Þetta er ógeðslega svekkjandi en Víkingar geta verið stoltir af sér. Hefði verið áhugavert að sjá hvað hefði gerst ef Júlli hefði ekki fengið þetta fáránlega rauða spjald.

Þeir voru svo nálægt þessu, þetta er sárt en svona er boltinn.

Ég trúi ekki öðru en að við fáum íslenskt félagslið í riðlakeppni á næsta ári. Það styttist allavega í þetta.

Ingvar heldur lífi í þessu.

Víti. Boltinn fór í höndina á Davíð Erni, dómarinn er ömurlegur en þetta er hárrétt.

Lech í enn einu dauðafærinu en líkt og fyrri daginn þá lokar Ingvar bara. Magnaður leikur hjá honum.

Ég er eiginlega í sjokki hvað þetta var lélegur dómur. Vá maður.

Djöfull sem þetta fer í taugarnar á mér, litla kjaftæðið.

Þessi austurríski dómari er eins og Sveppi í þessu atriði. Litla fíflið.

HVAÐA BULL ER ÞETTA, ÁN DJÓKS. Júlíus fer bara í boltann og svo er stigið ofan á hann. Þetta hlýtur að vera eitthvað mesta kjaftæði sem ég hef séð.

Arnór Borg Guðjohnsen er að koma inn á.

Menn eru augljóslega orðnir mjög þreyttir.

Víkingar mjög hátt upp núna og leikmenn Lech eru komnir skotgrafirnar.

Stórhættulegur bolti inn á teig en Lech skallar frá.

SEINNI HÁLFLEIKUR FRAMLENGINGAR ER HAFINN!
Koma svo!!!

Jæja JESÚ JÓSEFSSON nú þarft þú að rífa þig í gang og styðja #Eurovikes. 🫡 pic.twitter.com/tu7k9RkA7D

— Hörður Ágústsson (@horduragustsson) August 11, 2022

HÁLFLEIKUR Í FRAMLENGINGU
Það er enn tími fyrir Víkinga. Þetta er ekki búið, það er aldrei hægt að afskrifa EuroVikes.

Ari með hættulegan bolta fyrir en Bednarek kemur út og grípur hann.

Danijel Dejan Djuric er býsna skemmtilegur fótboltamaður.

Djuric með skemmtilegan bolta og boltinn skallaður út í teiginn, en Víkingar ná ekki til boltans.

Þetta var hættulegt!

Birnir sækir hornspyrnu. Koma svo!

Víkingar væru komnir áfram núna ef útivallarmörk væru enn í gildi.

ÞAÐ ER KRAFTUR Í DJURIC! Leikur hér á varnarmenn Poznan og á svo hættulegt skot sem fer held ég í tvo varnarmenn. Erlingur var nálægt frákastinu en þeir koma boltanum í burtu.

Jæja, það er enn tími!

Minnir að Arnar Gunnlaugs hafi talað um það á fréttamannafundi í gær að hans menn væru búnir að æfa vítaspyrnur ef þetta myndi enda þannig.

Þetta er án djóks eitthvað það rosalegasta sem ég hef séð. Fótbolti er svo mögnuð íþrótt. Víkingar virkuðu bensínslausir en þeir gáfust aldrei upp.

Pólsku sjónvarpsmennirnir voru sofandi. Þeir héldu að leikurinn væri búinn. Þeir sýndu það ekki þegar Danijel skoraði. Það heyrðist bara.

Lech átti að vera löngu búið að klára þetta. Þeir fengu endalaust af færum til að klára þetta. Þetta er það ótrúlegasta sem ég hef séð.

Fótbolti, MAÐUR LIFANDI!

ÞETTA GERÐIST Á SÍÐUSTU SEKÚNDU LEIKSINS.

ÞETTA ER BÚIÐ! Það verður framlengt.

Víkingar með boltann. Hafa 30 sekúndur til þess að koma sér fram og skora.

Lech fer upp með boltann. Þetta lítur ekki vel út.

Mínúta eftir.

Lech í dauðafæri hinum megin en Ingvar ver og svo skot fram hjá. ÞAÐ ER ENN TÍMI!

Birnir í hörkufæri á teignum en á skot sem fer í varnarmann. KOMA SVO!

Hættulegur bolti fyrir en það vantar mann á boltann. Þetta var góð staða fyrir Víkinga!

Núna væri gott að vera með Nikolaj Hansen inn á en hann er líklega ekki klár í slaginn.

