SKÝRSLAN: Tvö vítaklúður reyndust dýrkeypt í endurkomusigri HK
Hvað réði úrslitum?
HK sýndi karakter og á endanum voru það gestirnir sem nýttu færin sín betur. Selfyssingar voru ekki lakara liðið en það er dýrt að klúðra tveimur vítaspyrnum
Bestu leikmenn
1. Arnar Freyr Ólafsson
Ætla að setja þetta á markvörð HK í leiknum. Varði vítaspyrnu á mikilvægum tímapunkti þar sem Selfoss hefði getað komist í 2-0. Greip líka oft vel inní og átti góðar vörslur.
2. Adam Örn Sveinbjörnsson
Skoraði mark Selfyssinga og var líflegur í leiknum. Ógnandi í föstum leikatriðum og sterkur varnarlega
Atvikið
Vítaklúðrin tvö hjá Gary (sem hefði komið Selfossi í 2-0) og Gonzalo (þar sem Selfoss hefði getað jafnað í 2-2.
Hvað þýða úrslitin?
HK heldur toppsætinu í deildinni en Selfoss er komið í 5. sætið, sex stigum frá 2. sætinu.
Vondur dagur
Sambýlingarnir Gary Martin og Gonzalo Zamorano Leon áttu alls ekki slæman leik í stóra samhengingu. Þeir klúðruðu hinsvegar báðir vítaspyrnum í kvöld og fá skammir í hattinn fyrir það. Rándýrt fyrir Selfyssinga þegar uppi var staðið..
Dómarinn - 8
Alveg stórgott hjá Vilhjálmi og félögum í dag. Með allar stóru ákvarðanirnar hárréttar