Valur klárar þetta með sigri og mætir sigurliðinu úr leik Pomurje frá Slóveníu og Shelbourne frá Írlandi í úrslitum á sunnudag. Sigurliðið þar mun komast í 2. umferð forkeppninnar.

Mariana Sofía Speckmaier brunar upp hægra megin og sendir fyrir, boltinn í hendina á leikmanni Hayasa. Valur fær víti!

Hayasa gerir sína aðra skiptingu í leiknum. Inn kemur Anna Dallakyan.

Hayasa fær aukaspyrnu á hættulegum stað. Skot yfir markið.

Hætta eftir hornspyrnu Vals en boltinn flaug yfir markið.

Kulmagambetova kemst í gott skotfæri fyrir Hayasa en skýtur framhjá.

Vatnspása í hitanum.

Sólveig Jóhannesdóttir Larsen gerir vel, fer framhjá varnarmanni. Elín Metta Jensen er í hörkufæri en móttakan svíkur hana rækilega. Þarna átti Elín Metta að gera miklu betur.

Lára Kristín Pedersen með tilraun en hittir ekki rammann.

Skipting hjá Hayasa. Sylvia Nelson út og Mary Essiful inn.

Cyera Hintzen með frábæran sprett upp völlinn og vinnur hornspyrnu.

Valur er 10-3 yfir í tölfræði yfir marktilraunir en markið hinsvegar bara eitt! Íslensk kvennalið virðast eiga erfitt með að skora þegar kemur að Evrópuleikjum.

Þórdís Hrönn Sigfúsdóttir fór illa með varnarmann Hayasa og var tekin niður í teignum en ítalski dómarinn dæmir ekki vítaspyrnu! Þórdís allt annað en sátt.

Við spýtum aðeins í lófana og setjum í næsta gír í þessari lýsingu. Ásgerður Stefanía Baldursdóttir átti skot fyrir utan teiginn en hitti boltann mjög illa og framhjá fór hann. Hinumeginn átti svo Hayasa marktilraun en sama uppá teningnum, skottilraunin talsvert framhjá markinu.

Minnum á að Breiðablik verður í eldlínunni í þessari forkeppni seinna í dag. Leikur gegn Rosenborg klukkan 16.

https://t.co/6GP8Jz3hub

— Blikar.is (@blikar_is) August 17, 2022

Þess má geta að Hayasa á sér stutta en glæsta sögu. Félagið var stofnað 2020, varð armenskur meistari á fyrsta tímabili 2021 og varði svo titilinn 2022.

Tölfræðin úr fyrri hálfleik: Marktilraunir: 7-2 Hornspyrnur: 5-0 Gul spjöld: 1-1

Voronina, leikmaður Hayasa, náði að koma boltanum í netið áðan en var flögguð rangstæð.

Algjörir yfirburðir Valskvenna sem hafa átt sex marktilraunir og fengið fimm hornspyrnur. Armenska liðið er hinsvegar ekki búið að eiga marktilraun og hefur ekki fengið horn.

Leikurinn var stopp í smá tíma því Mist Edvardsdóttir þurfti aðhlynningu. Hún getur haldið leik áfram.

Heldur fábrotnar aðstæður á þessum velli í Slóveníu, Ekki beint Meistaradeildarbragur á þessu!

Leikurinn í beinni vefsjónvarpsútsendingu:

ATHUGIÐ! Hér er ekki um ítarlega textalýsingu að ræða heldur upplýsingaþjónustu sem unnin er gegnum upplýsingar frá heimasíðu UEFA Klukkan 09:00 á íslenskum tíma á Sportni park Radenci í Slóveníu mæta Íslandsmeistarar Vals liði Hayasa frá Armeníu í undanúrslitum fyrstu umferðar í forkeppni Meistaradeildarinnar. Sæti í úrslitum 1. umferðarinnar er í boði og mætir sigurliðið í þessum leik sigurliðinu úr í leik Pomurje frá Slóveníu og Shelbourne frá Írlandi í úrslitum á sunnudag. Engin breyting er á liði Vals frá sigri liðsins gegn Stjörnunni í undanúrslitum Mjólkurbikarsins og liðið er einnig óbreytt frá síðasta deildarleik.