Jóhann Ingi flautar af og 4-0 sigur KR staðreynd.

Annar heimaleikurinn sem KR vinnur í sumar og þeirra annar sigur í röð. Fyrsta tap ÍBV í fjórum leikjum og leikur þeirra gegn FH næst verður gríðarlega áhugaverður upp á fallbaráttuna að gera.

Ég þakka fyrir mig, viðtöl og skýrsla koma inn á eftir.

Jón Arnar, ungur strákur sem var að koma inn á, með skot lengst yfir markið.

Þrjár mínútur í uppbótartíma.

Atli búinn að sýna einhverja bestu einstaklingsframmistöðu sem sést hefur í Bestu deildinni í sumar.

Atla Sigurjóns sýningin.

"FH 0, KA 3," syngur Bóas, mesti stuðningsmaður KR-inga, hástöfum í stúkunni. Hann er ánægður með þessi úrslit.

Næsti leikur ÍBV er gegn FH, sem er núna að tapa 0-3 gegn KA. Það verður alvöru leikur í fallbaráttunni!

ÍBV er farið að ýta fleiri leikmönnum upp völlinn en það þarf miklu meira en kraftaverk svo þeir fái eitthvað úr þessum leik.

Tempóið er búið að detta mikið niður.

Mér finnst eins og þessi leikur sé að fjara út. Þægilegur sigur KR að verða að veruleika.

Eyjamenn í stúkunni eru orðnir ansi pirraðir á Aroni Kristófer. Hann er búinn að brjóta af sér nokkrum sinnum en hefur sloppið við það að fá spjaldið.

Andri Rúnar í mjög góðu færi en setur hann fram hjá. Þetta er bara ekki dagur Eyjamanna.

ÍBV í mjög ákjósalegri stöðu - mikið pláss til að vinna með - en líkt og fyrri daginn þá ná þeir ekki að nýta hana vel. Alex Freyr með aðeins og fasta sendingu og Halldór á svo fyrirgjöf sem Pontus kemst fyrir.

Felix með skot í röð Z. Skelfileg spyrna.

Eyjamenn alveg brjálaðir í stúkunni þegar dæmt er á Arnar Breki. Sýndist Arnór vera brotlegur þarna, en Jóhann var ekki sammála því.

Arnar Breki gekk bara út af með boltann þarna. Vissi ekki alveg hvað hann ætti að gera. Ekki alveg verið dagurinn hans.

Mér sýnist allt stefna í annan sigur KR á heimavelli í sumar.

Ægir í mjög fínu færi inn á teignum en skot hans yfir markið.

Andri Rúnar er með sokkana stílaða eins og Jack Grealish.

Andri skoraði beint úr aukaspyrnu í síðasta leik og hann mun taka þessa. Þetta var aldrei hættulegt. Ekki á markið og annars var Beitir alltaf með þetta.

ÍBV fær aukaspyrnu á stórhættulegum stað.

Elvis - maðurinn með besta nafnið á landinu - færist í miðvörðinn við þessa skiptingu. Halldór Jón fer út hægra megin og Guðjón Ernir fer í hægri bakvörðinn.

Andri fer auðvitað bara upp á topp.

Atli kominn með tvö glæsileg mörk.

Bóas að rífa upp stemninguna í stúkunni: "KR eru bestir," öskrar fólkið.

Það er gleði í Vesturbænum!

Elvis í fínni stöðu hægra megin en sending hans ekki alveg nægilega góð til að skapa einhvern usla.

Stórhætta!
Þorsteinn Már með flottan bolta fyrir á Stefan sem lúrir á fjærstönginni. Hann nær til boltans en skalli hans fer rétt yfir!

Þarna átti Stefan að gera betur og koma KR í 3-0.

Fín sókn hjá ÍBV; boltinn fyrir og Sigurður Arnar er fyrstur á hann en skalli hans fer yfir markið. Hann lemur í jörðina af reiði, ósáttur við sjálfan sig.

Hallur tekur spyrnuna en Eiður Aron kemur honum frá.

KR byrjar þennan seinni hálfleik á því að fá hornspyrnu. Elvis skallar hann aftur fyrir endamörk.

Athyglisvert að Stefan Ljubicic sé á undan Kristjáni Flóka og Kjartani Henry inn á hjá heimamönnum. Sigurður Bjartur hlýtur að hafa meiðst eitthvað í fyrri hálfleiknum.

Farið aftur af stað! Núna sækja heimamenn í átt að KR-heimilinu.

Leikmenn að mæta aftur út á völl.

Fáum við að sjá Andra Rúnar inn á þegar seinni hálfleikurinn fer af stað?