Það eru þrjár mínútur eftir.

Það kom ekkert úr þessu innkasti en það eru fimm mínútur í uppbótartíma.

Júlíus bjargar á síðustu stundu og Víkingar geta sótt hratt.

Lech menn eru byrjaðir að nota allan þann tíma sem þeir geta til þess að tefja.

Kyle með skalla töluvert fram hjá markinu eftir aukaspyrnu inn á teiginn.

Víkingar eru farnir að henda ansi mörgum fram, en þeir virka mjög þreyttir.

Amaral í öðru dauðafæri en setur boltann langt yfir markið.

Lech á að vera búið að gera út um þetta hérna í seinni hálfleik. Amaral kominn einn í gegn en Ingvar kemur langt út á móti og nær að verja.

Ishak í dauðafæri hinum megin en setur boltann í tréverkið.

Danijel reynir bara SKOTIÐ!. Bednarek í vandræðum en slær þetta í burtu.

Tækifæri fyrir Víkinga. Aukaspyrna á fínum stað fyrir sendingu fyrir markið.

Minni á það að Víkingur þarf bara eitt mark til þess að koma þessu í framlengingu.

15 mínútur eftir af venjulegum leiktíma.

Ishak í dauðafæri að ganga frá þessu einvígi en Ingvar sér við honum. Lech á svo skot fram hjá.

Danijel Dejan með skot af varnarmanni og RÉTT FRAM HJÁ!!! Þarna munaði alls ekki miklu.

Víkingar ekki búnir að skapa sér neitt enn sem komið er í seinni hálfleiknum.

Maður veltir því fyrir sér hvort þeir hafi bara ekki selt Kristal Mána aðeins of snemma. Hann hefði getað hjálpað liðinu helling, án nokkurs vafa.

Ekroth gefur Ishak olnboga í andlitið innan teigs. Ishak er ósáttur en dómarinn sá ekkert athugavert við þetta. Ekroth aðeins að leika sér að eldinum þarna.

Ari tengir vel við Viktor og er Viktor kominn í fína stöðu til að senda fyrir. Hann á fyrirgjöf, en hún er ekki alveg nægilega góð.

Þetta er betra!

Það er nóg eftir af þessu. Koma svo!

Ari tekur á mann og annan, en fellur svo auðveldlega í jörðina og fær skiljanlega ekki neitt.

Góð sending inn fyrir og Isak í hættulegri stöðu en setur boltann yfir markið. Hann tekur boltann á lofti og það var alltaf að fara að vera erfitt að klára það.

Þeir taka mikinn tíma í þessa hornspyrnu og Viktor Örlygur skallar svo frá.

Víkingar þurfa að rífa sig í gang. Ekki nægilega gott til að byrja með í seinni hálfleik. Lech að stjórna ferðinni og á núna aukaspyrnu á hættulegum stað.

Þeir fá svo hornspyrnu í kjölfarið á þessari aukaspyrnu.

Lech Poznan fagnar marki í fyrri hálfleik.

Við erum með ljósmyndara á leiknum í Poznan. Okkar besti maður, Adam Ciereszko, er á vellinum að mynda.

Danijel Dejan Djuric er að koma inn á.

Kristoffer Welde er bæði búinn að skora og leggja upp.

Afar svekkjandi fyrri hálfleikur. Víkingar hefðu getað skorað tvisvar á fyrstu 15 mínútum leiksins, en eru þess í stað 2-0 undir. Það er stutt á milli í þessu. Víkingar klaufar, en þeir eru fullfærir um að koma til baka í þessu.

Það eru 45 mínútur eftir og núna þurfa Víkingar að koma sterkir inn í seinni hálfleikinn.

Aftur ódýrt mark, og á versta tíma.

Það er pása núna í leiknum. Logi og Joel Pereira lentu í samstuði. Verið að huga þeim báðum. Þeir koma svo aftur inn á völlinn.

Bednarek með áhugavert kast upp völlinn. Á nákvæmlega engan.

Það eru alveg möguleikar fyrir Víkinga í þessu og þeir munu fá færi. Núna er þetta bara nýr leikur, allt jafnt. Víkingar eiga alveg góðan möguleika gegn þessu Lech liði.

Ekki hægt að segja að þetta hafi legið í loftinu. Gífurlega svekkjandi, en bara áfram gakk.

Núna er staðan jöfn, 1-1, í þessu einvígi.

Víkingar eru að verjast í 5-4-1. Það hefur virkað mjög vel hingað til.

