Víkingur fer áfram í 8-liða úrslit eftir átta marka leik gegn KR!! 5-3 sigur staðreynd.

Blæðir úr Þorsteini Má sem þarf á aðhlynningu að halda.

Þremur mínútum bætt við.

KR á horn. Ekkert kom upp úr þessu, Ingvar handsamar boltann.

Víkingar fá vítaspyrnu!!!

Danijel fellur í teignum. Það tók góðan tíma að dæma þetta víti. Pontus dæmdur brotlegur.

HVAÐ ER PÉTUR AÐ GERA!!!??????

KR-ingar skora en Pétur er búinn að taka ákvörðun að dæma vítaspyrnu.

Hvar er hagnaðurinn? KR-ingar eru allt annað en sáttir.

Sigurður Steinar á sprettinum inná vítateig KR en Arnór Sveinn verst vel og kemur boltanum aftur fyrir.

Danijel með hornspyrnuna en samherjar ná ekki að koma boltanum að marki Víkinga og boltinn endar í markspyrnu.

Þorsteinn Már reynir fyrirgjöf en Sigurður Steinar bakar vel til baka og kemur boltanum aftur fyrir.

Atli á svo hornspyrnu en hún fer yfir allan pakkann.

Þorsteinn Már reynir fyrirgjöf sem er aðeins of innarlega og fer aftur fyrir endamörk.

Ingvar handsamar fyrirgjöf frá Atla af hægri kantinum.

Birnir með tilraun í kjölfar hornspyrnu frá Víkingum. Birnir reyndi að lauma boltanum á nærstöngina en Beitir var vel á verði og kom boltanum til hliðar.

KR-ingar eru að gera sig líklega!

Stefán nálægt því að vera í dauðafæri eftir sendingu frá Sigurði Bjarti. Aron Kristófer á svo tilraun sem fer í varnarmann og Atli reynir að teygja sig í boltann á fjærstönginni en nær ekki að koma boltanum á mrkið.

KR-ingar eiga hornspyrnu en spyrnan frá Atla fer beint aftur fyrir.

Víkingar eiga hornspyrnu en hún er ekki vel framkvæmd. Víkingar vinna boltann aftur, fyrirgjöf sem finnur Ara inn á teignum.

Ari á skot sem Beitir ver.

Mjög skrítnir tilburðir hjá Aroni Kristófer í öftustu línu, mögulega um hendi að ræða en það var samt tæpt. Ekkert dæmt.

Víkingar koma sér upp völlinn og eiga hornspyrnu.

KR-ingar bjarga á línu!
Aron Kristófer bjargar eftir tilraun frá Helga Guðjónssyni.

Atli með skottilraun en Pablo kemst fyrir.

Kyle með skalla eftir hornspyrnuna en hann fer framhjá.

Danijel Djuric með fína rispu, á tilraun sem fer af Arnóri og aftur fyrir.

KR-ingar tapa boltanum aftarlega á vellinum, Ari Sigurpálsson á skot sem Arnór Sveinn kemst fyrir. Þarna var smá hætta.

Í kjölfarið er Júlíus Magnússon brotlegur og er hann alveg á síðasta séns varðandi að fá gult spjald.

KR á hornspyrnu, Kennie kemur með fyrirgjöfina en Júlíus skallar í burtu.

Í kjölfarið kemur svo fyrirgjöf inn á teiginn sem Sigurður Bjartur skallar að marki en Ingvar er vel vakandi og hirðir boltann upp.

Helgi Guðjónsson með tilraun sem endar í höndunum á Beiti.

Kennie með fyrirgjöf sem Ingvar handsamar.

Fyrri hálfleik lokið!

Fjörugur hálfleikur að baki.

45+2

Atli hreinsar seinni spyrnuna frá Danijel í burtu.

45+1

Ari Sigurpálsson leggur boltann út á Helga sem á skot í varnarmann og Víkingur á annað horn.

45+1

Tveimur mínutum bætt við. Víkingur á hornspyrnu.

Sigurður Bjartur með skalla sem fer framhjá marki Víkings. Tilraun utarlega úr teignum og það var aldrei hætta.

Erlingur Agnarsson með tilraun fyrir utan teig KR sem fer af Pontus Lindgren og aftur fyrir. Víkingur fær hornspyrnu.

KR-ingar ná að skalla hornspyrnu Danijels í burtu.

Theodór Elmar með tilraun úr teignum sem Oliver Ekroth kemst fyrir og hreinsar í innkast.

Atli Sigurjóns kemst í frábæra stöðu, reynir fyrirgjöf en sendingin fer af Víkingi og aftur í Atla og þaðan aftur fyrir. Þarna var séns fyrir KR!

Víkingar hreinsa þetta allt saman í burtu.

KR-ingar ná að hreinsa og sækja nú hinumegin.