KR-ingar hafa verið meira 'clinical' eins og sagt er á ensku. Annars hefur þetta kannski bara verið nokkuð jafn leikur. Það er allavega mín tilfinning - heimamenn mögulega örlítið sterkari heilt yfir.

Atli reynir auðvitað skotið en það fer í varnarmann ÍBV. Fast var það. Svo flautar Jóhann Ingi til hálfleiks.

Staðan er bara nokkuð sanngjörn að mínu mati. Vestmannaeyingar hafa engan verið ömurlegir en heimamenn hafa nýtt sínar stöður vel og eru vel að þessu komnir.

KR fær aukaspyrnu af einhverju 35 metra færi. Ætli Atli skjóti?

Aron Kristófer er einn fljótur fótboltamaður.

Það er myndast mikil stemning í stúkunni, KR er loksins að gera eitthvað jákvætt á heimavelli sínum!

Sá ekki alveg hvað gerðist þarna en miðað við viðbrögð áhorfenda þá voru Eyjamenn nálægt því að minnka muninn. Inn fór boltinn ekki.

Atli Sigurjóns skoraði annað mark KR.

Eiður Aron skilaði boltanum í netið en það var aukaspyrna dæmd á hann. Sá þetta ekki nægilega vel en mótmælin voru ekki mikil.

Á hliðarlínunni hinum megin er Hemmi Hreiðars búinn að standa í boðvangnum allan tímann á meðan ráðgjafi hans, Heimir Hallgrímsson, stendur við hliðina á skýlinu og er lítið að skipta sér af gangi mála á meðan leiknum stendur.

Atli Sigurjóns með flottan bolta fyrir en brot dæmt í teignum. Sá ekki á hvað var dæmt þarna.

Eyjamenn hafa verið að komast sér í stöður í kringum teiginn, en ekki náð að skapa sér mörg hættuleg færi til þessa.

Arnór Sveinn, fyrirliði KR, er með fyrirliðaband í regnbogalitunum en núna eru í gangi hinsegin dagar. Það ber að hrósa þessu, vel gert!

Kennie liggur eftir og þarf einhverja aðhlynningu.

Skelfileg aukaspyrna. Boltinn í kjölfarið aftur fyrr á fjærstöngina þar sem Halldór Jón er staðsettur. Hann nær skallanum en hann er slakur - langt fram hjá markinu.

Þess má geta að Guðjón Orri er fyrrum markvörður KR.

Í kjölfarið á hornspyrnunni vinnur KR boltann aftur. Atli Sigurjóns á svo algjöra LÚXUSSENDINGU yfir á Hall sem 'volley-ar' hann í teignum og hittir hann vel, en Guðjón Orri nær að verja.

Þetta hefði verið eitt af mörkum tímabilsins!!

Kennie vinnur hornspyrnu fyrir KR. Það kemur ekkert úr henni.

Pálmi Rafn Pálmason, miðjumaður KR, situr fyrir framan fréttamannaboxið. Hann er að glíma við meiðsli og er þess vegna ekki með.

Mikil hætta að skapast inn á teig KR-inga og þá er dæmt brot á Halldór Jón. Fór of hátt með fótinn.

Það eru Eyjamenn mættir í stúkuna og þeir láta vel í sér heyra. Vel gert!

Akkúrat þegar ég skrifa það þá á Atli Hrafn fínt skot sem Beitir ver aftur fyrir endalínu.

Eyjamenn voru líflegir fyrstu fimm mínúturnar en svo tóku KR-ingar yfir leikinn.

Heimamenn að hóta öðru marki! Hallur í fínu færi en skot hans fer fram hjá markinu. Þetta var hættulegt færi!

Aron Kristófer á fyrsta markið nánast skuldlaust.

Atli með stórhættulegan bolta fyrir og Kennie á svo skot sem er lélegt. Hann hittir ekki boltann nægilega vel og fram hjá markinu fer hann.

Sigurður Bjartur skoraði fyrir KR.

Áhugavert þetta framherjateymi hjá ÍBV; Arnar Breki lék 19 leiki með KFS í 3. deild í fyrra og skoraði þrjú mörk og við hliðina á honum er Halldór Jón sem leikur vanalega aðeins aftar á vellinum.

Á meðan er Andri Rúnar á bekknum, en þetta hefur gengið upp í síðustu leikjum.

Ægir með fína tilraun fyrir utan teig en boltinn rúllar fram hjá markinu.

KR er að stilla upp í 4-3-3 - hefðbundið.

