Aðalbjörn Heiðar flautar til leiksloka!
Spennuþrungnar lokamínútur en HK hélt leikinn út og styrkir stöðu sína á toppnum.

Viðtöl og skýrsla innan skams.

Örvar skorar en dæmd rangstaða á HK.

Afturelding fær aukaspyrnu utarlega í fyrirgjafastöðu, darraðadans í teignum en HK kemur boltanum burt.

Heimamenn sækja grimmt þessa stundina.

JA HÉRNA HÉR!!!

Javier Robles á gott skot í teignum sem Arnar Freyr ver og boltinn fer fyrir aftan Arnar og sýnist mér boltinn fara yfir línuna áður en Arnar nær boltanum aftur. Dómarar leiksins dæma svo furðulega rangstöðu á sóknarmann Aftureldingar!

Birkir Valur með góða fyrirgjöf sem ratar á kollinn á Stefáni Inga en boltinn fer yfir.

Geggjuð varsla!
Kári Steinn kominn í góða stöðu í teig HK tekur gott skot en Arnar Freyr ver frábærlega.

Afturelding fær horn, Aziz tekur hornið og kemur boltanum á Ásgeir Frank en hann skallar boltann yfir markið.

HK fær aukaspyrnu u.þ.b. 10 metrum frá teignum, ágætis skotfæri. Ásgeir Marteins skýtur góðu skoti en Esteve Albons ver boltann í horn. Afturelding kemur boltanum frá úr horninu.

Gott færi HK!
Örvar Eggerts með boltann í teig Aftureldingar rennir boltanum til hliðar á Stefán Inga sem neglir á markið en Esteve Albons ver skotið vel.

Javier Robles sparkar seinni hálfleiknum hér af stað!

Aðalbjörn flautar hér til hálfleiks. Afturelding byrjaði betur en HK gaf í og tóku völdin í seinni hluta fyrri hálfleiks. Ennþá allt jafnt hér á Malbikstöðinni að Varmá.

Elmar Kári keyrir hér inn í teig HK og þrír vararmenn í honum, Elmar fellur niður, heimamenn heimta víti en Aðalbjörn dæmir ekkert.

Arnþór Ari vinnur boltann hátt uppi á vellinum gefur boltann, fær hann svo aftur og tekur skotið sem fer yfir.

HK fær horn, Ásgeir Marteins tekur Bruno nær að koma hausnum í boltann en boltinn fer framhjá.

Leikurinn búinn að róast síðustu mínútur en HK-ingar ná að halda betur í boltann.

Fínasta tilraun hjá Atla!
Atli Arnars tekur gott skot á lofti fyrir utan teig, Esteve Albons slær hann aftur út í teiginn og varnarmenn Aftureldingar hreinsa boltanum í horn. Ekkert kom úr horni HK-inga.

Í öðru horni HK fær Bjarni Páll aftur boltann og skýtur aftur í varnarmann og í þriðja horn HK í röð. Ekkert kemur úr þriðja horni HK-inga.

HK fær horn, Ívar Örn tekur boltanum skallað frá en Bjarni Páll Linnet á þrumuskot sem fer í varnarmann og í annað horn.

Afturelding að fá þriðja hornið í röð, Ásgeir Frank nær skalla sem er skallaður aftur út í teiginn, Robles reynir skotið sem komið er frá og að lokum koma HK-ingar boltanum frá.

Aziz klobbar hér Bruno en nær ekki boltanum eftir það en fær aukaspyrnu. Aziz tekur sjálfur aukaspyrnuna sem endar með því að Birkir Valur skallar boltann aftur í horn.

Afturelding að byrja þetta af krafti Elmar Kári fær boltann inn í teig með nokkra varnarmenn HK í sér og nær einhvernvegin skoti. En skotið er aumt og engin hætta fyir Arnar Frey í marki HK.

Aðalbjörn Heiðar Þorsteinsson flautar leikinn af stað og eru það HK-ingar sem byrja með boltann.

Leikmenn ganga hér út á völl, aðeins örfáar mínútur í að veislan hefjist.

Byrjunarliðin komin inn!

Heimamenn gera engar breytingar frá síðasta leik, enda engin þörf þar sem þeir völtuðu yfir Selfoss 4-1.

HK-ingar gera eina breytingu á sínu liði, út úr liðinu fer Eiður Atli en inn í stað hans kemur Ívar Örn sem sat út leikbann í síðasta leik.

HK

HK-ingar eru á toppi deildarinnar með 31 stig einu stigi meira en Fylkir sem er í öðru sæti deildarinnar. HK seldu nú á dögunum Valgeir Valgeirsson til Örebro og verður það stórt skarð til að fylla. Markahæsti leikmaður HK er Stefán Ingi Sigurðsson með 9 mörk í 12 leikjum.

Afturelding

Heimamenn í Aftureldingu hafa undanfarna leiki verið á miklu skriði. Í síðustu 3 leikjum hafa þeir skorað 13 mörk. Markahæsti leikmaður liðsins er Marciano Aziz leikmaður sem kom á láni frá KAS Eupen, en hann er með 5 mörk í aðeins 4 leikjum og hefur hann stimplað sig rækilega inn í lið Aftureldingar.
Afturelding sitja í 5. sæti deildarinnar með 22 stig.

Góðan og blessaðan daginn kæru lesendur og veriði hjartanlega velkomin í þráðbeina textalýsingu frá Malbikstöðinni að Varmá. Hér klukkan 19:15 mun fara fram leikur þar sem Afturelding mun taka á móti toppliði HK í 15. umferð Lengjudeildar karla.