Pólskur fjölmiðlamaður að hrósa Arnari Gunnlaugssyni fyrir vinnu sína með Víkingum. Segir að ef Arnar væri að stýra Lech, þá væri staðan allt önnur í þessu einvígi.

gdyby ten trener z Islandii prowadził Lecha a van den Brom Vikingura, to chyba już by była dwucyfrówka. Na tle chaotycznego i grającego "taktyką randomową" Lecha bardzo fajnie prezentują się świetnie zorganizowani Islandczycy, brakuje im tylko jakości indywidualnej.

— Marek Wawrzynowski (@M_Wawrzynowski) August 11, 2022

ÞESSI VARNARLEKUR
Welde sleppur á bak við vörn Víkinga og er kominn í hættulega stöðu, en Ekroth gerir frábærlega í varnarleiknum - að loka á hann. Fleygir sér fyrir og truflar kantmann Lech allverulega.

Stuðningsmenn Poznan eru farnir að láta í sér heyra. Baula hér á sitt lið. Þeir vilja meira!

Maður sér að það er smá stress í báðum liðum, gengur illa að halda í boltann. Það er mikið undir.

Smá bras hjá Víkingum í öftustu línu og Kyle leysir það bara með því að negla boltanum út af. Ekkert bull!

Víkingar hefðu hæglega getað verið búnir að skora tvö mörk hingað til. Vantað gæðin til að koma þessu í netið!

Þessar fyrstu 15 mínútur eru búnar að vera stórkostlegar.

ERLINGUR Í DAUÐAFÆRI
Ekroth vinnur boltann hátt á vellinum og Pablo á svo sendingu inn á teiginn sem endar með því að Erlingur fær dauðafæri til að skora. Skotið hans er hins vegar slakt og auðvelt viðureignar fyrir Filip Bednarek.

Þarna verða Víkingar að gera betur!

ÞVÍLÍKUR DARRAÐADANS
Poznan að hóta allverulega. Aðstoðardómarinn lyftir flagginu að lokum. Rangstaða dæmd eftir mikinn darraðadans. Hvaða bull er þetta? Lyftu bara flagginu strax.

Víkingar bara verið hættulegri þessar fyrstu tíu mínútur. Mjög flott!

Arnar Gunnlaugs er ekkert eðlilega flottur á hliðarlínunni. Þetta kallast að vera flottur í tauinu.

AHHHHHHHHHHHHHHH
Frábær sprettur hjá Erlingi upp hægra megin og á frábæra sendingu út í teiginn á Helga sem er að koma á ferðinni. Skotið er hins vegar fram hjá markinu!!!

Þarna átti Helgi bara að SKORA.

Heimamenn að komast í hættulega stöðu inn á teignum en Kyle gerir vel að koma sér fyrir skotið.

Lech fær hornspyrnu. Viktor Örlygur skallar frá, vel gert.

NÆSTUM ÞVÍ!!!
Víkingar fá aukaspyrnu og boltinn fellur fyrir Ara Sigurpáls í teignum. Hann á skot sem fer af varnarmanni og rétt fram hjá markinu.

Ari elskara að spila gegn Lech, en hann gerði markið í fyrri leiknum.

Svona stilla Víkingar upp
Ingvar

Karl Friðleifur - Viktor - Oliver - Kyle - Logi

Erlingur - Pablo - Júlíus - Ari

Helgi

Þetta er allavega uppstillingin varnarlega. Sýnist Viktor Örlygur færa sig upp völlinn þegar Víkingar eru með boltann.

Veislan er hafin!

Spá Víkingum áfram
Baldur Sigurðsson og Máni Pétursson, sérfræðingar Stöð 2 Sport spá því báðir að Víkingar fari áfram, þeir spá báðir jafntefli.

Leikmenn ganga út á völl. Breiðhyltingurinn Júlíus Magnússon leiðir Víkinga út. Þetta er stór stund.

Leikvangurinn er stórglæsilegur. Hann er ekki næstum því fullur, en stuðningsmenn Lech eru ekki sáttir með stöðu mála hjá félaginu þessa stundina. Lech er í næst neðsta sæti pólsku deildarinnar með eitt stig eftir þrjá leiki.

Það verður áhugavert að sjá hvernig Víkingar nálgast þennan leik. Þeir eru með 1-0 forystu, en ég trúi því ekki að þeir séu bara að fara að múra algjörlega fyrir. Það getur verið hættulegur leikur.

Ég hef trú á að Víkingar komist áfram.