Beitir

Kennie - Pontus - Arnór Sveinn - Aron Kristófer

Hallur - Aron Þórður - Ægir Jarl

Atli - Sigurður Bjartur - Theodór Elmar

Eyjamenn stilla upp í 4-4-2 til að byrja með að mér sýnist.

Guðjón Orri

Elvis - Eiður Aron - Sigurður Arnar - Felix

Guðjón Ernir - Telmo - Alex - Atli Hrafn

Arnar Breki - Halldór Jón

Guðjón Ernir í DAUÐAFÆRI strax í upphafi leiks en Beitir gerir mjög vel í að verja!

Búið að slökkva í Bubba og þetta er þá farið af stað! Fólk er að streyma inn og það er aðeins búið að fjölga í stúkunni.

Alex Freyr, fyrrum leikmaður KR, sparkar þessu af stað. ÍBV byrjar á því að sækja í átt að KR heimilinu.

Leikmennirnir ganga út á völl undir Bestu deildar stefinu. Þetta er að byrja.

Liðin farin inn. Það styttist í þetta! Mætingin enn sem komið er mjög döpur. Bóas lætur sig að minnsta kosti ekki vanta!

Heyrðu, sólin er bara farin að láta sjá sig!

Viktor Bjarki Arnarsson, yfirþjálfari, og Bjarni Guðjónsson, framkvæmdastjóri, sjá um upphitun hjá KR-ingum.

Manchester United stuðningsfólk eflaust sárt með niðurstöðu dagsins. Þá er um að gera að skella sér hingað á völlinn og taka hugann frá þessum slæmu úrslitum. Þetta verður vonandi skemmtilegur leikur hér á Meistaravöllum.

Erik ten Hag's first game as Manchester United manager ends in defeat... pic.twitter.com/FgOEwUVxuN

— ESPN FC (@ESPNFC) August 7, 2022

KR-ingar líka mættir út á völl núna í upphitun.

Það vekur athygli mína að Dave Bell, enski aðstoðarþjálfari Eyjamanna, er ekki á skýrslu í dag. Hann var það ekki heldur í síðasta leik.

Eyjamenn eru allir mættir út á völl að hita upp en hingað til eru það aðeins markverðirnir sem eru mættir hjá KR-ingum.

Ég er mættur á Meistaravelli. Veðrið er bara þrusugott eins og er, vonum að það haldist þannig. Ég er orðinn mjög spenntur fyrir þessum leik!

Jæja, hérna mætast tvö lið sem líður ekkert rosalega vel á heimavelli ⚽

KR aðeins unnið einn deildarleik á Meistaravöllum í sumar - verða þeir orðnir tveir klukkan 19?

Textalýsing: https://t.co/dLAq5pv7Au pic.twitter.com/Ylzj9qQd77

— Guðmundur Ásgeirsson (@gummi_aa) August 7, 2022

Byrjunarliðin eru komin
Rúnar Kristinsson gerir tvær breytingar á liði sínu frá sigurleiknum gegn KA. Hann endurheimtir Hall Hansson og Ægir Jarl Jónasson úr leikbanni og koma þeir inn fyrir Þorstein Má Ragnarsson og Stefan Alexander Ljubicic.

ÍBV stillir upp sama byrjunarliði og í síðustu þremur leikjum. Andri Rúnar þarf að sætta sig við áframhaldandi bekkjarsetu, líkt og kollegi sinn Kjartan Henry Finnbogason hjá KR.

Jóhann Ingi Jónsson er með flautuna í dag.

Fyrri leikur liðanna í sumar
Þegar þessi lið mættust fyrr í sumar þá fór KR með sigur af hólmi, 1-2.

Ægir Jarl Jónasson kom KR-ingum yfir eftir þriggja mínútna leik og jafnaði ÍBV muninn um miðbik fyrri hálfleiks er Kristinn Jónsson setti boltann í eigið net. Sigurmarkið skoraði Kennie Chopart á 42. mínútu.

Það fóru alls sjö gul spjöld á loft í þeim leik og eitt rautt spjald þar að auki. Rauða spjaldið fékk Atli Hrafn Andrason, leikmaður ÍBV.

Veðrið er ekkert að leika við okkur í dag. Hvernig áhrif kemur það til með að hafa á leikinn?

Mæli með að stytta biðina fram að leik með því að hlusta á útvarpsþátt gærdagsins!

