SKÝRSLAN: Andri allt í öllu í sigri ÍBV
Hvað réði úrslitum?
Heillt yfir mjög flott liðs frammistaða hjá heimamönnum í dag. Þó að Andri Rúnar og Arnar Breki hafi klárlega skarað fram úr skiluðu allir góðu dagsverki.
Bestu leikmenn
1. Andri Rúnar Bjarnason
Tvö mörk og stoðsending frá Andra Rúnari í dag. Hann fær þennan titil verðskuldað.
2. Arnar Breki Gunnarsson
Feykilega öflugur og olli miklum vandræðum í vörn Stjörnunnar. Eitt mark frá honum í dag og heillt yfir frábær frammistaða.
Atvikið
Það má segja að mark Stjörnunnar hafi verið vendipunktur leiksins. Eyjamenn unnu sig eftir það hægt og bítandi inn í leikinn á meðan gestirnir gáfu eftir.
Hvað þýða úrslitin?
Eyjamenn styrkja stöðu sína í 9. sæti Bestu deildarinnar. Nú með 18 stig þegar þrjár umferðir eru eftir fram að úrslitakeppni, fimm stigum frá fallsæti. Stjarnan þarf að rífa sig í gang ætli þeir sér að keppa í efri hluta úrslitakeppninnar. Þeir eru í 5. sæti með 28 stig.
Vondur dagur
Varnarleikur Stjörnunnar í dag var mjög slakur. Í raun sama sagan og úr síðustu tveimur leikjum, 6-1 tap gegn val og 2-4 gegn KA. Ágúst Gylfason og lærisveinar hans hafa heldur betur verk að vinna í varnarleiknum. Hefðu vel getað fengið á sig fleiri mörk en Haraldur stóð þó vaktina nokkuð vel í markinu þrátt fyrir að hafa fengið á sig þrjú mörk.
Dómarinn - 7
Ívar Orri Kristjánsson hafði ágætis tök á leiknum.