Ingvar Jónsson og Pablo Punyed léku með Stjörnunni gegn Lech Poznan í Evrópudeildinni fyrir nokkrum árum síðan. Stjarnan sló Lech þá úr keppni og það er vonandi að Víkingar geri það líka.

Það styttist í þetta, 15 mínútur í leik.

Minni á að leikur Istanbul Basaksehir og Breiðbliks var að hefjast. Þar hafa Blikar verk að vinna eftir að hafa tapað fyrri leiknum 1-3.

Það er hægt að nálgast textalýsingu frá þeim leik með því að smella hérna.

Ég var í Poznan fyrr í sumar og þetta er mjög skemmtileg borg!

Mæli með að kíkja á Instagram síðu Víkinga, en þar er hægt að skyggnast á bak við tjöldin í Póllandi með því að skoða 'story'.

Daníel Örn, einn harðasti stuðningsmaður Víkings á landinu, spáir því að þessi leikur endi 1-1 og að Víkingur fari þannig áfram.

Vonum það!

Arnar Gunnlaugsson, þjálfari Víkinga, gerir eina breytingu frá fyrri leiknum á heimavelli. Viktor Örlygur Andrason kemur inn í staðinn fyrir Birni Snæ Ingason.

Byrjunarlið Víkings:
1. Ingvar Jónsson (m)
3. Logi Tómasson
4. Oliver Ekroth
5. Kyle McLagan
7. Erlingur Agnarsson
8. Viktor Örlygur Andrason
10. Pablo Punyed
17. Ari Sigurpálsson
18. Birnir Snær Ingason
20. Júlíus Magnússon
22. Karl Friðleifur Gunnarsson

Ég ræddi við pólskan fjölmiðlamann fyrir þennan leik og var ýmislegt skemmtilegt sem kom fram í því viðtali. Mæli með því að skoða það!

Na @Fotboltinet ukazał się artykuł, do którego miałem okazję podzielić się opinią na temat obecnej sytuacji w Lechu Poznań. Jeżeli ktoś zna język islandzki lub chce skorzystać z Google Translate'a to oczywiście zachęcam do kliknięcia przed #LPOVIK😇 https://t.co/wpRKdoiF2g

— Kuba Cimoszko (@kubacimoszko) August 11, 2022

Víkingar tekið góðan undirbúning
Víkingar fóru út á mánudaginn, nokkrum klukkutímum eftir leik sinn við Fram í Bestu deildinni. Félaginu tókst að púsla því þannig saman að allir leikmenn náðu að taka sér frí frá öðrum verkefnum til að hafa fullan fókus frá mánudeginum á þessu stóra verkefni sem er framundan.

"Liðið kom út á mánudaginn. Það er búið að vera að aðlagast hitanum hér og fá smá hvíld því það er búið að vera svo mikið álag. Það er mjög gott hótel hér og borgin er skemmtileg," sagði Heimir Gunnlaugsson, formaður knattspyrnudeildar Víkings, í samtali við Fótbolta.net í dag.

Víkingar eru búnir að taka góðan undirbúning í Póllandi sem er jákvætt.

Aldrei verið meiri möguleiki
Það má með sanni segja að aldrei hafi íslenskt karlalið verið jafn nálægt því að fara í riðlana í Evrópukeppni.

Ef Víkingar ná að komast úr þessu einvígi þá mæta þeir líklega Dudelange frá Lúxemborg í næstu umferð, lokaumferðinni fyrir riðlakeppnina. Dudelange tapaði 3-0 fyrir Malmö í forkeppni Evrópudeildarinnar í gær.

Stjarnan fór í umspil árið 2014 en mætti þá Inter frá Ítalíu og átti engan möguleika. Möguleikarnir eru stærri fyrir Víkinga.

Ef Víkingar fara alla leið þá verða þeir annað íslenska félagsliðið til að fara í riðlana í Evrópukeppni því kvennalið Breiðabliks tókst að gera það í Meistaradeildinni í fyrra.

Ég er því miður ekki í Póllandi - þessi textalýsing fer fram með hjálp Stöð 2 Sport sem sýnir frá leiknum.

Það er stórleikur framundan!
Í kvöld mætast Lech Poznan og Víkingur Reykjavík í seinni leik sínum í forkeppni Sambandsdeildarinnar.

Víkingur leiðir 1-0 eftir fyrri leikinn og er í góðum möguleika á því að komast áfram í umspilið fyrir riðlakeppnina.