Fá aukaspyrnu út á vinstri kantinum, fínasta fyrirgjafarstaða.

Helgi vinnur aukaspyrnu á hægri kantinum. Aron Kristófer dæmdur brotlegur.

Útileikmenn Víkings sem eftir eru á varamannabekknum eru allir fæddir á árunum 2003 og 2004.

Beitir heldur leik áfram en Helgi Guðjónsson er að koma inná fyrir Karl.

Beitir þarf núna aðhlynningu.

Karl Friðleifur þarf á aðhlynningu að halda. Virðist geta haldið leik áfram, ja eða hvað.

Biður núna um skiptingu.

Kennie nálægt því að skora sjálfsmark!
Föst spryrna frá Danijel sem fer af Kennie sem er stálheppinn að boltinn fari ekki af sér og í eigið net!

Kennie brýtur á Birni Snæ úti á vinstri kantinum. Fín fyrirgjafarstaða.

Atli með skotið hægra megin úr vítateig Víkings og Ingvar ver í horn.

Ingvar handsamar svo fyrirgjöfina frá Atla.

Danijel með hornspyrnuna yfir allan pakkann og Ari kemur með fyrirgjöf hinumegin frá. Beitir handsamar boltann á nær fullri stjórn á boltanum á endanum.

Víkingar eiga hornspyrnu.

RANGSTAÐA!

Hallur Hansson er dæmdur rangstæður. Hann kom boltanum í netið en eftir talsverðan tíma fer flaggið á loft og rangstaða dæmd.

Lýsararnir á RÚV sjá ekki rangstöðu í þessu atviki við fyrstu sýn!

Virðist bara alls ekki vera rangstaða, mögulega á Ægi í fyrri fyrirgjöfinni frá Atla.

Sigurður Bjartur vinnur aukaspyrnu fyrir KR vinstra megin við vítateig Víkings. Karl Friðleifur brotlegur þarna.

Karl Friðleifur með tilraun með vinstri fæti við vítateig KR en skotið fer framhjá.

Danijel Djuric átti öflugan sprett á undan og ætlaði að finna Birni í gegn en Arnór Sveinn stoppaði það, boltinn barst á Karl sem leitaði á vinstri löppina en skotið fór framhjá.

Theodór Elmar í smá vandræðum, tapar boltanum og Pablo vinnur aukaspyrnu fyrir Víking.

Danijel tók spyrnuna, flott fyrirgjöf inn á Erling sem sneiðir boltann framhjá en er dæmdur rangstæður.

Sigurður Bjartur með tilraun í kjölfar hornsins, skot fyrir utan teig en það fer yfir mark Víkings.

KR fær sína fyrstu hornspyrnu í þessum leik.

Viktor skallar fyrirgjöf Atla í burtu. Atli fær boltann aftur og kemur boltanum fyrir. Ingvar í brasi inn á teignum, boltinn berst á Hall en skotið frá Halli fer í Karl Friðleif og aftur fyrir. Annað horn.

KR-ingar sóttu hratt, Atli kom boltanum á Aron Þórð sem á skot sem fer framhjá nærstönginni.

Flott sókn hjá Víkingum sem fá fyrstu hornspyrnu leiksins.

Föst spyrna frá Danijel sem skölluð er út fyrir teig, Viktor reynir að vippa boltanum inn á teig en Kennie hreinsar.

Svona stilla KR-ingar upp:
Beitir
Kennie - Arnór - Pontus - Aron Kristófer
Hallur - Aron Þórður - Ægir
Atli - Sigurður - Elmar

Svona stilla Víkingar upp:
Ingvar
Karl - Oliver - Kyle - Viktor
Júlíus
Pablo - Ari
Erlingur - Danijel - Birnir

Pablo nær ekki að finna Erling inná teignum, fínasta sokn hjá Víkingi.

Viktor Örlygur með fyrirgjöf sem Beitir handsamar.

Víkingar byrja með boltann!

Í viðtölum eftir síðustu leiki þessara liða þá kom fram að Nikolaj Hanen væri að glíma við meiðsli og þeir Kristinn Jónsson og Finnur Tómas Pálmason væru að nálgast endurkomu.

Það vekur athygli að Arnór Borg Guðjohsnen er ekki í leikmannahópi Víkings í dag.

Það er byrjað að hellirigna!

Þrjár breytingar hjá Víkingum og tvær hjá KR!
Arnar Gunnlaugsson, þjálfari Víkings, gerir þrjár breytingar á sínu liði frá 1-1 jafnteflinu við Breiðablik í Bestu deildinni á mánudag. Tvær þeirra eru vegna meiðsla því Logi Tómasson og Davíð Örn Atlason fóru meiddir af velli í fyrri hálfleik á Kópavogsvelli.

