Sigur Grindavíkur staðreynd. Kórdrengir þurfa að bíða enn lengur eftir fyrsta útisigri sínum þetta sumarið.

Takk fyrir mig í kvöld.

Stefnir allt í að sigurinn endi hér í Grindavík. Þarf kraftaverk til þess að svo verði ekki.

Komið fram í uppbótartíma. Við skjótum á þrjár mínútur.

Aron Dagur stálheppninn. Missir boltann eftir fyrirgjöf úr aukaspyrnu en skalli Gunnlaugs Fannars að mér sýnist yfir markið.

Kórdrengir færast nær. SKot af talsverðu færi sem siglir rétt framhjá marki Grindavíkur.

Nathan Dale með bjartsýnisskot sem siglir vel framhjá markinu.

Darraðadans af gamla skólanum í teig Grindavíkur.

Hvert skotið rekur annað og varnarmenn henda sér fyrir.
Þung pressa frá gestunum sem skilar þó engu á endanum.

Kairo heldur áfram að ógna, fær boltann við teig Kórdrengja og lætur vaða en beint á Óskar í markinu.

Gestinir pressa eftir horn. Sóknin endar með skoti í varnarmann og afturfyrir.

Einhverjar stympingar i teignum eftir hornið sem Arnar greiðir úr.

Kairo hársbreidd frá því að ná til boltans í teignum en er sentimetrum of stuttur og boltinn fer afturfyrir.

Axel Freyr í ágætri stöðu í teig Grindavíkur eftir sendingu frá Daníel Gylfasyni en nær ekki að leggja boltann fyrir sig sem endar í fangi Arons.

Rosalega rislítill síðari hálfleikur til þessa. Grindvíkingar tekist að halda gestnum vel í skefjum til þessa.

Kairo með rosalegan sprett og fer framhjá þremur á leið sinni inn á teiginn. Velur að senda boltann út í teiginn þegar hann var í prýðis skotfæri sjálfur og færið verður að engu.

Kórdrengir fá hornspyrnu.

Mikil barátta í þessu hér í upphafi. Hvorugt liðið þó að skapa sér nokkuð.

Síðari hálfleikur hafinn

Heimamenn sparka þessu í gang og leika gegn vindinum hér í síðari hálfleik.

Flautað til hálfleiks hér í Grindavík þar sem heimamenn leiða.

Leikurinn verið heilt yfir nokkuð jafn, Kórdrengir haldið meira í boltann en lítið tekist að skapa sér í og við teig Grindavíkur.

Kórdrengir fá horn.

Mínúta í uppbót hér að ég tel.

Morten Ohlsen með skot að marki Grindavíkur en beint á Aron Dag í markinu.

Guðjón Pétur með skotið úr aukaspyrnunni en boltinn framhjá markinu.

Þótt færin hafi skort hefur lið Kórdrengja heilt yfir verið betri aðilinn úti á velli. Hafa ekkert upp úr krafsinu fyrir það en munu leika með vindinn í bakað í síðari hálfleik.

Kristófer Páll með skot í varnarmann og afturfyrir.

Grindavík með hornspyrnu.

Kórdrengir sett talsvert púður í að reyna brjóta niður vörn Grindavíkur. Orðið lítt ágengt til þessa en eiga hér aukaspyrnu á ágætum stað fyrir fyrirgjöf.

Leikurinn náð ákveðnu jafnvægi þessar mínútur. Stál í stál gæti einhver sagt.

Hröð sókn Grindavíkur, Boltinn lagður út í D-bogann á Kairo sem lætur vaða en setur boltann hálfa leið niður að höfn.

Darraðadans í teignum eftir hornið en Grindvíkingar hreinsa í horn.

Kórdrengir fá horn.

Kórdrengir heldur að hressast eftir markið og halda boltanum vel. Ekki tekist að skapa færi þó til þess að tala um.

Kórdrengir fá horn.

Sjötta hornið á fyrstu 10 mínútum leiksins.

Gestirnir dæmdir brotlegir í teignum.

Enn fær Grindavík horn. Þeirra fjórða á fyrstu mínútunum.

Guðjón Pétur með skot að marki en beint á Óskar sem grípur auðveldlega.

Kairo með þrumuskot að marki eftir hornið sem Óskar gerir gríðarlega vel í að slá í slánna og yfir.

Hornið tekið og fer af varnarmanni og afturfyrir. Þriðja hornið i röð

Kristófer Páll í fínu færi í teig Kórdrengja en Óskar vel á verði og ver í horn.

Kristján Atli í dauðafæri í teig Grindavíkur eftir aukaspyrnu frá hægri. Línan hjá Grindavík klikkar illa en Aron Dagur vandanum vaxinn og ver í horn.

Farið af stað hér í Grindavík það eru gestirnir sem hefja hér leik gegn talsvert sterkri norðanátt.

Tríóið

Arnar Ingi Ingvarsson er með flautuna í þessum leik. Honum til aðstoðar eru þeir Guðmundur Ingi Bjarnason og Jakub Marcin Róg. Eftirlitsmaður KSÍ er svo Halldór Breiðfjörð Jóhannsson.

Grindavík

Grindvíkingar hefðu eflaust viljað talsvert fleiri stig á heimavelli það sem af er sumri. 14 stig eru í pokanum á heimavelli í 8 leikjum eða 4 sigrar, 2 jafntefli og 2 töp.

Grindavíkurliðið hefur átt staka góða leiki í sumar en þess á milli dottið niður á fremur lágt plan og átt erfitt uppdráttar í sínum leik. Líkt og undanfarin ár virðist sem stöðugleiki í frammistöðum sé ekki þeirra sterkasta vopn og ýmislegt sem betur hefur mátt fara í leik þeirra. Tímabilið er þó ekki úti enn og tími til þess að rétta úr kútnum.

Kórdrengir

Árangur Kórdrengja á útivelli í 7 leikjum í sumar hefur ekki verið neitt til að hrópa húrra fyrir. 3 stig úr þremur jafnteflum er uppskeran sem gerir þá 4 töp. Eitt af þremur liðum deildarinnar sem enn hafa ekki unnið útileik í sumar en hin eru Þróttur Vogum og andstæðingar dagsins Grindavík.

Illa hefur gengið hjá Kórdrengjum að skora á útvelli en aðeins eru komin 8 mörk á útivelli í sumar á meðan að þeir hafa þuft að sækja boltann í eigið net alls 15 sinnum.

Lærisveinum Davíðs Smára er því örugglega farið að hungra í góða frammistöðu og sigur á útivelli.

Staða liðanna í deidinni

Ég held að það sé óhætt að segja að bæði þessi lið hafi valdið ákveðnum vonbrigðum í sumar. Lið sem fyrirfram maður hefði talið að ættu að berjast í efri hluta töflunar sitja í því 9. og 10. að loknum 15 leikjum.

Liðin eru þó hvorugt í alvarlegri hættu á að sogast niður í fallsæti þar sem KV situr í 11.sæti 6 stigum á eftir Grindavík og 7 stigum á eftir Kórdrengjum.

Heil og sæl kæru lesendur og verið hjartanlega velkomin í beina textalýsingu Fótbolta.net frá leik Grindavíkur og Kórdrengja í Lengjudeild karla.