SKÝRSLAN: Varnarlaust í Grindavík
Hvað réði úrslitum?
Afturelding nýttu fleiri færi en Grindavík svo einfalt er það. Varnarleikur var ekki eitthvað sem liðin buðu upp á í kvöld og hefðu bæði lið hæglega getað skorað meira. Hending ein réði því að það voru gestirnir sem náðu inn þessu sigurmarki.
Bestu leikmenn
1. Elmar Kári Enesson Cogic
Olli vandræðum í öftustu línu Grindavíkur og hefði hæglega getað gengið af velli með meira en eitt mark í pokanum,
2. Dagur Ingi Hammer Gunnarsson
Staðsetti sig vel og skoraði tvö góð mörk. Fúlt fyrir hann að þau telja ekkert í stigasöfnun.
Atvikið
Sigurmark Aftureldingar og mínúturnar sem fylgdu. Átti Grindavík að fá víti er punkturinn sem verður ræddur í Grindavík á morgun en gestirnir úr Mosó syngja alla leið heim með stigin þrjú.
Hvað þýða úrslitin?
Liðin hafa sætaskipti í 6-7 sæti deildarinnar. Afturelding í því 6, með 19 stig en Grindavík í því 7. með 17 stig.
Vondur dagur
Varnarmenn beggja liða eiga þetta skuldlaust. Níu marka leikur bendir ekki til að mikið hafi verið um varnir en bæði þessi lið gátu stært sig af ágætum varnarleik í mótinu til þessa fyrir leik. Svo var þó ekki að sjá í kvöld.
Dómarinn - 7
Heilt yfir dæmdi Helgi Mikael leikinn vel. Stórt atriði í lokinn þar sem Grindavík vill fá vítaspyrnu og er ég ekki í aðstöðu til þess að dæma hvort svo hafi verið. Get þó sagt að það var sterk vítaspyrnulykt af atvikinu.