Pablo Punyed kemur inn í liðið fyrir Loga en líklegt er að Viktor Örlygur Andrason færist af miðsvæðinu og í vinstri bakvörðinn líkt og hann gerði gegn Blikum. Þá kemur Karl Friðleifur Gunnarsson inn í hægri bakvörðinn og Birnir Snær Ingason kemur inn fyrir Helga Guðjónsson sem sest á bekkinn. Helgi hefur skoraði fimm mörk fyrir Víking í bikarnum í ár og er markahæsti leikmaður liðsins í þeirri keppni.

Rúnar Kristinsson, þjálfari KR, gerir tvær breytingar á sínu liði eftir markalaust jafntefli gegn Keflavík á mánudag. Stefán Árni Geirsson og Þorsteinn Már Ragnarsson taka sér sæti á bekknum og inn í liðið koma þeir Theodór Elmar Bjarnason og Aron Kristófer Lárusson sem voru í leikbanni á mánudag. Þá er Pálmi Rafn Pálmason mættur aftur á varamannabekk KR.

Byrjunarlið Víkings hefur verið opinbert!

Ein breyting frá líklegu byrjunarliði eins og það var birt hér að neðan. Helgi Guðjónsson byrjar á bekknum!

BYRJUNARLIÐ
🆚 @KRreykjavik
@mjolkurbikarinn
#Mjolkurbikarinn #fotboltinet #vikeskr pic.twitter.com/LnkRAJ30S2

— Víkingur (@vikingurfc) August 18, 2022

Það verður eitthvað um breytingar á liðunum í kvöld!
Fótbolti.net spáir þremur breytingum á liði Víkings frá leiknum gegn Breiðabliki. Bakverðirnir Logi Tómasson og Davíð Örn Atlason eru meiddir og þá er líklegt að Arnar Gunnlaugsson geri eina breytingu framar á vellinum og setji Birnir Snæ Ingason í liðið. Pablo Punyed kæmi inn á miðsvæðið, Viktor Örlygur Andrason færi í vinstri bakvörðinn og Karl Friðleifur Gunnarsson kæmi inn í hægri bakvörðinn.

Hjá KR er líklegt að þeir Theodór Elmar Bjarnason og Aron Kristófer Lárusson komi inn í liðið eftir leikbann. Líklegast er að þeir Þorsteinn Már Ragnarsson og Stefán Árni Geirsson munu taka sér sæti á bekknum.

Leiðin í 8-liða úrslitin:
Bikarmeistararnir byrjuðu á því að vinna 0-7 útisigur á Haukum í 32-liða úrslitunum áður en þeir fóru svo á Selfoss og unnu 0-6 sigur í 16-liða úrslitunum. Helgi Guðjónsson skoraði fimm mörk í þeim leikjum og er hann einu marki á eftir markahæstu mönnum keppninnar fyrir leikinn í kvöld.

KR byrjaði á því að slá út Stjörnuna í Garðabænum, 0-3, í 32-liða úrslitum áður en liðið vann torsóttan 0-1 sigur í Njarðvík í 16-liða úrslitunum. Hallur Hansson skoraði í báðum þessum leikjum og er markahæstur KR-inga í keppninni.

Bæði lið gerðu jafntefli í vikunni
Liðin léku bæði í Bestu deildinni á mánudag og gerðu bæði jafntefli. Víkingur fór í Kópavoginn og gerði 1-1 jafntefli við Breiðablik. Danijel Dejan Djuric skoraði mark Víkings í leiknum.

KR fór til Keflavíkur og gerði þar markalaust jafntefli.

Víkingur er í 3. sæti deildarinnar á meðan KR er í sjötta sæti, sex stigum á eftir Víkingi sem á einnig leik til góða.

En staðan í deildinni skiptir svo sem engu máli í dag!

Dómarateymið:
Pétur Guðmundsson er með flautuna í kvöld og honum til aðstoðar eru þeir Gylfi Már Sigurðsson og Egill Guðvarður Guðlaugsson.

Björn Guðbjörnsson er eftirlitsmaður KSÍ og Einar Ingi Jóhannsson er fjórði dómari.

Pétur Guðmunds

Þriðji leikurinn í 8-liða úrslitunum
Tveimur leikjum er lokið í 8-liða úrslitunum.

FH lagði Kórdrengi í síðustu viku og KA lagði Ægi að velli. Fjórði og síðasti leikur 8-liða úrslitanna fer svo fram á morgun þegar Breiðablik heimsækir nágranna sína í HK í Kórnum.

Góðan kvöldið lesendur góðir og veriði velkomnir í beina textalýsingu frá viðureign Víkings og KR í Mjólkurbikar karla. Um leik í 8-liða úrslitunum er að ræða og hefst leikurinn klukkan 20:00 á Víkingsvelli.

Víkingur er ríkjandi bikarmeistari og KR hefur ,,unnið bikarinn oftast, oftar en allir aðrir" eins og segir í laginu.