Ert þú búin/n að hlusta á útvarpsþátt vikunnar? #fotboltinet https://t.co/aVLvDjHjPq

— Fótbolti.net (@Fotboltinet) August 7, 2022

Byrjar Kristján Flóki?
KR-ingar hafa verið nokkuð óheppnir með meiðsli í sumar, en það voru jákvæðar fréttir fyrir liðið í síðasta leik er sóknarmaðurinn Kristján Flóki Finnbogason kom inn á í sínum fyrsta leik í sumar eftir erfið meiðsli.

Byrjar hann í dag?

Ég hvet auðvitað alla til að taka þátt í umræðunni á Twitter í kringum leikinn undir myllumerkinu #fotboltinet. Það gerir leikinn bara skemmtilegri!

Hermann er að mínu mati virkilega öflugur þjálfari sem getur náð mjög langt og hann sýndi það vel í fyrra þegar hann kom Þrótti Vogum upp í næst efstu deild í fyrsta sinn í sögu félagsins.

En það hefur klárlega hjálpað að fá Heimi inn - það sýnir sig í stigasöfnuninni - og getur Hemmi klárlega lært mikið af fyrrum landsliðsþjálfaranum.

Fyrrum landsliðsþjálfari í teyminu
Hermann Hreiðarsson tók við ÍBV fyrir tímabilið. Árangurinn í upphafi tímabils var ekki sérlega góður en hann hefur batnað eftir að Heimir Hallgrímsson, fyrrum landsliðsþjálfari, kom inn í teymið.

Það er virkilega athyglisvert að Heimir, sem náði mögnuðum árangri með íslenska landsliðið, sé í teyminu en hann er mikill Eyjamaður og stökk inn til að hjálpa sínu félagi. Hann og Hermann virðast vega hvorn annan mjög vel upp og ná þeir vel saman.

Sjá einnig:
Heimir Hallgríms: Þurfti smá tíma til að finna gleðina á ný í þjálfuninni

ÍBV fagnar því reyndar örugglega að þessi leikur sé ekki í Eyjum því þeir eru eitt af þremur liðum sem er með verri árangur en KR á heimavelli í sumar. KR hefur sótt átta stig í átta leikjum á heimavelli í sumar á meðan ÍBV hefur sótt sjö stig í jafnmörgum leikjum.

Bæði lið þessi lið hafa bara unnið einn heimaleik allt sumar.

Aðeins Leiknir og ÍA, sem eru í fallsætunum tveimur, eru með verri árangur.

Árangur KR á heimavelli er arfaslakur
Það er óhætt að fullyrða að þetta tímabil hefur ekki verið eftir væntingum hjá KR-ingum. Liðið hefur ekki verið að sækja þau úrslit sem vonast var eftir.

Árangur KR-liðsins á heimavelli undanfarin ár hefur vakið mikla athygli því hann hefur verið arfaslakur. Það er eitthvað við Frostaskjólið sem er ekki að leika við lið KR.

"Við höfum verið betri á gervigrasi undanfarin ár," sagði Rúnar Kristinsson, þjálfari KR, í viðtali fyrr í sumar.

Spáir jafntefli
Þetta verður áhugaverður leikur. Íþróttafréttamaðurinn Gunnar Birgisson spáir því að 2-2 jafntefli verði niðurstaðan.

Þetta er áhugaverður leikur. Bæði lið öðlast meira sjálfstraust undanfarið. Á móti kemur að KR hefur gert lítið af því að vinna á heimavelli undanfarna mánuði. Stig á lið og bæði lið passlega sátt.

Staðan?
Staðan fyrir þennan leik er sú að KR er í sjötta sæti með 21 stig á meðan ÍBV er í níunda sæti með tólf stig.

ÍBV er á ágætis róli komandi inn í þennan leik en þeir eru ekki búnir að tapa í síðustu þremur leikjum sínum og þar af eru þeir búnir að vinna tvo þeirra. KR vann síðasta leik sinn gegn KA eftir að hafa ekki unnið í sex leikjum í röð þar á undan.

Þessi leikur er í 16. umferð deildarinar sem lítur annars svona út:

sunnudagur 7. ágúst
17:00 FH-KA (Einar Ingi Jóhannsson)
17:00 KR-ÍBV (Jóhann Ingi Jónsson)
19:15 Stjarnan-Breiðablik (Erlendur Eiríksson)
19:15 Fram-Víkingur R. (Helgi Mikael Jónasson)

mánudagur 8. ágúst
19:15 Leiknir R.-Keflavík (Vilhjálmur Alvar Þórarinsson)
19:15 ÍA-Valur (Egill Arnar Sigurþórsson)

Í dag - á þessum ágæta sunnudegi - heilsa ég frá Meistaravöllum þar sem KR tekur á móti ÍBV í Bestu deild karla.

Endilega fylgist með!