Öruggur sigur Kórdrengja. Vestramenn mættu aldrei til leiks í dag.

Viðtöll og skýrsla koma inn síðar í kvöld.

Pétur Bjarnason hérna með skalla rétt framhjá. Þetta er að fjara út hérna.

Brenton hérna með heimsklassa vörslu frá Daða inni á markteig.

Kominn hellidemba í Safamýrinni núna.

Víti! Brenton brotlegur.

Axel Freyr hér með góðan sprett og fer alla leið en Brenton fer boltann rétt yfir markið. Fínir taktar

Víti! Arnleifur fer niður innan teigs!

Mér finnst þessi seinni hálfleikur mjög svipaður þeim fyrri. Vestri heldur betur í boltann en ekki mikið að frétta fram á við hjá þeim.

Rodrigo hér í fínu skotfæri en skotið hans fer í varnarmann og Daði ver vel í markinu.

Var þessi ekki inni?!

Iosu Villar með boltann hægra meginn og kemst framhjá Brenton í markinu og kemur með boltann fyrir á fjær þar sem Arnleifur er. Boltinn að rúlla inn en Brenton með magnaða vörslu. Arnleifur samt handviss um að þessi hafi farið inn.

Rodrigo kemur sér í góða fyrirgjafastöðu og kemur boltanum á hættusvæðið en boltanum komið í burtu.

Ekkert kom uppúr spyrnunni sem var arfaslök.

Vestri fær hér aukaspyrnu á prýðis fyrirgjafastað en Rodrigo tekur

Kórdrengir byrja nú með boltann. Nóg eftir af þessum fótboltaleik.

Kórdrengir eru með þennan leik þar sem þeir vilja hafa hann. Ekki líklegt að Vestri komi til baka. En aldrei að segja aldrei.

Christian Rodriguez hérna með lúmskt skot fyrir utan teig sem er nálægt því að hafna í netinu á fjærstönginni en rétt framhjá.

Vestri halda boltanum vel þessa stundina. Lítið að frétta samt.

Brenton Markmaður Vestra er búinn að vera að öskra sína menn áfram á fullu allan leikinn. Alvöru leiðtogi

Vestra vilja víti upp úr horninu. Nikolaj með skalla inn í teiginn og Vestfirðingar kalla eftir hendi og víti en Helgi Mikael ekki á þeim buxunum.

Fín pressa hjá Vestra sem uppskera horn

Ekkert gerst eftir markið hérna í byrjun.

Ekkert kemur úr horninu og markspyrna sem Vestfirðingar eiga.

Kórdrengir fá fyrsta hornið eftir góða vörslu frá Brenton eftir skot frá Morten

Þetta er farið af stað. Vestri byrjar með boltann í dag.

Liðin eru hér að labba inná völlinn. Styttist í þetta. Bongóblíða í Safamýrinni.

Vestri

Sömu sögu er líklega hægt að segja um Vestra liðið. Ísfirðingar voru stórhuga fyrir tímabilið eftir gott tímabil í fyrra og sáu sæti í efstu deild fyrir sér sem raunhæft markmið.Frammistöður liðsins hafa hinsvegar verið mjög upp og niður á tímabilinu og oft hefur liðið sýnt magnaðar frammistöður en hafa hinsvegar líka sýnt arfaslakar frammistöður inn á milli. Gunnar Heiðar Þorvaldsson tók við liðinu fyrir tímabilið eftir að Jón Þór Hauksson tók við ÍA.

Kórdrengir

Tímabilið í ár hefur verið vonbrigði fyrir Kórdrengi. Liðið situr í 10. sæti deildarinnar með 18 stig eftir 16 leiki. Heppilega er liði ekki í mikilli fallhættu sökum arfaslaks gengis hjá KV og Þrótti Vogum. Kórdrengir hafa verið óheppnir með meiðsli í ár og hefur þeirra aðaframherji Sverrir Páll Hjaltested verið í meiðslavandræðum í ár. Kórdrengir munu þó líta til leiksins í dag til að rétta úr kútnum og tryggja endanlega veru sína í deildinni.

Komiði sæl og blessuð og verið velkominn í Safamýrina þar sem fer fram leikur Kórdrengja og Vestra í Lengjudeild karla.