspyrnu, fyrirgjöfinn beint á kollinn á leikmanni KV sem skallar boltann beint í fangið á Aroni.

Skallinn frá Alexander Má yfir markið.

Þór fær hornspyrnu.

Bjarni Guðjón með fyrstu alvöru tilraunina í leiknum. Skot rétt fyrir utan teiginn en boltinn fer yfir markið.

Willard nálægt því að sleppa í gegn en nær ekki valdi á boltanum svo hann endar í höndunum á Ómari Einarssyni í marki KV.

KV fær aukaspyrnu á miðjum vellinum.Boltinn endar afturfyrir, markspyrna.

Aron Ingi og Bjarni Guðjón spila hér vel á milli sín og Aron við það að sleppa í gegn en KV nær að bjarga á síðustu stundu.

Þór hefur verið með yfirhöndina hér í upphafi leiks en ekki náð að skapa sér neitt. KV fengu hér sitt fyrsta tækifæri á að gera eitthvað en aukaspyrna arfaslök og fyrirgjöfin aftur fyrir endamörk.

Þetta er farið af stað. Gestirnir hefja leik.

Liðin ganga hér út á völl. Glampandi sól, ekkert nema veisla framundan. Ég óska eftir fleira fólki í stúkuna!

Byrjunarliðin klár

Þorlákur Árnason stillir upp óbreyttu liði frá 5-0 sigri Þórs gegn Þrótti Vogum.

Það er ein breyting á liði KV eftir 4-2 sigur á Vestra í síðustu umferð. Rúrik Gunnarsson kemur inn í liðið fyrir Kristján Páll Jónsson

Leikdagur á Saltpay vellinum! pic.twitter.com/SVLJtWDMRp

— Þór fótbolti (@Thor_fotbolti) July 5, 2022

Tríóið
Aðalbjörn Heiðar Þorsteinsson verður með flautuna hér í kvöld. Sveinn Þórður Þórðarson og Sveinn Ingi Sigurjónsson Waage verða honum til aðstoðar. Tryggvi Þór Gunnarsson er eftirlitsmaður KSÍ.
Aðalbjörn gefur hér Hermanni Helga leikmanni Þórs rautt spjald í viðureign Þórs gegn Aftureldingu árið 2020.

KV er nýliði en liðið tapaði fyrstu fimm leikjum sínum en er á fínu skriði núna og hefur fengið sjö stig úr síðustu fjórum leikjunum.

Þór er einu stigi fyrir ofan KV svo Vesturbæingar geta hent Þórsurum niður í fallsæti með sigri hér í kvöld.

Þórsarar höfðu ekki unnið leik frá því í fyrstu umferð þegar Þróttur Vogum kom í heimsókn um helgina og Þór valtaði yfir leikinn 5-0. Alexander Már Þorláksson var nýkominn til Akureyrar og skoraði eitt og lagði upp annað, Harley Willard og Bjarni Guðjón Brynjólfsson skoruðu tvö.

Góða kvöldið og verið velkomin í beina textalýsingu frá leik Þórs og KV í tíundu umferð Lengjudeildarinnar.

Leikurinn fer fram á SaltPay-Vellinum á Akureyri og hefst kl 18.